الكاسكو عندي اصبح هاديء ولا يأكل

[AVOCADO]

عليكم السلام

غلطتك انك قصيت اظافره وبردت منقاره لسبيين
اولا لانه فرخ
ثانيا لسه جديد عندك

---

كان المفترض بما انه فرخ وجديد تخليه عندك اقل شي شهرين ثلاثه وتدربه كويس وتخليه يحبك ويتعلق فيك

ثانيا اذا نويت تقص اظافره وما عندك خبره , توديه لواحد خبير واالاهم انت ما تكون متواجد اثناء قص الاظافر عشان لا يأخذ الطير منك موقف سلبي

---

وما اعتقد عنده زكام والله اعلم
بس اعتقد البيطري الي رحتله يبغى يبيع باي طريقه
فاخبرك ان عنده زكام عشان يقنعك تشتري الدواء

----

والي صارله ان الفرخ نفسيته تاثرت من قص الاظافر وتأثرت اكثر من برد المنقار

لانه الكاسكو طائر ذكي وحساس فلما قصيتله اظافره وبردت منقاره هو فهمها انكم تعديتم عليه او على خصوصياته


الحل
حاول تجلس مع الطير اكثر وقت والعب معه وتمسح على راسه
ولا تحبسه كثير في القفص

ولا تجرب معاه شي جديد حاليا كالترويش او تغيير القفص او أي شي يخطر على بالك
لانه راح يفهمها تعذيب او تعنيف او أي شي ما يعجبه , مثل القفص الكبير او الترويش او غيره
الا بعد ان يتجاوز هالمرحله النفسيه ممكن تجرب شي جديد

مرحلته النفسيه خطيره اذا ما قدر يتجاوزها او انت تتعامل معاها كويس راح تطور حالته لشي اخطر

حاول تأكله من يدك , واذا ما اكل .. اعطيه الاكل الي يحبه من يدك انت

لان الطير شكله زعلان منك على الاخر
بالعربي دلعه , غازله
وانتبه تقسو عليه

ما يشوف شر
ولا تنسه تطمنه عليه