مشكله صغيره

[عاشق طيور 17]

سلام عليكم ورحمه
كيف حالكم
انا بعد فتره طووويله رجعت ها الموقع لاني مب عارف شو اسوي في الكاسكو

فاحبيت اسالكم من سؤال
1- انا مريض والكاسكو ياب يي عندي ( اخذه ولا اخلي في حاله )
2-الكاسكو يحاول يتكلم يوم اكون في غرفتي يتكلم يحاول يقول ماما يصفر بكل وضوحه (المشكله يوم اكون عنده ما ينطق حرف يي يقعد عندي وهو ساكت و مرتاح لو ما شفاني يصفر ويخربط
3- عاده مب زينه فيه الي انا ابا حل ( يوم يشوفني يبا يظهر من القفص ينزل تحت يسير صوب زاوية ويتم يحطي منقاره صوب زاوية ويتم يحرك رجله ويسوي حشره و يوم اطلعه احصله تعبان كانه راكض مليون كيلو

شوفوا يا حلوين لو ما تعرفون بليز اكتبو ما نعرف حسسوني انكم قريتوا
ربي يحفظكم و مشكورين على المواضيع الحلوه ^_^
حاولوا تساعدوني

[بوعادل]

المشاركة الأصلية كتبت بواسطة عاشق طيور 17

سلام عليكم ورحمه
كيف حالكم
انا بعد فتره طووويله رجعت ها الموقع لاني مب عارف شو اسوي في الكاسكو

فاحبيت اسالكم من سؤال
1- انا مريض والكاسكو ياب يي عندي ( اخذه ولا اخلي في حاله )
2-الكاسكو يحاول يتكلم يوم اكون في غرفتي يتكلم يحاول يقول ماما يصفر بكل وضوحه (المشكله يوم اكون عنده ما ينطق حرف يي يقعد عندي وهو ساكت و مرتاح لو ما شفاني يصفر ويخربط
3- عاده مب زينه فيه الي انا ابا حل ( يوم يشوفني يبا يظهر من القفص ينزل تحت يسير صوب زاوية ويتم يحطي منقاره صوب زاوية ويتم يحرك رجله ويسوي حشره و يوم اطلعه احصله تعبان كانه راكض مليون كيلو

شوفوا يا حلوين لو ما تعرفون بليز اكتبو ما نعرف حسسوني انكم قريتوا
ربي يحفظكم و مشكورين على المواضيع الحلوه ^_^
حاولوا تساعدوني

هلا عزيزي بالنسبة للسؤال الأول بصراحة مدري إذا فهمت صح
هل تقصد إنك مريض وخايف على الكاسيكو ؟
إذا كنت فهمت السؤال صح فإذا كنت مصدع ( مزكم ) حاول ماتقرب وجهك قريب من الطير لأن الطير حساس من هالأمراض وممكن يتعدي لاسمح الله
وماعليك شر يالغالي

وبالنسبة للسؤال الثاني فالكاسيكو كثير مايكون خجول ويحتاج تدريب لين يصير جريئ
شوف شو يحب طيرك من أكل يعني خله أكله معينه وقدمها له كمكافأة
وحاول تجوع الطير شوي وتكلم معه بالكلمات الي يكررها
ولما يقولها قدمله الأكل كمكافأة
وأفضل وقت لهالتدريب الصباح مع تكراره فترة الظهر وبالمساء
وراح تشوف نتيجة طيبة بإذن الله
أنا جربت هالطريقة بعد ماكان طيري يخاف من أمر جمبه والحين والحمد لله بدأ يتكلم حتى وهو على إيدي

وبالنسبة للسؤال الثالث
حاول تاخذله ستاند يكون عالي شوي ووقت مابتطلعه من القفص خله على الستاند ولا تخليه بالأرض كثير لأن الطير يحب الأماكن المرتفعة

أتمنى أكون فدتك ولو بالقليل وموفق بإذن الله يالغالي

[عاشق طيور 17]

تسلم بو عادل ما قصرت يزاك الله الف خير ان شاء الله بحاول كيف ما قلت لي
انا ابا اطلع صبح برع القفص يعني في الحوش بس خايف يطير مع اني قاص جناحه بس خايف
ان شاء الله بسوي كيف ما قلت لي