نصيحة لكل مربي وهاوي

[al-maystro]

السلام عليكم ورحمة الله وبركاته



من هذا الموقع وفي هذا الموضوع احببت اني اكتب لكم مايملي علي عقلي من كلام ونصايح

لكل انسان في هذه الدنيا مواقف ولكل منا حكاوي ومنها العبر ومنها الدروس ومنها النصح

في هذا الموضوع حبيت اني اتطرق الى عدة نقاط تهمني وتهم كل مربي للقطط

اكيد فيه ناس مرو بهالتجربة وفيه البعض لم يمر فيها ولكن من هنا اؤكد استفيدو واعتبرو من الاشياء الي تمر بغيركم


كل مافي الموضوع بعض النصايح مني كمربي للقطط لكل هاوي ومربي واي شخص يبي يستفيد

اكيد كل منكم يربي الان على الاقل قط او قطة واحدة هذا اذا ماعنده اكثر من قط

واتمنى ان كل منا اذا عنده شي بخصوص هالموضوع ان يقوله عشان نفيد ونستفيد

فيه عدة اشياء ونقاط يمر فيها المشتري


(1)اولا من ناحية الشكل وهذا كلنا مانختلف عليه وهو مايملي عين الشخص الراغب في شراء هذي القطة وكل انسان وعنده ذوق يختلف من شخص لااخر وكل شخص يحب نوع وشكل ولون معين ترجع لنفسيته


ثانيا وهو الاهم والاهم والاهم صحة القط مهما كانت المغريات في أي جانب وناحية لاتنغر بالشكل الظاهر

كثير منا سمعنا انه ياخذ قطة ويسال صاحب المحل هذي مطعمة يقولك نعم بس ماطلعنا لها اوراق

بعد يومين يلاقيها مريضة وتدريجيا تهلك ويؤدي هالشي الى موتها وانا بنفسي ماكتبت هالموضوع الا بخصوص هالشي

(3)ثالث نقطة عمر القط احذرو كل الحذر انك تاخذون قط ماكمل فطامه من امه او كمل فترة الشهرين وكمل التطعيمات

(4)رابع نقطة السعر اكثرالي يرغب في شراء قطة يسال اول شي عن سعرها بغض النظر عن أي مميزات ثانية اهم شي اصالة القط وجودته ونوعه وهل هو يستحق هالمبلغ والا لا



انا ماابي اطول عليكم ولكن احب اوجهكم لنقطة كثير مهمة جدا جدا


*احنا نمر في مرحلة نصب كبيرة من قبل البائعين اصحاب المحلات والاغلب منهم مايدري وش اصلا اسم قطو
تلاقيه يمدح لك في هالقطو الى ان يخليك تقنتع انه كامل والكامل الله وبمجرد خروجه من المحل تلاقي فيه بلاوي الدنيا بالاضافة الى ارتفاع سعر القطو وهو مايسوي نص المبلغ الي حاطه فيه ويمرض عندك ويحط البلا فيك انك انت مااعتنيت فيه وهو اصلا من اولها تعبان


*فيه نقطة ثانية ويجب اننا نؤمن بها كلنا وهي العين يجب يجب منا الحرص على قططنا وعدم عرضها على من هب ودب لان اكثر من عضو يعرض قطته بالمنتديات ويجون ناس لايذكرون الله وتطيح نفسه بهالقطو بعد فترة يموت القط وانا كتبت موضوع هنا بخصوص هالشي

يمكن البعض يقولي ليش انت متحامل لهالدرجة ومولع نار اقولكم شوفو هالمسكين الي اخذته ولاكمل عندي اسبوع والله ماكمل اسبوع والبعض في هالمنتدى يعرف هالشي وكان معي لحظتها

اخذته من المحل في يوم وكان الناس كل مايجي شخص يصور فيه وحب شكله وكان
يلعب ويناقز وصحته احسن مايكون


رجعت فيه البيت جلس يومين ماشاء الله تبارك الله واليوم الثالث بدت صحته بالتدهور كل شي كان موفر له

قلت يمكن محتاج لحليب لان عمره شهر ونص اخذت له الرضاعه والحليب المخصص لصغار القطط
ولكن ماجاب فايدة

رحت عند البيطري قالي صحته ماشاء الله تمام رجعت البيت ولافيه فايدة ماياكل ويشرب ماء خفيف
رحت عند بيطري ثاني وماقصر معي جزاه الله خير حاول وحاول وكان صدق متالم لحالته وكانه قطو له
رحت اكثر من اربع مرات اتردد على البيطري صبح مساء وابر ومغذي كل هذا محاولة انقاذ روح هالمسكين

حاولت معه بكل مااستطيع من جهدي فضيت وقتي كله له في محاولة اني اشربه حليب او ياكل
ولكن مافيه فائدة


شوفو صوره اول يومين وش زينة

[IMG][/IMG]

[IMG][/IMG]

[IMG][/IMG]

ويوم ويوم في تدهور في تدهور من بيطري لبيطري ومن كل نوع الاكل جربنا ولكن لافايدة

الى ان وصل الى الهلاك

وهذي صورته بعد خروج روحه بدقيقة وفيها اختلاف كلي عن الصور الاولى


ماااااااات القط

[IMG][/IMG]

وكل الفرق بين الصور الاولى والصورة هذي كلها يومين لااكثروشوفو الفرق


كل الي اتمناه ان تكون حذرين ولاتستعجلون وان الفكرة بالضبط وصلت لكم

وانتبهو من نصب بعض البائعين وتاكدو من عمر القط وصحته


كل الي اتمناه اني ماطولت عليكم وتقبلو نصيحتي


تقبلو تحياتي اخوكم/al-maystro

[كان]

صحيح كل كلامك اخوي
وكل الي اقوله الله يعوضك باحسن منه

[قطو_Q8te]

لاااااااااااااااا
حراااااااااااام .. مادري شقولك غير الله يعوض عليك
والله حرام ...
شسويت فيه وين حطيته؟؟ اتمنى انك تكون دفنته ولا انك تكون قطيته بالزباله ..
اخوي شنو سبب موته ماعندك فكره؟؟
امبين من شكل جسمه انه تعرض لأبر بالهبل وجسمه ماقدر يستحمل !!
ومبين انه صغير شلون هالدكاتره عطوه ابر !!!!!!!!
لو قايلنا جان فدناك والله العظيم حرام
الله يعوضك باحلى منه يارب ونصايحك ورد
ان شاء الله الكل يتعظ وعالاقل ياخذ بنصايحك
مشكوور وحياك الله بمنتدانا اخ وعضو

[الساحر77]

حرام كسر خاطري والله من اول صوره قلت مشالله حلو بس انصدمت يوم شفته ميت الله يعوض عليك انشالله


طلع قلبي حنون خخخخخخخخخخ معنه الكل يقول شكلك شرير

[mr memo]

انها قطه رئعه ولكن ربنا يصبرك
انا حزنت كتير عليها

[La Fragola]

مرره حلوه ماشاء الله

الله يرحمو الله يصبرك

[رعوود]

الغالي المايسترو


تجربه عشتها معاك باللحظة


وشي محزن وناس ما تخاف ربها تبيعهم قبل ما يفطمون



وربي يعوض عليك باحلى منه يا رب

[!شاربه بيبسى ومدلعه نفسى!]

والله احزنتنى كان شكلها مره حلو
البقاء لله اخوى

[Dominique]

انا في حالة صدمة

لا تعليق غير

الله يجازي صاحب المحل

هذي نفس حالة دوبر

اخذها صغيرة وماتت

قلبي تقطع عليها

.
.
.

[sisi_moon]

حرااااااااااااااااااااام

يما يما والله تقطع قلبي شوي وبصيح

شنووو حراااااااام اصلا المفروض ماتشتريه صغييييييير

بس يلا مايفيد الكلاام

الله يعوووووووووووضك ان شاءالله

وان شاءالله الكل يتعلم من هالتجربه