كلبي اليف! مساعدتكم يا شباب

[Noor-Mohamed]

السلام عليكم اخباركم شباب ؟ ان شالله بخير
كلبي الحين صار عمره خمس شهور
وتقريبا كل يوم اطلعه امشي فيه بس شايفه ماخذ ع الناس طبيعي جدا وما ينبح الا لما اقوله انبح وبالعافية كمان يعني بالعربي ينبح بمزاجه وقليل جدا
ويشوف ناس غريبة تدخل البيت وعادي يلعب وما ينبح ابدا
يعني تقريبا يعتبر قطة بس كبيرة شوي
حتى القطط اللي فالشارع يخاف منها ويجي يتخبى وراي ويصيح
مادري شالمفروض اسويه معاه الحين
فكرت انه احبسه يعني احطه ف مكان وما اخليه يشوف اي حد لين ما يكمل سنة ولا ايش اسوي
حيرني والله
ايش رايكم يا شباب؟
ابي اخليه شرس يا شباب ابيه ينبح ع الغرباء
كلبي بالمرة ما يسوي لحد الان اي شي مفيد!
دمنتظر ردودكم شباب!

[alqahtane]

من ناحية الشراسه شلون تخليه شرس و انت كل يوم تمشيه عند الناس و الشراسه من 8 شهور و فوق
و بعدين أضن ان الشراسه لها تدريب و الحراسه لها تدريب

عالعموم شوف باقي الأعضاء يفيدوك

[Noor-Mohamed]

والله الناس تقول لازم تمشيه كل يوم ٥ مرات يوميا عشان يشوف الناس والشارع وما يطلع جبان !
وسمعنا كلامهم وطلعناه وماشالله عليه الحبن صار جبان وكمان اليف!
والله مادري شسوي معاه!!

[jassim99]

عفوا المشي بين الناس يبعد عن الجرو الرهبه والخوف منهم ويجعله اجتماعي اكثر

و بعد ما يزول الخوف تماما وفي عمر لا يقل عن السنه والنص تبدأ بتدريبات الشراسه

وبهالحاله يفضل ان يكون الكلب لا خوف لديه من الناس و جريئ

حاليا انصحك تستمر على الطاعه والطاعه المتقدمه وتصرف النضر عن الشراسه والحراسه لحين اكتماله سنه او سنه ونص عالاقل

و في ذاك الحين بعطيك تفاصيل ومفاتيح الشراسه والحراسه

لكن حط فبالك شغله

ليست كل كلاب الجيرمن شبرد البيور درايفاتها وشخصيتها تصلح للحراسه

15% الى 25% منها لا يصلح للحراسه لانه لا يحمل الدرايفات المطلوبه او لايحمل الجرأه او فيه الخوف الزايد

بالتوفيق

[Noor-Mohamed]

يعطيك العافية اخوي جاسم
يعني ايش تنصحني اسوي الحين؟ ما فهمت كيف تدريبات الطاعة المتقدمة؟ ياريت والله لو تفيدني كيف اقدر ادربه هالتدريبات؟
وياريت لو احصل فيديهوات؟

اممم،، ما فهمت ايش الدرايفات؟ وكيف اعرف اذا كلبي يصلح او لا؟ ولا حاليا ما اقدر اعرف؟
اتمنى تفيدني بهالموضوع رجاءا!

ويعطيك العافية السموحة مغلبكم يا شباب!
والله بس الكلب مغلبني!

سامحوني ع الاطاله

[ahmad sa]

اخوي لسا الكلب صغير على الشراسة
وهو في عمر اللعب
ولا يهمه الا اللعب والمرح
الان اهتم بتريبات الطاعة
وبعض الحيـــــــــــــــــــــــل
وانتظر لحتى يصير فوق ال9 شهور
ودربه على الحراسة
وادخل الى قسم التريب
وانشالله ح تستفيد
تقبل مروري
اخووك احمــــــــــــــد

[Noor-Mohamed]

عمره ٥ شهور
الناس كلابهم من ٤ شهور وتكون تمام!
انا لليوم ما شفت ولا شي تمام ولا اي شي مفيد يسويه كلبي!
والله يخاف من القطط! تخيلون؟؟! قطة صغيرة يخا منها ويقعد يصيح جمب رجولي!
سبحان الله

[jassim99]

تفضل

كل ماتحتاجه في الطاعه والطاعه المتقدمه

http://2zoo.com/vb/showthread.php?t=151455

[الحمداني 2]

المشاركة الأصلية كتبت بواسطة Noor-Mohamed

السلام عليكم اخباركم شباب ؟ ان شالله بخير
كلبي الحين صار عمره خمس شهور
وتقريبا كل يوم اطلعه امشي فيه بس شايفه ماخذ ع الناس طبيعي جدا وما ينبح الا لما اقوله انبح وبالعافية كمان يعني بالعربي ينبح بمزاجه وقليل جدا
ويشوف ناس غريبة تدخل البيت وعادي يلعب وما ينبح ابدا
يعني تقريبا يعتبر قطة بس كبيرة شوي
حتى القطط اللي فالشارع يخاف منها ويجي يتخبى وراي ويصيح
مادري شالمفروض اسويه معاه الحين
فكرت انه احبسه يعني احطه ف مكان وما اخليه يشوف اي حد لين ما يكمل سنة ولا ايش اسوي
حيرني والله
ايش رايكم يا شباب؟

أخي الكريم ، عليك أن تقوم بالآتي :
- عزل الكلب وعدم تمكينه من رؤية الأغراب أو شم ريحهم حتى .
- عدم إخراج الكلب خارج جدران المنزل لحين بلوغه سن السنة 12 شهراً .
- تخصيص حظيرة للكلب تتوفر فيها الشروط الصحية .
- تمرين الكلب يومياً صباحاً وبعد الظهر ومساءاً تمارين اللياقة البدنية .
- التقرب إلى الكلب والرفق به حتى يأنس بك ويسعد بقربك .
- التركيز على تمارين الطاعة .
- اللعب مع الكلب لعبة شد الحبل وتمكينه من الفوز بها وتمكينه من أخذ الحبل 3 مرات من أصل كل 5 مرات تلعب فيها هذه اللعبة معه .
- عدم الصراخ ، الصياح ، التكلم بنبرة عالية مع الكلب .
- عدم ضرب الكلب وعدم تهديده بالضرب .
- تشجيع الكلب على المطاردة وتدريبه على الحراسة بعد بلوغه الشهر الـ 11 من العمر .

تبقى نقطة مهمة فللجينات والعامل الوراثي الأثر الكبير في مدى صلاحية الكلب لأعمال ومهام الحراسة .
الرابط التالي سيفيدك في كيفية التعامل مع كلبك إن شاء الله

http://www.2zoo.com/vb/showthread.php?t=259094

ابي اخليه شرس يا شباب ابيه ينبح ع الغرباء
كلبي بالمرة ما يسوي لحد الان اي شي مفيد!
دمنتظر ردودكم شباب!

تحياتي

[Noor-Mohamed]

يعطيك العافية اخوي
بس سؤال اخير
ما هي تمارين اللياقة البدنية المناسبة لكلبي فاهالعمر؟
يسلموو ع المرور!