مرض الامزوني يعود ساعدوه وساعدوني

[rashd33]

السلام عليكم ورحمة الله وبركاته
ياخبراء ابسئلكم كم سؤال
عندي امزوني كان عنده زكام استخدمت معه تايلان لمدة اسبوع خف المرض بنسبة تسعين بالميه بعد الاسبوع اعطيته فيتامينات من يومين رجع المرض مره ثانيه نفس الزكام السابق بالضبط مادري وش سالفته بالضبط الطير ياكل بشكل ممتاز واخراجه راح احط له صوره واعذروني عليها مع الاخراج الاحظ وجود فقاقيع من كثر ماجلس اطالع فيه حسيت ان عينه اليمين متغيره علي يمكن وسواس لان غيري شافه قال مافي شي
وش الحل مع هالزكام ؟
هل ممكن الطير مايكون عنده مناعه ؟
هل هذا مرض مزمن ؟
هل التايلان الساىل لايعطي مفعول كالبودره ؟
حطيت بفتحة الانف زيت زيتون لتلين العوالق مانفع
استخدمت اليوم الثوم والليمون مافي اي فايده تنفسه جدا طبيعي المشكله مع الطيران والتدريب الصوت من الانف وليس من الصدر
الطيرشكله بالنظر ممتاز لاينفش ريشه فقط ينفض جناحيه وريشه بالكامل بعد تنظيف الريش
شاكر لكم ماتقدمونه لكل الهواة
اليكم الصور


اخراج الطير اكرمكم الله



عين الطير





العوالق داخل فتحة الانف

[ٌابوعمر]

اخوي انت وش ملاحظ على طيرك ؟ تنفسه طبيعي بس الانف مسدود تنضفه ويرجع ينسد ولا هو اصلا مسدود ؟ استعمل المويه الحاره حط راس الطير حول المويه خليه يتنفس البخار بينفتح خشمه ان شاء الله انتبه لا يطيح الطير بل مويه وينسلخ بنسبه لوسخ الطير هاذا يعتمد على الي ياكله وبما انه ماكل فاكهه فماتقدر تحكم على وصخه ابد وبنسبه لعينه اشوفها طبيعيه كل عيونه متغيره ولا بس هاذي.؟

[rashd33]

شكرا اخوي ابو عمر على الاهتمام
اللي ملاحظه بالطير انف مسدود اسمع الصوت وقت مجهود الطير تنظيف فتحت الانف حطيت زيت الزيتون جلس يعاطس وماطلعت العوالق بالنسبه لوسخ الطير من اول ماشريته واخراجه مثل الخيوط مادري هذا طبيعي ولا لا الفقاعات اللي بالاخراج هل هي طبيعيه الاكل حبوب واحيانا اعطيه الغر بعد التايلان
العين احس ان اليمين تاخذ الشكل البيضاوي مو الدائري مثل اليسار

[ٌابوعمر]

عينه طبيعيه وبرازه ان كانه ماكل غير الحبوب بعد طبيعي ولانف حاول تفتحه باي طريقه اسنعمل بخار المويه بينفتح ان شاء الله

[عشقي البلوفرنتد]

ماشاء الله

ابو عمر سباق بالاجابه

ما قصر

[بلاك بيري]

من وجه نظري الطير برازه طبيعي وعينه طبيعيه لكن الأنف فيه اوساخ ما تخوف ان شاء الله لكن حاول اخراجها او وديه للبيطري خليه يفتحها له

موفق بكل خير

[rashd33]

شكرا لكل من رد على هالموضوع
انا رحت لبيطري وقالي شغلتين متخوف من اني اسويها
الاولى يقول قطر داخل انف الطير من التايلان علشان يتنظف
والثانيه يقول الامزوني يحتاج جو بارد بعكس الكاسكو كلامه مو بارد كثير يقول نفس المكان اللي تجلس فيه بس لاتوجه له التيار الهوائي

[كـ الشمال ـاسكو]

اخوي بالنسبه للبراز تراه ان شاء الله طبيعي بحكم الي عندي احيانا مثل برازه لما اغير له الاكل ولكن ليس دائما

والعين انا مثل اخونا ابو عمر وبلاك بيري اشوف انها طبيعيه

[rashd33]

طمن الله بالك اخوي كاسكو الشمال

[نايف الشمري]

بعده عن المكيف ولاتكثر له تفاح او اي شي فيه سوائل

لأنه واضح من زرقه أنه مكثر سوائل