كلبتي جسمها ضعييييييييييييييييييييف

[Manchester00]

السلام عليكم يا شباب

انا عندي كلبة دوبر مان سنها 8 شهور بس جسمها ضعيف جداااااااا ورفيعة جدااا واخوها بياكل نفس أكلها ويمكن اقل جسمه ما شاء الله جميل ووديتها للدكتور وكتبلها علي حقن بس بردو ماجابتش نتيجة وكمان اديتلها الدوا بتاع الديدان وبردو مش بتتخن

ده من كتر ما هيا رفيعة رجليها اللي ورا دخلوا علي قدام أكتر يعني مبقاش عندها كاسحة

وواحد قالي إنها ممكن تكون مرضعتش كويس وهيا صغيرة

[Manchester00]

هوا محدش عارف أي تفسير

[Scorp_Simba]

وعليكم السلام اخي

اخي قلت بأنك اعطيتها دواء للديدان ولكن هل اكملت ( الكورس ) كاملا؟؟ حسب علمي بأن ادوية الديدان يجب ان تصرف حسب جدول زمني كل اسبوعين و3 وحتى بالشهرين اما مرة واحدة فلا فائدة منها
اكمل كورس الدواء الزمني كاملا واصبر وان كانت تعاني من الضعف فبادرها بالفيتامينات حتى نسنتطيع ان تكمل الكورس وان شاء الله اخي تشفى بأذن الله

و بعد اذن الادرة للمنتدى يمكنك زيارة موقع الطب البيطري العربي والبحث فيه عن بعض النصائح في هذه الحالة
تقبل تحاياي
والسلام عليكم

[Manchester00]

شكرا يا سكورب علي إهتمامك
بس الدكتور قالي إن الدوا بتع الديدان مرة واحدة بس علي الريق
ممكن يكون قصدك علي دوا تاني
اللي الدكتور قالي عليه عبارة عن شوية بودرة بتتحط علي نص كباية لبن وعليها معلقة سكر و الكلب يشربها من الفم إجباري
لو قصدك علي دوا تاني قول
ومشكور مرة اخري لإهتمامك

[ibrahim_n]

اخى ال قالك الدكتور عليه ده هى شربه بتنزل كل ال فى بطن الكلب بتغسلها يعنى فبتوقع الديدان فقط لكن فى بيض الديدان لسه موجو بيفقس بعد اسبوعين فتديه الشربه تانى ده مع حقنة مش فتكرة اسمها دلوقتى بس اكيد الشباب عرفين اسمها بيخدها كل 3 شهور وقايه بتعالج الديدان والجرب و هكذا
اما عن الاكل فنت مقولتش ايه الاكل ال بتحطوهلها ولكن هات دواء اسمه tres orix شراب اديها 5 مل مرتين فى اليوم قبل الاكل بساعة او نص ساعة و المرة الثانية مش شرط الاكل
بالنسبة للضعف لو جسمانيا عصبها ضعيف هات لها نيوروفيت مقوى للعصاب حبيتين يوميا صباحا و مساءا اطحن الحباية و حطها على حبة لبن و اديهولها
الادويه دى مش غالية النيوروقيت 20 حباية ب 6 جنيه و التريزوركسن ب 7.5 و الحقنه ب 10 جنيه و ربنا يشفيهالك

[ibrahim_n]

افتكرة يا عم اسم الحقنه اسمها افوماك 1 سم تحت الجلد اى خدمة و لو انت فى مصر يبقى روح للمستشفى ال خلف كليه الشرطة واسئال على الدكتورة عزة هتظبطك دى احسن دكتورة بتفهم فى الكلاب

[قلب القمر]

مية مية ibrahim_n
بس احب اصحح معلومة
اسمة ايفوماك سوبر وبيتاخد 2سم تحت جلد
كل ناحية 1 سم فى اليوم الواحد وهية فعلا 10ج دة فى اسبوع واحد يعنى
من المفروض انك تلاحظ البراز بتاعها فية ديدان ولا لاء
واى سؤال فى الخدمة دايما

[Manchester00]

ألف شكر لكل اللي اتعاون معايا وربنا يشفيها