اخوي الرزام

[Musab Pro]

اخي الكريم .. بدايتك ممتازه للتدريب على الطاعه . ولا تبدأ بالشراسه الان .

لان الكلب يحتاج ان يكون تحت السيطره دائما و ابدا خصوصا لما يبدأ يكون شرس .

بما انك وجدت احد المفاتيح للكلب فالتزم به .. وتابع اللعب بقطعة القماش .

ممنوع منع بات تترك الكلب يعض يدك او رجلك ولا تتراخى في هذا الموضوع ابد .

وكل ما حاول الكلب عض يدك قوله نوووو وابعد يدك عنه او رجلك و اعطه قطعة القماش

وحاول دائما ما تدربه كثير بقطعه القماش عشان ما يمل منها .

المفتاح : قطعة القماش و كيف راح تدربه بهذا المفتاح .

شوف يالغالي .. تمارين الطاعه عندنا تارسه قسم التدريب و فيه مقاطع كثير على اليوتيوب .

اهم شي انك تطبقها بشكل صحيح وتستمر عليها ٣ او ٤ حصص يوميا كل حصه ٥ او ١٠ دقائق بالكثير .

لا تجعل الكلب يمل .. وفي كل مره يطبق الامر صحيح عطه قطعة القماش كمكافئه .

يعني مثلا نبدا ندربه على امر سيت .

ولما يجلس تقوله يسسسس قوود دوووق و تحرك قطعة القماش حركه سريعه قريب منه

وتخليه يجري عليك ويحاول يعضها وانت حاول تبعدها منه كم مره وبعدين تعمد انك تخليه يصيدها

ولما يصيدها العب معاه لعبة الشد وخلها حماسيه شوي .. وبعدين تامره بترك اللعبه .

ولما يتركها تكافئه بالاكل وتعيد امر سيت عليه .

اعرف ان الوضع شوي بيكون متعب وراح تفقد التركيز بسرعه لكن حاول قدر الامكان تكون مركز .

كرر الامر بالحصه الواحد قد ما تقدر لمدة ١٠ دقائق مثلا بعدين وقف التدريب واللعب .

اعد الحصه ٣ او ٤ مرات يوميا واذا تقدر اكثر مافيه مشكله .

كلما زاد عدد الحصص افضل .. وكل ما قل وقت الحصه افضل .. وحاول تتقيد بالتعليمات اللي قلت لك .

٤ حصص كل حصه ١٠ دقائق .

كرر الامر يومين ،، ثلاثه ،، اسبوع ،، لين يتعلم الكلب .

واذا ما تعلم لاي سبب من الاسباب اعرف انه فيه خلل اما فيك .. او البيئة اللي تدرب فيها كلبك .

ولا تضع اللوم على الكلب ،، ترى غالب الكلاب حتى الهجينه منها تتقن اوامر الطاعه بسرعه .

تقبل مروري .