مشاكل متعلقة بالحمل

[nahasas]

السلام عليكم ورحمة الله وبركاته

اول شي الحمدلله صحة نوسه ممتازه بعد الوعكه الصحية اللي جت لها
من ناحية ثانيه مثل ما قلت لكم سابقاً انها حامل. هنا مربط الفرس انا كنت شاكه والدكتور اكد لي موضوع الحمل هي خلصت تقريباً 6 اسابيع الغريب ان للحين ما كبرت بطنها من ناحية الثدي فيه بروز ولونها ورد لكن للحين مو ظاهر
البطن . هل فيه مشكله مع حملها هي طبيعية ما تشتكي ورجعت تاكل بس الحين صارت تحاول تاكل من اكلنا اكثر من الدراي فود
كنت ناوية اوديها للدكتور بس انا تنومت كم يوم في المستشفي وللحين ما اخذتها.

من ناحية ثانيه صارت تحب حبوب الفايتمين اللي بالجبنه وتدور عليها وين ما اخبيها. طحنت كم حبه مع الاكل الناشف قلت يمكن يعجبها لكن لا تبغي تاكل الفايتمين لحاله.

كيف احمل صور عجزت كله تطلع لي ان حجمها كبير
ودي ارفع كم صوره لها

[nahasas]

هذي صوره للثدي ارجو ان تكون واضحه

[الخبيرة ناديا]

واضح من الثدي انها حامل

لاكن للتاكيد اكثر افحصيها عند بيطري متمرس حتى يااكدلك الحمل

ومن رايي الشخصي انتظري عليها حتى تكمل الشهر الثاني وبعدها يوضح التكور ببطنها لو هي فعلا حامل

واحتمال تكون حامل بكيتن واحد عشان كدا مو مبين عليها الحمل ..

وحمدلله على سلامتك ماتشوفين شر

اجر وعافيه

[nahasas]

الله يسلمك اختي الغاليه الخبيرة ناديا

انا اخذتها لدكتور من اسبوعين واكد لي انها حامل فعلا. بس الغريب ان بطنها صغير يمكن فعلا مثل ماقلتي احتمال ان جنين واحد. بس لو كان لاسمح الله الاجنه ميته هل راح اعرف بسهوله او لا؟

[الخبيرة ناديا]

ربي يسعد قلبك

شوفي

لو القطه حامل باجنه ميته ..لاسمح الله

راح تخرج افرازات كريهه الرائحه وخضراء من فرجها

وحجم البطن ماله علاقه بموت او حياه الكيتن ابدا

لاكن فيه قطط تكون حامل لاكن بطنها صغير ومو واضح عليها

وعند الولاده تنجب خمسه او اربعه ولاكن احجامهم صغيره جدا كانهم فئران ..

وعلى حسب كل قطه

ان شاء الله تولد بالسلامه اهم شي

[امال شاعر]

الحمد لله على السلامة اجر وعافيه

اكيد حامل ان شاء الله يمكن في واحد او اثنين وباين من الحلمات

بس حلماتها مبينه انها في الاسبوع الخامس ان كان تبي تتأكدي اعملي انترا ساون

بتعرفي كم كتين فيها

[nahasas]

اختي الغاليه الخبيرة ناديه الله يجزاك بالخير طمنتيني لا الحمدلله مافي اي افرازات او روائح وتلعب ومبسوطه
غاليتي امال الشاعر مشكوره على الرد وفعلاً على حسابي هي خلصت خمس اسابيع ودخلت سته اعتقد
لاني تعودت على لوسي لاحملت بظنها كبيره مره اما نوسه سبحان الله مالها بطن
ايه في اول شهر كانت ترتاح لا لمست بطنها الحين تعضني لا لمست اسفل بطنها او رجولها
وغير كذا ما تبغى اي ذكر يقرب من البيت حتى لو في حوش البيت
الله يتمم لها على خير يارب