مسسساعدة

[ylee]

السلام عليكم ..

كيف حال الجميع ان شاءالله بخير ..

ندخل بالموضوع على طول

ياجماعه الكاسكو حقي مدري وش فية معند له عندي شهرين الان

وانا دايم اللقنة بس للحين مو راضي ينطق عمره تقريبا الان 10 شهور

لاكن احسة عندة قدرة تقليد غير طبيعيه حتى اذا سمع طير الجيران يقلد تصفيره بشكل جمميل

ولما اخليه لحاله بمكانة اشوفه يلعب ويطلع اصوات اول مره اسمعها منه ومره جميله تصفير انواع واشكال حتى اصوات عصافير وكناري وبلابل يطلعها اذا كان لحاله

ومجرد اني ادخل عنده يسكت او بس يصرخ و يصفر تصفير عادي

وهو اليف يطلع على يدي ومايخاف مني واجلس عنده كثير نفسي اعرف وش الحل

اتمنى للخبرة يساعدوني

[the_gostman]

اخي الكريم في البدايه انصحك دائما بوضع الببغاء في غرفة المعيشه بين الاهل حتى يعتاد عليهم..ويخف الخجل والخوف عنده

وطبيعه الببغاء الافريقي اللكاسكو خجوله بعض الشئ امام الناس وبحاجه انك تعوده يصفر ويتلكم أمامكم.

على العموم اختار كلمه واحده سهله له مثل: بابا , ألو , كوكو, كوكي ورددها له دائما بصوت عالي وواضح..وانشالله رح يتلكم عن قريب..

مهم جداً انك ما تغير الكلمه..اختار كلمه واحده وابدأ بالتلقين وحاول يكون المكان هادئ أثناء التلقين..ورح تشوف بؤبؤ عين الطائر تكبر وتصغر وهذا دليل على تركيز الطائر معك.

انصحك بابعاد الطائر عن اصوات وتغير الطيور الأخرى عشان ما يحفظ أصواتهم..فالأضل دائما تعليمه الكلام بدلاً عن التصفير.


بالتوفيق
أخوك رمزي

[ylee]

ماتنقصر اخوي ع الافادة الله لا يحرمك الاجر

بس اخوي انا ماحطة في غرفة المعيشة والسبب صوت التلفزيون لاني خايف انه يزعجة

مع ان سبحان الله اعرف ناس مره مو مهتمين بطيرهم غير انهم يأكلونة الا انه انطلق في الكلام سبحان الله

[the_gostman]

لا اخوي بالعكس صوت التلفزيون وصوت الاهل رح يحمسوه يتكلم.
اختار كلمه وابدأ بالتلقين..وانشالله رح يتكلم

بالتوفيق
اخوك رمزي

[شرارة]

الكاسكو بطبعه خجول

شوف مادام الطيريغرد واذا شافك سكت معناتها يخاف منك او مو مرتاح منك

بقولك وش تسوي معاه اول شي شوف اكثرشي يحبه من الاكل واكله منه يدك لا تحطه له في الصحن كله كميات قليله على اوقات متفرقه يعني اربع خمس مرات في اليوم

ثاني شي تكلم معاه كثير كانك تكلم واحد من اخوياك

وانت توكله كرر عليه كلمه وحده فقط لا تلخبطه كل شوي كلمه اختار كلمه سهله مثل باأبا مع مد الالف

طول ما انت تاكله كررها

ثاني شي خله دايم في القفص وطلعه ثلاث مرات ب اليوم مثلا الظهر روح له وكرر كلمه معينه مثل حبيييبي او اطلع او اسمك او اسه وقف قدامه خمس دقايق وانت تكررها بعدين طلعه وحك راسه وخله برا ع الاستاند او فوق القفص

لاتخليه يطول برا ساعه با الكثير ورجعه وكرر عليه كلمه معينه وانت نرجعه القفص

وخله ساعتين وارجع طلعه مثلا العصر ساعه ورجعه بعد العشاء كذالك

واللعب معاه كثير وتكلم معاه وخل الرابط بينك وبينه كلمه معينه كل ما مريت كررها او تصفيره معينه ولا نغير لحن التصفيره تصفيره وحده بس

شهر با الكثير وراح تسمعه يتكلم وهو داخل ويناديك عشان تطلعه ب تصفير او كلام

وراح يتكلم بس لازم تركز عليه هل فتره لمده شهر اذا مطق الكلمه الاول يمشي معاك اوكيه في كلام ثاني

وكل اللي ذكرته لك هو بمثابة تحفيز وتعزيز لثقه والحب لك راح يصفر ويتكلم في وجهك لو استمريت معاه بهل طريقه مجربه ومضمونه بأذن الله


اتمنا لك التوفيق اخوي




تحياتي للجميع

[ylee]

كثر الله خيركم وبارك الله فيكم

واشكركم على المعلومات القيمة الله لا يحرمكم الاجر

[the_gostman]

المشاركة الأصلية كتبت بواسطة ylee

كثر الله خيركم وبارك الله فيكم

واشكركم على المعلومات القيمة الله لا يحرمكم الاجر

العفو أخوي الكريم.. اتمنى لك كل التوفيق

أخوك رمزي