رد: طفشت من طيري .. استفسار
السلام عليكم
اخي الكريم لاتستعجل وتسوي شي من راسك ارجوووك
اولا: لازم تعرف ريش الطير وش اسباب تكسره او نتفه حيث هناك اربع اسباب رئيسية:
1-تساقط طبيعي لان الطير كل سنة يبدل ريش وهذا معروف لدى اصحاب الخبرة.
2- تساقط بسبب مرض عضوي بالطير نفسه وهذا له علاج حسب السبب.
3- نتف من الطير نفسه بسبب حالة نفسية من قلة العناية به او ضغوط من البيئة اللي حوله
4- حد لاعب بريشة من نتف او تكسير او من مسك غلط للطير.
نصيحة قبل تسوي شي من نفسك تودي الطير للبيطري خل يشوفه ويحدد السبب افضل لك
نتف الطير بنفسك مانصح حد فيه من غير خبره لانه ممكن يسبب نزيف حاد للطير او يخرب مكان منبت الريشة وماتطلع مره ثانية.
اما بخصوص ترويض الطير
المتعة الحقيقية انك انت تروض الطير بنفسك منها تتعلم الصبر ولما تنجح راح تحس بقيمة تعبك والطرق كثيره اللي تعلم المبتدئين منها هنا بالمنتدى ومنها مقاطع على اليوتيوب
ويمكن حد من اهل الخبرة قريب عليك يساعدك بالموضوع ولكن بكل الحالتين الطير مطلوب منك وقت وجهد وصبر واذا كان ماعندك استعداد تفضي نفسك للطير فكل تعبك راح يضيع لانه بكل بساطة الطير حتى لو مدرب راح يخرب طبعة لو اهملته معنى هذا ان الاحسن لاتظلم نفسك وتظلم الطير معك
ارجو ان يكون كلامي مفيد وغير ثقيل عليك لكن الدين النصيحة
دمتم بود مع اطيب التمنيات
|