الحمام

[mkmk_b]

المشاركة الأصلية كتبت بواسطة nmsaj

في هذا الملف صورة لحمام مودينا هل يعرف احدكم ماذا يطلق عليه في فلسطين وتحديدا في غزة وايضا كم يساوي الزوجين الذكر والانثى ثمنا لهما وشكرا

اخوي انا من السعودية ومن محبين هذا النوع من الحمام واللي هو المودينا وعندي منها جوزين لاكن مستواهم طبعاً أقل من كذا وللأسف دورت كثير بالسعودية ومالقيت من هذا المستوى بالحجم والتكويرة الصعبة والألوان. فأنا أشور عليك لاتتعب نفسك مو أحباط لك والله لا ولكن السبب أن حنا هنا بالسعودية فيه من كبار العشاق للحمام بالعالم بل منهم من أعضاء جمعية الحمام العالمية وبرضو مالقيت عندهم مثل هذه الأحجام والتكويرة فمابالك بفلسطين عندكم قليل هواة تربية الحمام وان وجدوا ما توقع تلقى مثل هذا النوع.

اما بالنسبة لأسعار هذا النوع طبعاً حنا نتكلم عن مستوى TOP يعني مثل ماعرضت بالصور انا حصلت بالسعودية عند واحد مسواها حلو جداً لاكن الأنثى كانت مو لذيك الدرجة بالتكويرة فصعب اشتري ذكر كبير من دون انثى. كان سعرهم ب1000 ريال تقريباً وماشريتهم الصراحة لماذكرت لك من السبب. تراسلت مع واحد من المعروفين بأمريكا بتربية هذا النوع من الحمام قال لي اذا تبيه من انتاج عام 2006 ومنتج 100بالمية قيمت الوحدة مابين ال800 وال1000 دولار اي مايقارب عندنا بالسعودي 3750 ريال سعودي. اما بالنسبة للفروخ لعام 2007 قالي ب500 دولار يعني 1850 ريال. كان اتفاقي معه انه راح يشحنهم عن طريق واحد من ربعه بحار ويجي الخليج ينقلون بضائع فلما تفاهم مع خويه قال لي ان خويه يقول الشحن مع تخليص اوراق الحكومة عندهم ب1000دولار الى حد 8 حمامات.!!!

انا كنت ابي 4 فحسبتها بتطلع علي اكثر من بيع السوق. فقلت له خيرها بغيرها.