اشترك في نشرتنا البريدية ليصلك كل جديد

Dominique · 26-06-2007, 03:21 PM

ميرسي جميعا على المرور

قلب الماس

شرفتي الموضوع

*********

خيال القطط

صارلي هالموقف مع دمدم قبل فترة

كنا ندوره

وكانت الشغالة الغبية كلمرة تنسى باب الصالة مفتوح

وادوره

وادوره

ماكو دمدم

عصبت ومت من الخوف لايكون انحاش

وانادي وانادي وهو ولا حس ولا خبر

والبس واطلع بالسكة وادور وادور وانادي واطل تحت السياير انا والشغالة واختي

وندور

آخر شي مالقيناه

رجعنا البيت وآنا مفورة معصبة حدي واسب واسفل واصارخ

آخر شي ولا الاخ توه صاحي من النوم وطالع من دولابنا

مع اني فتحت الدولاب ودورت وناديته

ماله اي حس ولا يتحرك

ولا حتى جرس الطوق طلعله صوت

يقهرني لما يسوي هالحركة

الحمدلله ما انحاش

طلع من الدولاب

مسترخي ويتمقط
.
.
.

• M!Ss Lovely • · 26-06-2007, 05:30 PM

وه يا زين سوالفكم ’

أحس اني اعرفكم من زمان ^.^

قريت السوالف والمواقف من أول صفحه إلى آخر صفحه

وضحكت و حزنت وعشت مواقفكم ومخاوفكم ’

الله يشفي كل قطو مريض يا رب

::

Dominique

يعطيك العافيه حبوبه على فكرة الموضوع الرووعه ’

::

ذكرتوني بموقف صار لي مع بسبوسي قبل ما ينسرق

اختفى فجأه فقدته

دورت عليه تعبت مالقيته

أناديه مايرد علي

انقهرت وخفت حدي

اخواني دوروا بالشارع ماشافوه

وانا ما تغديت وقتها انسدت نفسي

وبعدها وانا حزينه وحايسه ادور عليه

طلع من الدولاب يتمغط ومروّق ومايدري اني قالبه الدنيا عليه

رحت وضميته وطبطبت عليه ’ مع اني كان ودي اسطره عشان يرد لما اناديه

بس ما أقدر أهاوشه مع انه طيّح قلبي من الخوف عليه

::

والحين شايله هم قطاوتي Lovely و Cute بالمسابقه أحاتيهم

::

انتظر بكل شوق السوالف الجديده : )

كل الود