ببغاء هولندي عنيد !!

[iDeeViLSA]

السلآم عليكم ورحمةة الله وبركآتهه



اخوآني , اليوم حآب اسألكم , انا عندي ببغاء هولندي خوآف و عنيد مَ يآكل من اليد إلى نآدر

حاولت امسكه وهو جوا القفص رآح طار جوا القفص , (مع انه بسوق الحمام محطوط على ستآند ومَ يتحرك )

وإذا طلعته يرفض انه يدخل وبالموت يدخل , ونآدر مَ اشوفه يآكل ويشرب

ويخآف من كل النآس , واي واحد يقرب ايده لمه يقعد يجعر
مع انه هذا اول يوم له بالبيت , لحد يقول لي خله يتعود لأني ملقوف وابي اربيه


اللي عنده طريقه يعلمنآ ولا عليكم امر

[فيوزي]

اول شئ وعليكم السلام
وثاني شئ كيف هولندي يجغر وخواف وعنيد وخواف م الناس
كيف تركب هذه
يخوي الطير اكيد صار له موقف والطير قلب مستحيل هولندي يصير زي كذا
الا اذا حصل له موقف او كان مع طيور صيد
الحجل وش نوعه الي فرجل الطير اصلي او كبس ؟
وكم عمر الطير ؟

تحياتي
ابو سدران

[iDeeViLSA]

مَ فيه حجل , عمره 8-9 شهور

[فيوزي]

اجل الطير صيد مهو هولندي
لان المواصفات الي قلتها تدل على ان الطير صيد
مستحيل ونادر ما تلاقي هولندي بالهمواصفات
خل الطير يتعود على البيت بعدين ابدأ بالترويض واذا انت ماخده بسعر الهولندي رجعه لي راعيه وشيل فلوسك
او خد لك هولندي وانا لا انصحك بي شراء هولندي
تحياتي
ابو سدران

[the_gostman]

اخوي الكريم.. كما قلت انت الطير صارله يوم في البيت..

يعني انتقل لبيئه جديده وأشخاص جدد وهو خائف حالياً وغير متعود على المكان الجديد ولا على صاحبه الجديد.

لذا هذه الفتره لا تحاول لمسه.. فقط قدم له الأكل والماء وتنظيف القفص بنفسك..

وبعد فترة اسبوعين اشتري له ستاند وحطه عليه وابدأ بالتدريب..

اذا حاولت الامساك به حالياً رح تسبب له خوف وممن يصير يكرهك..لكن اكسب ثقة ومحبة الببغاء بالتقرب إليه

وكسر حواجز الخوف لديه.


بالتوفيق

[أسيــــر]

وعليكم السلام ورحمة الله وبركاته
عجبتني هولندي بدون حجل
طيرك ياعزيزي كاسكو افريقي صيد
اثناء شرائك لطير تم تجويعه لرضوخ امام الزبون
وان كان مروض نسبة ترويضه لاتتعدى 40%
كل معليك عمله الان ترك الطير في القفص
لاخذ راحته وستكشاف المكان الجديد والتعود عليك تدريجيا
وبعدها تابع مواضيع الترويض في قسم الببغاء وراح تستفيد

[فيوزي]

الحين خلونا نفهم من اخونا
ياthe_gostman ويا اسير
يمكن اخونا iDeeViLSAاشتراه بسعر الهولندي يمكن راعي الطير قاله هذا هولندي ومن هذه البهارات وهو صيد

[iDeeViLSA]

شبآب , حآب اعتذر منكم , لأن اللي كنت بشتريه من الحرآج هو الهولندي بس صاحبه رفض يبيعه ونصحني بواحد ثآني كان يصعد ع اليد ومَ يجعر , يعني والله ما اعرف نوعه , بس كان هنآك مَ يآكل , ولين مَ وصل للبيت مَ اكل وتغير سلوكه تلقآئيآ , ممكن نصآئح , واعتذر منكم لاني والله كنت منقهر لأنه عند صاحبه عادي وعندي مَ يبي أحد وتلخبطت !

[فيوزي]

اخوي الطير كان متعود على صاحبة
انت لما اخدته الطير غريب والبيت غري وانت غريب عليه
انصحك لا تسوي أي شئ بالطير خليه حتى يتعود للبيت
بس غير له اكل ومويه حتى يتعود


ودامه ما اكل عند صاحبه القديم وما اكل عندك الطير فيه مشكله
هل الطير خامل نافش ريشه البراز هل هو سائل الله يكرمك ويكرم المشاهدين

تحياتي
ابو سدران

[iDeeViLSA]

اخوي , انا ما ادري الطير كان ما ياكل ولالا , بس هو ما ياكل عندي إلى قليل وإذا غفلنآ عنه , هل هو من سبب الخوف ولا مرض , والبرآز نزلت له صوره وطمنوني الأخوآن جزآهم الله خير