ابي المشاركه من الجميع

[yooyoo]

الف شكر حبيبي ماقصرتم ابواياد

اخوي محمد الرياض
لالا مو اصفر ابيض او حليبي اخوي كم يكون عمره في الصوره غير واضحه لون عيونه ابيض او حليبي لاكن مو اصفر الي في النص اسود والي حولينه ابيض او حليبي

[الجااارح]

أخوي الغالي / yooyoo

ألف مبروووووك عليك الطير والشهر وكل عام وأنت وطيرك بألف صحه وسلامه وعسى الله يسمعنا عنكم كل خبر سار انشاء الله ....

بالنسبة للعمر

أقول والله العالم أن الطير عمره سنة ونص تقريبا

ورأيي هذا يختلف عن رأي عزيزي / محمد الرياض يقول فوق السنتين

ولكن في النهاية هو أكثر من سنة >>>>> متفقين على صاحب المحل

أيا كان عمره سواء سنة أو سنتين أو ثلاث

برضها في نظري اشوفها لسى صغيره عظمها طري مقارنه بأعمارها اشوفها لسى صغيرة لأنه يمكن يوصل عمر الرمادي الافريقي لـ 50 سنة والله العالم ومقارنة بين سنتين أو ثلاث بــ 50 سنة انت احكم ما راح اتكلم

صحيح ان الطير كل ما كان صغير أكثر كل ما كان أفضل بس التدريب الطيب يجيب نتائج ايجابيه فوق ما يتوقع الشخص


بالنسبة للجنس :

أيا كان ذكر أو أنثى ما تفرق معاك بكثير اذا كان غايتك من شرائك الطير التربيه أما التكاثر فهنا فيه فرق ....

ولكن ما يمنع اني اقول لك وش الفرق بين الذكر والأنثى :

الأنثى أقل كلام وأشد ارتباط مع المربي
الذكر أكثر كلام وأقل ترابط مع المربي

أعاد انت قرر وشوف وش احسن لك

ذكر لك أخوي العزيز / محمد الرياض الطريقة لتحديد الجنس بدقة وهي DNAوهي اللي تصيب ما تخطي انشاء الله اما الحكم عليها بالنظر يمكن يخطي ...

ولكن بعطيك نبذه بسيطه عن معرفة الفرق :
الذكر عيونه بيضاويه
الأنثى مستديره

ولكن ما نقدر نعلق عليها كل الآمال ....


عموما :

الله يبارك لك فيه ويهنيك فيه ياغالي

وآسف جدا على الإطالة

تقبل مروري وكافة تحياتي