اشتباه بارفو :(

[الخبيرة ناديا]

المشاركة الأصلية كتبت بواسطة Bo-Rashed

السلام عليكم ..

قبل اربع ايام شريت جيرمن شيبرد عمره 2 شهرين

اول ما شريته كانت صحته ممتازه ولعوب

وامس حطيته بره بالحوش و كان الجو بارد شوي

المهم اليوم الجرو ما ياكل ولا يشرب ماي و حركته باارده و ماله خلق يلعب

وصار عنده اسهال و يرجع و قليل ما يشرب ماي ( اليوم شرب كم رشفه بس - شي بسيط جدا ما ينذكر )

وديته البيطري و قال احتمال يكون بارفو لكن مو اكيد لانه ما يقدر يتاكد اليوم

عطاه دريب و فيتامينات و ابرتين و قال راجعني بكره

السؤال : هل ممكن يكون حايشه برد فقط ، و ياريت الي صارت معاه نفس حالتي يفيدني ، لاني جد متضايق و مادري شسوي ؟

الجرو عنده نزله برد فقط .

وواضح من الخمول اللي عنده ان حرارته مرتفعه كثير .

والبيطري احتمال اعطاه ابره خافضه للحراره وابره مضاد حيوي

كان من المفروض تسال البيطري عن اسماء الابر ..

لان الجراء تحتاج لمقاييس قليله من العلاج .

نصيحتي لك ضروري تعطيه مضاد حيوي بالفم ..مثل البيتاموكس .

ممتاز وخفيف على الجراء .

اعطيه مقدار قطاره كامله مرتين في اليوم ..والحراره راح تنزل باذن الله اذا استمريت

على المضاد.

اهتم باكله ومحلول الجفاف ايضا .

والاسهال لو كان اكثر من ثلاث مرات في اليوم..وقتها بيحتاج علاج .

مثل فلازول .

والله يشفيه ان شاء الله

[DobermanFAN]

اخي العزيز ابو راشد ,,

صراحة زعلت من كل قلبي والله ...

لسا ما تهنيت فيه ... مو مشكلة نقول الحمدلله ,,

اخي الحل هذا عندي وصارت مع كلابي ال 2 ... هعهعهع

حتى اسأل ابو فهد كنت كل يوم اقول له عن المرض وشو صار فيهم ...

اخي لا تغلب حالك انا بقول لك اعراض المرض الي اصاب كلابي ( اذا نفس الاعراض قللي ) :

* عدم الاكل والشرب ( يشرب ماء لكن نادرا يعني باليومين يشرف رشفة او ثنتين )

* خمول وعدم الحركة والنوم الدائم طوال اليوم

* عدم التحمس ل اي مغريات مثل الاكل او اللعب ...

* عدم الاخراج

اذا نفس الاعراض خبرني يا غالي لأنها صارت معي مرتين ,,

اخي اذا كان يخرج اسهال معناته مثل ما قالوا لك الاخوان الخبراء

يكون برد ان شاء الله فلا تقلق وان شاء الله يرجعلك بالسلامة

تحياتي

[Bo-Rashed]

مشكورين جميعاً عالردود

صراحه فرحتوني بالردود والتواصل

واحب ابشركم ان الكلبة طيبة و مافيها الا العافية حاليا

الكلبة ثبت ان كان فيها بارفو و الحمدالله من بعد ٥ ايام علاج بالمستشفى ردت الكلبه تمام

لكن لحد الحين محتاجه زيادة وزن ومتابعه

اشكركم جميعا مره ثانية

[Abo_fahed]

ألف حمدالله على السلامة

بشرتنا وريحتنا طال عمرك

أشكرك من صميم قلبي على حرصك

ووقوفك بجانب الجرو في وقت حاجته لك

وبأذن الله تشوف الي يسرك منه



وبخصوص زيادة الوزن لاتضغط عليها

خصوصاً انها بعد الأدوية والمرض فمعدتها ضعيفه

قدم لها الأكل بشكل تدريجي

حتى يتم تعويض الجسم بما فقد من أملاح وبروتينات وو