من وين المشكله؟؟؟؟

[westlife]

السلام عليكم
اخواني انا من فتره كانت عندي قطوه وكان عمرها فوق السنه بشوي المهم انه يتلها فترة الشبق ووديتها لمحل لتزاوج القطه تقريبا 5 أيام
ومرة شهرين وانا ما ادري ان القطوه كانت حامل
وانصدمت فجاه انها قاعده تولد
المهم انها يابت 3 بس كلهم طلعو ميتين وكانو اشوي كباار نوعا ما
حتى النثيه واايد تعبت لان اخر قطو كانت عالقه اكثر من 12 ساعه لين ما انا طلعته
المهم انا ابي اعرف ليش ماتو من وين المشكله؟؟
من الذكر ؟؟ ولا من النثيه؟؟ ولا مني انا؟؟ يمكن لاني كنت اشيلها او ماكنت اعاملها انها قطوه حاامل مااعرف
فياريت الي صارله نفس الشي اقولي عشان استفيد
وجزاكم الله خير

[Dominique]

هلا اخوي

الظاهر انه منك والله اعلم

صج انك ما كنت تدري ان القطوة حامل لكن كان المفروض بعد التزاوج باسبوع على الاقل توديها البيطري وتفحصها

القطوة وقت الحمل مالازم تبذل اي مجهود خطير مثل القفز من الاعلى او انك تشيلها بطريقة تأثر على الاجنة مثل انك تضغط على بطنها او تقلبها او غير جذي

الله يعوضك انشالله ولاتحس بالذنب لأنك ماكنت تدري

لكن حق المرة الياية انتبه اكثر

كلشي مقدر ومكتوب

ميرسي
.
.
.

[رعوود]

كلام اختي دومينيك صحيح

وهذي صارت مع صديقي

قطته حامل وما كان يعرف الا على اخر الايام

ولدت 5

3 ميتين

و1 طبيعي

الاخير عاش كم يوم ومات

ربي يعوضك ان شاء الله

[westlife]

مشكور اخوي رعوود على مرورك الحلو
ومشكوره Dominique على مرورج انتي دايما في المقدمه في ردودج الله يعطيج العافيه

[prensesa]

السلام


صحيح ان الموضوع قديم ولكن انا حبيت اطرح الموضوع مره ثانية فالى كل من لديه قطه حجمها صغير من النوع الشيرازي ---- الحرص

انا صار مع قطوتي 3 مرات مو مره واحده

السؤال ما نوع قطوتك؟؟؟؟؟؟ الظاهر نفس مشكلتنا قطتنا شيرازية من النوع اللي حجمها صغير ولما تتزاوج مع ذكر يكون اكبر من حجمها فمن الطبيعي ان الابناء يطلع حجمهم كبير ونظرا لصغر حجمها وصغر حجم الحوض وعنق الرحم فلما يكون في فترة المخاض فلا تستطيع الولادة وتظل تطلق لما يموت الجنين في بطنا ومن ثم يصغر حجمه وهو ميت

احنا قطوتنا 3 مرات يصير معها وتولد بولادة قيصيرية واخر مره تعبت وايد فقمنا بازالة رحمها علشان نرحمها من العذاب

ومثل ما قالو الاخوان بعد ما يتم التزاوج ابعدها من التعب وكن حريص


وشكرا

[@$%rory%$@]

توني ادري ان القطو الشيرازي ماينفع يتزاوج مع نوع اكبر حجم وفي خطر من التزاوج هذا
وحتى التقليب ماتوقعت يأثر الحمد لله ماقد سويت شي من كل هذا بس هالكلام جديد علي
شكرا للمعلومات

[أسير الدمعة]

المشاركة الأصلية كتبت بواسطة prensesa

السلام


صحيح ان الموضوع قديم ولكن انا حبيت اطرح الموضوع مره ثانية فالى كل من لديه قطه حجمها صغير من النوع الشيرازي ---- الحرص

انا صار مع قطوتي 3 مرات مو مره واحده

السؤال ما نوع قطوتك؟؟؟؟؟؟ الظاهر نفس مشكلتنا قطتنا شيرازية من النوع اللي حجمها صغير ولما تتزاوج مع ذكر يكون اكبر من حجمها فمن الطبيعي ان الابناء يطلع حجمهم كبير ونظرا لصغر حجمها وصغر حجم الحوض وعنق الرحم فلما يكون في فترة المخاض فلا تستطيع الولادة وتظل تطلق لما يموت الجنين في بطنا ومن ثم يصغر حجمه وهو ميت

احنا قطوتنا 3 مرات يصير معها وتولد بولادة قيصيرية واخر مره تعبت وايد فقمنا بازالة رحمها علشان نرحمها من العذاب

ومثل ما قالو الاخوان بعد ما يتم التزاوج ابعدها من التعب وكن حريص


وشكرا

انا مقدر معاناتك
لكن مااعتقد بصحة الكلام هذا
وعن تجربه شخصيه وهي تزاوج قطه انثى بيكي فيس قزمه عمرها سنتين لو تشوفها تقول عمرها 7 شهوربذكر مون فيس مافي اكبر من حجمه وطوووووويل
والانتاج كان 3 قطط حلوين والولاده طبيعيه.
بالنسبه لقطتك:
الاحتمال الأكبر ان القطه بعينها كان فيها مشكله بالجهاز التناسلي
اما انها حملت المره الأولى بعمر صغير قبل ان يكتمل نمو جهازها التناسلي والحوض واثر عليها
او ان صحتها ظعيفه او خلل جيني
والله اعلم.