رد: الحقوني درجة حرارة القط منخفضه
حمدا الله على سلامة الكبير ويااارب عقبال ما تشوفي الصغير زي أول وأحسن ..
ربي يااارب يا أخت هانم ما يوريكي مكروه فيهم أبداااا ..
بالنسبه للرضاعه أو إعطاء أكل أو مويه بالسرنجه للكبار .. الطبيب يقول لي لازم يكون في الوضع الي ياكلوا فيه هم ( القطط ) ويشربوا ..
يعني رأسهم لتحت .. يمممكن تلاقي في البداية صعوبه لما تعطيه بس بعدين تتعودي وبكل سهوله يشرب ..
في ملاحظة يا أخت هانم .. أنا سبق قلت اني ما شاء الله ربيت كتييير قطط وولدوا عندي قطط كتيييير جدا ما شاء الله تبارك الله ..
لاحظت شي .. سبحان الله العظيم .. بنسبة 90 % .. يوم الأم ترفض ترضع أطفالها أو تلحسهم أو تهتم بهم لما يتولدوا .. يكون بسبب انهم مريضين ونهايتهم ( موت ) ولا حول ولا قوة إلا بالله .. وسبحان الله العظيم ..
عدة مرات نخليهم يرضعوا غصبا عن الأمهات أو احنا نرضعهم صناعي أو أعطيهم لأم تانيه والده عندي ترضعهم .. وسبحان الله بنسبة حتى أكثر من 90 % برضه يموتوا ..
أقولك كدا علشان لا تحسي بتأنيب الضمير وانك انت السبب في موتهم .. صحيح وضع القطة جداااا مهم وفعلا ممكن تأكيلهم بطريقة غلط يقتلهم .. لكن زي ما قلت لك رفض الأم ترضيع أطفالها أو رفضها لحس أحد منهم هو زي ما قلت لك بسبب انه نهايته وفاة ..
حصلت معايا أحوال معاهم قد شعر رأسي ..
المهم ربي يااارب يطمنا على الصغير وتشوفيهم دااائما وأبدا زي الفل ويجزاك عنهم خير الجزاء ..
وربي يااارب يجزي بسبس مياو خير الجزاء ويفرج كربها دنيا وآخرة ..
ودعواتك لي الاقي حل لقططي .. وادعيلي ربي ما يحرمني منهم يارب ..
|