منتديات تو زوو متخصصون في عالم الحيوان وتربية
المخلوقات الجميلة ويضم منتدانا أكبر وأروع تجمع لهواة تربية الحيوانات والطيور
والأسماك والأحياء المائية والزواحف والبرمائيات ولمتابعي تحركات الحشرات
والمفصليات ولمحبي الزراعة والعناية بالنباتات كما نوفر لكم من خلال سوق تو زوو
الالكتروني الكبير عرض سلعكم بالمجان وبعد ذلك كله تستريحون في استراحة الهواة
متمنين لكم طيب الاقامة لدينا
اولا انا مش بسأل على حاجة عشان معاد السؤال انتهى خلاص بس الى حصل و شوفته كان اغرب مما كنت اتوقع من الهامسترات و انا طارح الموضوع للنقاش لانى فعلا نفسى افهم ايه سبب الى حصل ده
انا ححكلكو الحكاية عشان تفهمو .
انا كان عندى هامسترة حامل وولدت ,,, و كان من مخططاتى انى انقل كل الهامسترات الى عندى فى البيت لمكان تانى عشان الريحة بتاعتهم
المهم انا قررت انى انقل كل الهامسترات لما الهامسترات المولودين يتموا 20 يوم
و الحمد لله الوضع كان مستقر لكل الهامسترات لمدة اسبوع او اكثر قليلا و انا كنت فصلت الصغار عن امهم بس كان ملحوظ جدا ان الهامسترات الصغيرة الى عندى كلها عنيها قفلت تانى بعد ما فتحوا عنيهم و كان ده غريب .. انا كنت قابلت المشكلة دى فى الولادة الاولى بس فى هامستر واحد و حليتها بإنى جبت مية فاترة و بليت صبعى و بليت مكان فتحة عنيه و فعلا نجحت انى اذوب العماص الى قافل عنيه و فتحها و بقى 10/10 و عملت كدة برضه مع المواليد الجداد و الحمد لله فتحو عنيهم كلهم . الغريب انهم تانى يوم رجعوا قفلوها تانى .... اتكرر الموضوع ده 5 مرات و مفيش فايدة . المهم بعد اخر مرة جيب عشان احط اكل للصغار لقيت الأكل بتاع امبارح لسة موجود و 2 منهم اكلوا 3 و الموجود مجرد بقايا ( اتصدمت ) ايه الى بيحصل مع انى معتنى بيهم جدا و الاكل و اللبن مش بيخلصو من عندهم المهم سألت و مفيش حد فادنى خالص و لكن بعد بحث طويييييييييييل جدا عرفت انى غلطت لانى كن حاططهم فى حوض صغير مش مناسب لعددهم عشان كدة اتعاركوا مع بعض و الى مات من العراك اتاكل .. و عرفت ان اكل الهامسترات للهامستر الميت شئ طبيعي عشان كدة يستحسن انك تشيل الهامستر الميت فورا قبل ميكلوه.
المهم قولت خلاص قدر الله و ماشاء فعل ... دلوقتى انا باقى عندى 2 و الحوض كدة مناسب جدا لعددهم و حجمهم ( مع العلم انهم لسة عنيهم بتقفل و كل يوم بفتحهلهم )
بعد 3 ايام لقيت واحد تانى ميت و متاكل وواحد بس هو الى عايش بس الى عايش ده كان شكله مرعب اصلا شكلة مش طبيعى خالص و عنيه مش موجودة اصلا
انا بقى مش فاهم ليييييييه ده حصل ... أغرب شئ ممكن يحصل لواحد بيربى هامسترات
مع ان الهامسترات الباقية كويسين جدا و حالتهم زى الفل
بجد الى عنده اى رأى او استنتاج او اي حاجة يقولها عشان انا مش فاهم ايه الى حصل
ليه عنيهم بتقفل على طول كدة و ليه موتوا بعض مع ان القفص لـ 2 و صغار كمان مناسب جدا و حجمه 35X25 سم
انا عارض الموضوع للنقاش لأنى شايف انه مهم جدا بالنسبة لي و لأى حد عشان بيحصلش لحد حاجة زى كدة
رد: اغرب شئ شوفته فى حياتى بخصوص الهامسترات الصغيرة
وعليكم السلام ورحمة الله وبركاته,,,
بخصوص كل ما قلته هو شئ عادي جدا في عالم الهامستر
فانغلاق أعين الهامسترات الصغار هي نتاج نوم عميق فقط وليست حالة مرضية أو شئ كهذا فهي تبقي عينيها
مغلقتان وتقتصر على حاسة الشم في أكلها ,,
أكل الصغار لبعضها البعض هو عادي خصوصا بالنسبة للهامستر السوري لذا وجب على المربي فور بلوغ الصغار لعمر 21 عزلهم عن أمهم وعن بعضهم البعض لتفادي الشجار القاتل وأكل بعضهم لبعض,,
والله يعوضك أخي فيما ضاع لك,,
__________________
سبحان الله وبحمده سبحان الله العظيم.. لااله الا الله ...
سبحان الله ... لاحول ولاقوة الا بالله .. استغفر الله .. سبحان الله وبحمده..
((الا بذكر الله تطمئن القلوب ))...
رد: اغرب شئ شوفته فى حياتى بخصوص الهامسترات الصغيرة
نحن نعلم ان الهامستر السوري وهو النوع الذي أرجح أن يكون عندك غير اجتماعي بتاتا وما يجمعه من بني جنسه هو التزواج فقط,,
وابقائهم مع بعض أمر خطير,,
والانسب أن تقوم بعد مرور 21 يوم من عمر الصغار بعزلهم عن أمهم وأن تضع الذكور مع بعض في قفص والاناث مع بعض في قفص آخر لكن مع مرور الثلات أسابيع أو أكثر تقريبا ستضطر لعزلهم كلا في قفص وذلك لحدوث الشجارات ,,
وهذه صراحة هي المشكلة القائمة فنضطر لبيعها للتقليل من عددها,,
وطبعا هناك حالات كثيرة نرى فيها المربي يبقي فيها الصغار مع بعض ولا تأكل بعضها رغم حدوث المناوشات,,
لكن الوقاية أحسن من العلاج,,
__________________
سبحان الله وبحمده سبحان الله العظيم.. لااله الا الله ...
سبحان الله ... لاحول ولاقوة الا بالله .. استغفر الله .. سبحان الله وبحمده..
((الا بذكر الله تطمئن القلوب ))...
رد: اغرب شئ شوفته فى حياتى بخصوص الهامسترات الصغيرة
اقتباس:
المشاركة الأصلية كتبت بواسطة Coupooo
ماشى ... طب بالنسبة للعيون المقفلة دى ... اسيبهم هما حيفتحوها لواحدهم ؟؟؟
الاحتمال الأول كما قلت سابقا هو النوم الذي يعيق عملية فتح الأعين في اللحظات الأولى خصوصا ان كانت شدة الاضاءة قوية ,,,
والاحتمال الثاني أن تكون الصغار تعاني من التهاب ربما سببه الحساسية التي تسببها لهم الفرشة أو قلة النظافة أو شئ كهذا,,
وهذا الالتهاب يسبب التصاق الأعين وظهور مادة بيضاء في أعينهم,,وبذلك يمكنك المسح بقطعة قماش مببلة بماء دافئ حول أعينهم,,
__________________
سبحان الله وبحمده سبحان الله العظيم.. لااله الا الله ...
سبحان الله ... لاحول ولاقوة الا بالله .. استغفر الله .. سبحان الله وبحمده..
((الا بذكر الله تطمئن القلوب ))...