للخبراء في تربية البلبل

[مميـز]

--------------------------------------------------------------------------------

السلام عليكم ورحمة الله وبركاتة

أعطاني احد الأصدقاء اليوم بلبل عمره أكثر من شهر بقليل اخذه من عش وقام بتربيته اسبوعين او اكثر
واعطاني معه كيس بـه حبوب طلب مني ان اخلطها مع قليل من الماء وأطعمه بنفسي بـ عود ثقاب
سؤال هل تكفي هذه الحبوب ؟؟
ومتى سيعتمد على نفسه في الأكل ..؟؟
وأيضاً دائماً يطلب الطعام وبعد الطعام ينام قليلاً؟؟
وضعت له خياره و برتقاله طبعاً مقسوماتان بالنص لاكن لم يأكل منهم:thumbdown: ..؟؟
صديقي كان واضع له تمره واراه يأكل منها
بماذا تنصحوني بأطعامه وطريقة التربيه وسلامتكم

صور للبلبل

[شمس]

اموت بالبلابل ودايما اربيها
اطعمها الخبز المنقوع بالماء او تعلس الخبز بفمك وتأكلياه بيدك او بفمك حتى يحبك واعطيه تفاح مبشور ورز مطبوخ وركي وكل الفواكه وخليه دايما بحضنك وقربه على بوري الماي حتى يتعلم السبح وغردله دائما وقوي اجنحته برفع ايدك وخفضها وهو عليها وصيحه باسم معين
بعد اسبوع اواكتريبدا ياكل بنفسه علق له التمر والفواكه والخيار عدا الطماطه لان تخرسه ودايما خليه خارج القفص حتى يصير اليف لان القفص يخليه وحشي ويخاف
وبالتوفيق ان شاء الله نسمع اخباره

[غزل]

أخي مميز حاسب وانت تأكله لان ريشه صاير وصخ من الاكل

فياليت اذا اكلته تشيل الاكل العالق بالريش وهو رطب عشان ما يجف

وبعدين يا اخي عادي عمره مو صغير كثير من فترة قليلة امي جابت بلبل وكنت اموووت لين ااكله

اكله رز ابيض بس حطه له بماي قليل عشان ما يجف ويصير جاف عليه وحط له رطبه لينه بماي قليل عشان يصير لين واكله

لا تاكله برتقال لان بالسابق بلبولي لين كنت ااكله برتقال كان يصيده اسهال

حط له مثل كمثره لينه او رطبه او تمره او خيار بالقفص عشان يتعود ياكل لحاله

وعلى فكرة اهو حجمة بحجم البلبول اللي عند امي ولا تنسي تخلي له ماي بصحن عشان يتسبح

بلبول امي غبي ومربوش ويخاف من كل شي فيتسبح بايديها تخلي له ماي شوية براحة الايد ويتسبح ... وسعات لين شاف شيلة او قماش يروح يتسبح فيه .... الظاهر يتخله ماي جاااااف

[مميـز]

شمس يعطيك العافيه ع المعلومات

غزل اختي البلبل مو وسخ والصوره شوي ضالمته ومافي اي بقايا اكل ع ريشه لا ناشف ولا غيره
عندي مسبح للطير بس ماجربت
يعني منسوب الماي كيف؟؟
احط البلبل داخله ولا اخليه برى واهو يدخل؟؟
واذا رفض اجبره ولا لا؟؟
وياليت اجوبه ع اسألتي

[مسمار]

اخ ... مميز

لاتكرر المواضيع لسؤال واحد ......

ستتضارب الاجابات التى ستربك المطالعين وتشوش معلوماتك

اجابة سؤالك المكرر موجوده فى موضوعك المكرر السابق فى الرابط التالى :_______

http://www.2zoo.com/vb/showthread.php?t=36012

ارجو من الادارة دمج الموضوعين ................ تحياتى

[النوخذة]

اخوي مميز مبارك عليك البلبل :

اهم شي تذكر عشان يوالف البلبل لازم يحس انك مصدر الامان و الراحة و الاكل ..
يعني بعد كم يوم و انت تاكله حاول تعوده انه يجيك هو عشان ياكل ..
في البداية بعد اللقمه عنه و خله يخطو لها .. و حبه حبه بعدها اكثر و اكثر .
حاول تخليه برا القفص اكثر الوقت اللي تكون موجود فيه بس حاول يا يكون فوق القفص او فوق جسمك انت و لا تخليه فتره طويله يعيث في الغرفة ... عشان يتعود عليك و على القفص و يصير مكانه الاول كاختيار ..
بعد فتره راح تطلع فيه الحديقه و الشارع تشوفه يروح و يرجع لك ما يباعد عنك

مشكلة تربية البلابل شي واحد بس .. لو مره فرط بالغلط و راح و مش متعود يجد مصدر اكله .. مصيره يكون الموت الا لو لقطه شخص ثاني .. لانه بكل بساطه ما راح يعرف ياكل او يشرب .
و هذا صار حق بلبلي الاخير 3 سنين نطلعه في الحديقة و مره طار ورا بلابلو لا عرف يرجع
لقيناه في الحديقة اللي ورا البيت على وشك الموت من العطش ..و ما قدرنا نلحقه .
و بصراحة هو الشي الوحيد اللي ما عرفت اعلم البلبل عليه .

بالنسبه لاسئلتك
ما افضل تسبيح البلبل الصغير و لكن ممكن تاخذ منشفه او كلينكس و تنظفه
و لا تجبره على السباحة عرفه ان الموجود ماي بوضع اصبعك في الماي و بعدين امسحه بمنقاره و خله على طرف المسبح الين يقرر ينزل ..
عمق الماي 2-3 سم اعتقد اوكي ..

بالتوفيق.

[غزل]

المشاركة الأصلية كتبت بواسطة النوخذة

مشكلة تربية البلابل شي واحد بس .. لو مره فرط بالغلط و راح و مش متعود يجد مصدر اكله .. مصيره يكون الموت الا لو لقطه شخص ثاني .. لانه بكل بساطه ما راح يعرف ياكل او يشرب .
و هذا صار حق بلبلي الاخير 3 سنين نطلعه في الحديقة و مره طار ورا بلابلو لا عرف يرجع
لقيناه في الحديقة اللي ورا البيت على وشك الموت من العطش ..و ما قدرنا نلحقه .
و بصراحة هو الشي الوحيد اللي ما عرفت اعلم البلبل عليه .

صحيح هذى مشكلة لاني انا جبت بلبل مع بنت خالتي وأهي بلبلها اول ما شاف النافذه مفتوحه على طول هرب بس انا بلبلي وفي بدرجة كبيرة كنت اطلعه معاي بره البيت وبالسيارة وكان على كتفي ( صقر مو بلبل ) ولا كان يطير بالمرة ولين كنت اخذه على الحديقة اخليه فوق القفص وادخل داخل بس اشوفه اخاف القطاوه ايجونه ولين ايجونه بلابل ثانية من السكه كان يطردهم من قفصه كان كثير وفي ... عشان هلون ما ابي اربي بلبل ثاني لاني ادري مهما جبت وربيت ما بيصير نفس هالبلبل لانه مات من الكبر عاش عندي 7 سنوات