مسافره وما أعرف فين اودي بستي :(

[Tagreed]

هلوو
انا انشالله بعد ممكن اسبوع او اثنين بسافر
وما اعرف فين اودي بستي ؟
مافي اماكن خاصه للحالات هذي يعني تتبناها وقت ما اكون مسافره ؟
علماً اني في السعوديه- جدة
واحتمال كمان اشيلها معايا والسفر بيكون بالسيارة حق ممكن 4 ساعات
تتحمل البسه هذي المسافة بالسيارة ؟
سوري كثرت هرج بس قلقانه عليها

[vampire-TW]

السلام عليكم ورحمة الله وبركاته
واحتمال كمان اشيلها معايا والسفر بيكون بالسيارة حق ممكن 4 ساعات
تتحمل البسه هذي المسافة بالسيارة ؟
لو تاخذيها معك افضل نعم تتحمل فقط حاولي تصوميها حتى ما تتبول او تتبرز في السيارة و لو ممكن البوكس احسن
ولو ما اقدرتي اعملي طلب في قسم التبني و يكون مؤقت وتاكدي من المتبني يعني لازم يكن مضمون
واللا شوفي لك محل حيوانات مضمون خليها فيه فندقة بس احرصي انه يكون مضمون و موفقه

[دلوعةقطوتي]

اهلين
تروحين وترجعين بالسلامه
ياتخليها عند احد تعرفيه وموثق فيه او توديها لمحل نظيف نظام فندقه اليوم على ماتذكر ب25
او تاخذيها معاك لو بالسياره خليها قدام التكييف لان الجو حار
او ممكن تعرضيها تبني بقسم التبني بس شخصيا مااثق اعطي قطاوتي احد ماعرفه هو بيهتم فيها اولا

[Tagreed]

المشاركة الأصلية كتبت بواسطة vampire-TW

السلام عليكم ورحمة الله وبركاته
واحتمال كمان اشيلها معايا والسفر بيكون بالسيارة حق ممكن 4 ساعات
تتحمل البسه هذي المسافة بالسيارة ؟
لو تاخذيها معك افضل نعم تتحمل فقط حاولي تصوميها حتى ما تتبول او تتبرز في السيارة و لو ممكن البوكس احسن
ولو ما اقدرتي اعملي طلب في قسم التبني و يكون مؤقت وتاكدي من المتبني يعني لازم يكن مضمون
واللا شوفي لك محل حيوانات مضمون خليها فيه فندقة بس احرصي انه يكون مضمون و موفقه

وعليكم السلام
لو بأخذها أكيد باخد البوكس تبعها ..
مشكله اني مو ضامنه احد اذا بطلب في قسم التبني ..
وماعندي اقارب ممكن يقبلوها مؤقت
اول مره اسمع عن الفندقه وكيف اعرف لو المحل مضمون
شكرا على الاجابه (وردة)

المشاركة الأصلية كتبت بواسطة دلوعةقطوتي

اهلين
تروحين وترجعين بالسلامه
ياتخليها عند احد تعرفيه وموثق فيه او توديها لمحل نظيف نظام فندقه اليوم على ماتذكر ب25
او تاخذيها معاك لو بالسياره خليها قدام التكييف لان الجو حار
او ممكن تعرضيها تبني بقسم التبني بس شخصيا مااثق اعطي قطاوتي احد ماعرفه هو بيهتم فيها اولا

تسلمين ,,
ولا انا ما اثق في احد عشان كذا شايله همها ..
احسها زي بنتي ما اقدر افارقها
شكرا مره شكله في النهايه باخذها معايا

[vampire-TW]

اول مره اسمع عن الفندقه وكيف اعرف لو المحل مضمون
شكرا على الاجابه (وردة)

المفروض تكون فيه مواصفات يعني لما تدخلي على غفلة تشوفي حالة القطط هل عندهم اكل

..ليتل بوكس نظيفين ....

وبالنسبة لصاحب المحل حسب الشخص لو متق الله يعني ما تقدري تعرفي ما بنيته

لا تخليها على المكيف مباشرة حتى ما تمرض

موفقه

[بنت اهلها]

السلام عليكم
أنا توني مسافره الطائف ب السياره وعادي صمومتها و
عشانها صغيره جبت علبه تدخل في البوكس حقها وجبت فيه التراب
وبس ووصلت ب السلامه

[الخبيرة ناديا]

تروحون وترجعون بالسلامه

لاكن ماانصح ابدا انك تسلميها اي احد في قسم التبني ..لان احتمال كبير يطلع نصاب وماترجعلك القطه

الافضل خذيها معاكي وان شاء الله مايصير لها اي شي .

كل التوفيق لك

[Tagreed]

المشاركة الأصلية كتبت بواسطة vampire-TW

المفروض تكون فيه مواصفات يعني لما تدخلي على غفلة تشوفي حالة القطط هل عندهم اكل

..ليتل بوكس نظيفين ....

وبالنسبة لصاحب المحل حسب الشخص لو متق الله يعني ما تقدري تعرفي ما بنيته

لا تخليها على المكيف مباشرة حتى ما تمرض

موفقه

بأخذ كلامك في عين الاعتبار
شكرا

المشاركة الأصلية كتبت بواسطة بنت اهلها

السلام عليكم
أنا توني مسافره الطائف ب السياره وعادي صمومتها و
عشانها صغيره جبت علبه تدخل في البوكس حقها وجبت فيه التراب
وبس ووصلت ب السلامه

مو حرام اصومها ؟

المشاركة الأصلية كتبت بواسطة الخبيرة ناديا

تروحون وترجعون بالسلامه

لاكن ماانصح ابدا انك تسلميها اي احد في قسم التبني ..لان احتمال كبير يطلع نصاب وماترجعلك القطه

الافضل خذيها معاكي وان شاء الله مايصير لها اي شي .

كل التوفيق لك

انشالله يارب
شكراا

[The Cat Whisperer]

بصراحة انا لو منك لا كنت اتطمن على قطتي عند حد ولا في محل

حتى لو عند حد قريبي او معرفة برضه كنت هفضل شايل همها وقلقان

احسن حل تسفريها معاكي في البوكس وبنفس الطريقة اللي قالها الجماعة

ولو ان حكاية الصوم دي تعب على القطة هتصوم كام ساعة وكمان 4 ساعات الرحلة

حطيلها شوية كريستال أو رمل في أرضية البوكس أو في علبة جوه البوكس وأكليها عادي

تروحي وترجعي بالسلامة انتي وقطتك إن شاء الله

[بنت اهلها]

لا مو حرام بعدين نص الطريق ارجع اعطيها اكل بس مو كثير شوي بس ما اعطيها مويه