كيفية ازالة خوف الطائر

[الافندي]

السلام عليكم
اشلونك اخي جعفر ان شاء الله اتكون بخير وان شاء الله راح افيدك بخبرتي وتربيتي لاكثر من نوع ببغاء
اول شيء لازم تعرفه انو الببغاء طائر ذكي جداً وغيور جداً وما يحب يكون احد سيد عليه ايريد دائماً هوى المتحكم فيك ( بالمربي ) يعني عنيد . بس هذه الامور اتروح مع الوقت والتدريب والطريقة الصحيحة في الترويض
راح اول شيء افيدك بطريقة الاكل انا اتبعت طريقة ونجحت ويايه الي هي انو اجي يم الطائر واكل تفاح واخلي يباوع عليه وبعد شويه اعطية منها اول مرة راح يرفضها بس مع تكرار هذه الطريقة اكثر من مرة راح اتلاحضة من باب الفضول راح ياكلها . وبعدها خلي بالمعلف تنويع في الاكل وقلل الحب الشمسي وراح بعد فترة يظطر ياكل ......اما بالنسبة العنااااد في الترويض اهنا اكلك لازم تكسر حاجر الخوف بينك وبين طيرك وهو ان تعطي وقت اكثر بالجلوس معه والكلام معاه خلي من بعيد خلي باليوم ساعتين استمر على هل الطريقة لحد ما توصل مرحلة انو لما تجي يمهن ومن بعيد بس تصفر او اتنادي بأسمائهن هنا هم يصفرن ويردن عليك بهاي عرفت انت انو هنا حبن شوفتك واستقبلنك ............... وبالنسبة للجعير بيروح مع الوقت .............ززز واي سؤال اني بالخدمة