اول كلب لى و ارجو المساعدة (لابرادور)

[tomclancy]

السلام عليكم و رحمة الله و بركاته

انا جديد معكم بالقسم و ارجو مساعدتى
لاول مرة اربى كلب مع العلم ان انا نفسى طول حياتى امتلك واحد لانى بحبهم حب شديد جدا
لكن طول عمرى اربى ببغاوات المهم

انا لما نويت اشترى كلب اخذت معى صديقى هو له خبرة كبيرة جدا فى الكلاب
انا كان نفسي فى كلب جيرمن شيبرد و قلت خلاص انا هرجع بجيرمن البيت

مع العلم ان كنت نازل اشترى كلب فيه شراسه و قوة ووفاء و ذكى وشكله هيبة و سهل التعامل معاه ووقت الحراسة يكون امين على عيلتى و بيتى و مع خبرتى البسيطة اعتقد ان الجيرمن يجمع كل تلك الصفات

المهم نزلنا السوق ولفينا لف و قضينا وقت كبير هناك وانا زى الاطفال فرحان و شايف الجرامن اشكال و الوان و اسعار يمين و شمال

المهم فى النهايه لقيت صاحبى راجع و معاه شئ صغير لونه اصفر كريمى واذنه مدلدلة ولونها احمر وشكله زى كلاب الكرتون والله وقالى فى النهاية انه كلب لابرادور

المهم عشان بس الموضوع لا يكون طويل

انا كلبى ماشى فى بداية الشهر الخامس و المشكله انى ملاحظ ان حجمه صغير راسه توصل لركبتى و اسنانه معظمها اتبدل بس انيابه كلها لسة صغيرة

المطلوب:

1-هل كلبى به خللا ما ام انه طبيعى ولو طبيعى متى يبدا جسم كلبى او اللابرادور يفرد طول و عرض مع العلم ان ارجله نحيفة و طويله بس جسمه صغير و رفيع و ارجو المدة بالتفصيل لانى بشوف كلاب فى عمره بس ضعف حجمه


2- اسنانه متى تتبدل و تطلع الاسنان الجديدة او الدائمة (الانياب)

3- هل صديقى غلط بانه اشترى لى لابرادور ام انه بتتوفر فيه الصفات اللى انا كنت طالبها فى الكلب

4-كلبى لما يدخل حد غريب يروح عليه و يطنطط و يحييه كانه بيحيينى بالظبط فانا بحس انه بيعامل اى احد كانه انا و كمان بيلحس فيهم هل تصرفه خاطئ لم عادى و لما يكبر ممكن ادربه ان انا بس صاحبه

5-كلبى دائما جعان مهما اكلته بيكون جعان

6-لما بيشوف قطة بيروح يلعب معاها

7-ارجو الا تبخلو على فى الرد و المساعدة مع العلم ان المنتدى هنا ساعدنى 1000 مرة فى قسم الببغاوات

ملاحظات:
الكلب انثى
العمر 4 شهور و 10 ايام
ينبح و صوته كانه كلب كبير و احيانا صوته بيكون حاد و رفيع


و شكرا جزيلا.........

[Abo_fahed]

وعليكم السلام ورحمة الله وبركاته

1-هل كلبى به خللا ما ام انه طبيعى ولو طبيعى متى يبدا جسم كلبى او اللابرادور يفرد طول و عرض مع العلم ان ارجله نحيفة و طويله بس جسمه صغير و رفيع و ارجو المدة بالتفصيل لانى بشوف كلاب فى عمره بس ضعف حجمه

ارفق لنا صور توضح الجرو

2- اسنانه متى تتبدل و تطلع الاسنان الجديدة او الدائمة (الانياب)

بعد الشهر السادس

بإمكانك في الوقت الحالي

استخدام فوطة وبللها بالماء وضعها بالفريزر حتى تتجمد

وقدمها كعضاضه للجرو

لتخفيف الألم

3- هل صديقى غلط بانه اشترى لى لابرادور ام انه بتتوفر فيه الصفات اللى انا كنت طالبها فى الكلب

اذا طلباتك حراسة وشراسة

طبعاً خطأ فاللبرادور كلب لايصلح للحراسة

فقد يكون Watch dog فقط !!

بمعنى ان يقوم بتنبيهكم بالنباح عند حضور الناس للمنزل

4-كلبى لما يدخل حد غريب يروح عليه و يطنطط و يحييه كانه بيحيينى بالظبط فانا بحس انه بيعامل اى احد كانه انا و كمان بيلحس فيهم هل تصرفه خاطئ لم عادى و لما يكبر ممكن ادربه ان انا بس صاحبه

هذا الكلب ودود مع البشر بشكل عام وحتى مع الحيوانات

5-كلبى دائما جعان مهما اكلته بيكون جعان

تأكد من إعطائك له حبوب الديدان

+

اذكر لنا نوع + عدد + كمية

الوجبات

6-لما بيشوف قطة بيروح يلعب معاها

تم التوضيح سابقاً بنقطة رقم 4

7-ارجو الا تبخلو على فى الرد و المساعدة مع العلم ان المنتدى هنا ساعدنى 1000 مرة فى قسم الببغاوات

كلنا في الخدمة طال عمرك

وان شالله ماراح نقصر معاك


للعلم طرح الأسئلة بقسم السؤال والجواب

اعتقد انك عارف هذا الشيء من قبل

[tomclancy]

مشكور جدا و سوف يتم طرح الموضوع فى القسم الخاص به و ناسف للخطا