مشاكلي مع الجرو مبتخلصش

[The Vix]

المشاركة الأصلية كتبت بواسطة موحا&عاشور

جيرمن شو لاين ولونج هير جيد جدا

بس مش مهتم بيه نهائى ومش نضيف ولا اى شئ

ده مش مهتم به !! أومال لو شفته ناو هتقول ايه ! ده حالته حالة أصلا مبقاش جيرمن

المفروض ان ده بتاع أخويا بس أخويا أهمله جدا و مدربهوش و لا علمه النظافة ولا ربطله اذنه و دلوقتي بقى عنده سنتين و نص و مبقاش بيسمع الكلام خالص ... و طبعا لانه مش اتعلم النظافة فقاعد في الجنينة و مربوط على طول لان مافيش حد بينضف له .. و أنا مش بعرف أتعامل معاه اد كده .. من كتر الإهمال أخويا سابه من غير ولا أكل ولا مياه لمدة اسبوع كامل و لا طبعا دش فبدأت أتحمل مصاريف أكله على اد ما بقدر و طبعا الكلب جاله جرب و صورته و وريت صوره لدكتور بيطري و كتب لي على أدوية و جبتها و اديتهاله و بدأ يخف الحمد لله ... بس صعبان عليا جدا و نفسه مكسورة زفت من كتر الإهمال و لا بيخرج و لا بيلعب و لا حتى بيتفك من السلسة ... و لانه مش بيسمع كلامي فأنا كمان مش بفكه و مش بخرجه

بحاول أهتم به بس هو بيبهدلني فمش قادرة أديله الاهتمام لصح

ده غير انه عض أخويا قبل كده و ممكن يهجم على اخواتي حتى صاحبه ... عشان كده الجرو على طول وسطنا كلنا عشان احنا شرسناه بدري من و هو عنده شهر تقريبا فهيطلع غشيم و شرس اووي بطبيعته من غير تدريب فعشان ميعضش حد في البيت لازم يبقوا كلهم أخدين عليه و إن شاء الله هيروح مدرسة الكلاب يتدرب و هيبقى حراسة و في نفس الوقت مش يأذي حد من البيت عندي... مش عارفة انت فاهم قصدي ولا لأ