لا تبخلوا عليه بالنصيحه

[Love kasko]

ان شاء الله اخوي محمد باخذ بنصيحتك

ومشكور تسلم على مرورك اللي اسعدني^^

ويوفق الجميع ياااااارب

[عاشق بغبغاء كاسكو]

يالله يتــربو بعـــزك

[الهاشم]

اخوي انا افضل عدم ترويشه في ذا العمر لان احتمال يجيه برد
انا كان عندي فرخ كروان ولا مرة روشته لين كبر واكتمل الريش عنده
وكنت وقت النوم ادفيه عدل ^_^ خصوصا في البداية لما كان بدون ريش

[عاشق بغبغاء كاسكو]

عنـدي سسؤال بكـم ششريتي الببغان الي عندك ماشاء الله عجبوني

[موسيقى]

وعليكم السلام والرحمه

مبروك عليك الطيور والله يحفظهم لك
طبعآ كل الي قلتي 100% مضبوط واستمري بطريقتك
وتعليق شباب 100% ماعليهم زود
طريقتك ممتازه بس نصيحتي لك لاتعرضينهم لشمس الا بداية صبحيات وقت قليل مره مره
كان عندي ثنين زيهم واحد عرضته لشمس ومن عرضته وصحته متدهوره وطفس نفس اليوم

اما بخصوص تنظيفهم كلامي مايعلا ع نوني طبقي الي قالته
اما بخصوص اطعامهم غير الي متعودين عليه نصيحتي انا انو لاتغيري اكلهم بطريقه مفاجئه
بس زودي عليه بسياسه حتى الطعام جديد مثلآ بخصوص فاكهه او سير لاك والخ
بين يومين مره
حتى تقلصي مده يومين تصبح باليوم والخ..
طبعآ كلامي كا رائي عن تجربه فقط..

[تي تي بو]

مشاء الله والله تمنيت اني يكون مثل الفروخ هذي بس غالي الذكر 500ريال فرخ باكله وبكل شي والكبير اللي عمره سنه350ريال عاد اشتريت الكبير ورضته ولا زال فيه عباطه بس فروخ ولا اروع

[بلاك بيري]

ممتاز جدا غسيل الطير بقطنه ممتاز جدا وحاولي دائما تغسليهم مباشره بعد الغر حتى لا ينشف ويعلق بالريش ويكون شكله غير محبب للعيان

موفقه بكل خير

[Love kasko]

آمين يا اخوي عاشق ببغاء كاسكو

وبالنسبه لسعرهم تراهم كانوا اصغر من كذا انا ما صورتهم في البدايه صاحب المحل يريدهم ب 300 درهم انا خذيتهم الاثنين ب 200 درهم

[Love kasko]

وانا كذالك يا اخوي الهاشم ونصيحتك في عين الاعتبار

وتسلم ومشكور حيييييييل على مرورك العطر

[Love kasko]

آمين يا اخوي موسيقى
وان شاء الله ما بعرضهم انا من خذيتهم عرضتهم مرتين بس وقت الصبح الاولى كانت اقل من 5 دقايق والثانسه 5 دقايق وهم على ايدي بس
وانا جتني فكره ما ادري تنصحني فيها ولا لا اللي اهي بدال ما اسوي السيلالك بماء دافي اسويه بعصير فواكه طبيعيه يصلح ولا لا انتظر ردك ولا رد اي حد يقراء كلامي
وشاكره لك مرورك ونصيحتك القيمه