فرخي الكاسيكو يرجع

[دموع العين]

متأكد اخوي؟

الانتفاخ هذي مال الاكل،، لان عطيته قبل وللحين في بطنه شوي،،
الطير للحين ياكل بالإبره،، ولما اعطيه ينتفخ بطنه وعقب جم ساعه يروح

[ابو محمــد]

الافضل زياره الطبيب والانتفاخ هذا غير طبيعي .

[صوغة]

لاحول ولا قوة الا بالله

الله يشفيه يارب

الانتفاخ مو طبيعي مو انتفاخ أكل
واسمعي نصيحة أبو محمد ولا تتأخرين بزيارة الطبيب

والله يعينج ويشافيه يارب

[دموع العين]

انزين اخوي انا من البحرين،،
ماتعرف بيطري عندنا؟ لان البيطري اللي انا رحته قبل اسبوع تبع الحكومه

[ابو محمــد]

افضل العيادات في البحرين ابحث في جوجل .

[صوغة]

معليش اختي ان شاءالله يزول هالشي ويشفا

بس سؤال يطرح نفسه الطبيب البيطري الي وديتي له طيرج ماشاف هالانتفاخ ما استغرب منه ؟

ولا الانتفاخ ماطلع الا بعدين؟؟؟

لانه بصراحة اذا الطبيب شاف هالانتفاخ ولا استغرب فأحنا نستغرب منه الطبيب الي يعدي عليه أمر جذيه!!!

[دموع العين]

اختي انا قلت لكم،،
الانتفاخ هذي انا بروحي مو دايما اجوفه،،
يعني اجوفه بس لما اعطيه الاكل
اليوم الثاني الصبح مثلا اجوفه طبيعي،، ومافي هالانتفاخ،، فأنا مستغربه يوم قلتو لي ان الانتفاخ مو طبيعي

[صوغة]

اي والله مو طبيعي
اساسا الاكل ماينزل بالمعدة على طول يظل بالحوصلة فترة

على كثر ماشفنا طيور ما مر علي هالشي

مثل ماقالج ابو محمد مالج الا البيطري واذا وقتها هالانتفاخ مو موجود بالطير راويه هالصور وهو راح يتصرف

الله يعينج ويساعدج ويشفيه يارب

[دموع العين]

انزين وهذي المرض ماله اعراض ثانيه غير الترجيع؟
اجوف الطير حاليا مايرجع!

[صوغة]

ارجعي اقري اول تعليق لابو محمد بعد الصوره

بس مافيها شي لرجعتيه للطبيب وراوتيه الصور

وضعه مو طبيعي

حتى مشوه شكله والله واعلم عن المستقبل يمكن تكبر

دام فيه حل وبيدج وديه لا تتركينه جذيه

والله يشافيه