تبغى تدرب ببغائك وتفيد وتستفيد تابعنا في سلسله تدريب (دلــــوع) بدأت وبسم الله نبدأ

[قاهر الايام]

اولا مبروك عليك دلوع وان شاء الله يتربى بعزك ويصير شاطر ومطيع مثل محبوب والمتدرب الجديد عسول وان شاء الله مع الايام نشوفه ينافس محبوب

وعلى طاري محبوب اللي اعرفه انه متعلق فيك لاخر درجه مسكين اللحين تلاقيه ميت من الغيره من يشوفك تدرب واحد او تشيله الله يساعده المسكين

عموما اخوي الله يساعدك على تدريبه وانا واثق ان شاء الله انت قدها واكبر منها

وانا متابعك اخوي وكل ما تابعتك زدتني حماس انا املك كاسكو صار له تقريبا عندي 6 اشهر لكنه للحين يخاف مني ويجعر ومزاجي في مسألة الالفه رغم انه الحمد الله قام يتكلم اللحين وشيط والصراحه جاب لي احباط وقلت باخذ لي طير جاهز هالمره واهم شي يكون اليف لكن بعد ما شفت سلسلة عسول غيرت رايي وقلت باخذ طير مو بارز والحمد اللخ توفقت واخذت طير انه ما يجعر رغم انه غير اليف وحاليا بديت وياه جلسات سريعه والحمدلله بفضل الله وبفضل سلسلتك لتدريب عسول بده الطير يتقبل العصى حاليا امسح عليه ويركب فوقها لكن لا تقرب يدك والله انه ينتفها وان شاء الله مع الايام اتغلب على مشكلة العض
عموما اخوي الى الامام وننتظر بداية السلسه في التدريبات علشان نستفيد منها اكثر واكثر

وان شاء الله سنكون متابعين اول بأول ان شاء الله ستكون لنا مداخلات بين الحين والاخر لكي نستفيد من خبرتك