رجعت لكم بقصة جديدة .. وحوض جديد ؟؟

[نياز]

السلام عليكم .. كيفكم وحشتوني

انا سالفتي سالفة ويا حوضي العذب .. حيث انه قبل شهر سافرت وخليت الحوض واسماكي الغاليين في عهدة اخت زوجي .. على امل ان تهتم بهم وباكلهم وموعد نومهم واستيقاضهم

عند رجوعي إلى أرض الوطن تفاجأت بأن كل اسماكي مااااااااااااااتوااااااااا
ولما سألتها كيف قالت منك انتي حوضك وصخ ؟؟؟؟؟؟؟؟؟؟؟
وانا اللي ما خلي حوضي يتوصخ ونظفته من الطحالب كلها وخصوصا آخر فترة كانت عندي مشكلة ويا الطحالب بس نظفت الحوض كله قبل ما اسافر
بس صدقوني ما تمت ولا سمجة .. بس الفايتر كان صامد ولحقت عليه الحمد لله وكان اول ما شفته كانه يحتضر
والحوض ماله كان متروس (مليان) أكلللللللللل
تخيلوا إهئ إهئ إهئ ؟؟؟؟؟؟؟

نجي للحوض الجديد طبعا انا رميت كل ما كان في الحوض
لان رائـحة الحوض كانت لا توصـف

وشريـت ديـكور جـديـد للـحـوض واسـمـاك جـديـدة
وهـي كالتــالي :::
3 شارك فيش 1 أسود و2 سيلفر شارك
و2 جورامي صغار لون احمر
و2 أنجل واحد سيلفر حلو والثاني اسود وابيض
و2 نسيت اسمهم
و1 واحد كوي متوسط يعني بحجم الكف اليد
(أحلى واحد عندي)
و 2 قولد فيش متوسطين واحد لونه قولد والثاني ابيض مبقع برتقالي هم بعد نسيت اسمه

ترى هذوله كلهم شريتهم امس **لا يغركم العدد
تراهم مو كثير يادوبك ابينون (ينشافون) في الحوض**
وانشالله بعد اسبوع باخذ دفعة ثاني

للتذكير فقط :: الحوض سعته 128 لتر

سوري إذا طولت عليكم

[Hilal]

الله يبارك لك في اسماكك الجديدة

بس كان في ودي انك تحطين صورة للحوض مع السمك الجديد

[الباحث]

مبروك على الحوض الجديد يتربوا في عزك إنشاء الله

بس كان في ودي انك تحطين صورة للحوض مع السمك الجديد

صحيح ودي أشوف الحوض

[انجل مان]

اهلييييييييييين نياز ..

ولكمووو .. والحمد لله على السلامه ..

تو ما نور المنتدى بطلتك الحلوه ..

اولا مبرووك عليك الحوض الجديد .. والسمكات .. الحلوات

بالنسبه للرائحه .. ترى عندي فكرة جهنميه ..

ولا تزيل الطحالب زي السلام عليكم ..

اذا فضيتي الحوض وطلعتي الديكورات الداخليه .. وتحطيها في طاسه وتتخمرينها في مويه وشويه كلوركس

وبعد نص ساعه من التخمير .. تخرجينها وتغسلينها جيدا بالماء << ادوخ على اللغه بس ..

وتختفي الرائحه والطحالب تروح . ويطلع كأنه جديد .. بس هااه غسليها زين ..وخليها ناشفه على الاقل 6 ساعات عشاان اذا فيه بقايا كلور يطير منها ..

وبالنسبه للطحالب .. ابعدي الحوض عن الحرااره والضوء القريب من الشمس .. عشان ما تكون عندك الطحالب ..

ومبروووووووووووووووووووك على السمكات مرة ثانيه ..

[نياز]

مشكور أخوي hilal على ردك .. وان شاء الله اول ما أكمل الديكور بحاول أحط صور لحوضي الجديد ..

الله يبارك فيك أخوي الباحث .. وان شاء الله إذا الله قدرني راح أخلي الصور في أقرب وقت .. شكرا


الله يسلمك أخوي أنجل مان (ووش سالفة الافكار والابداعات الجديدة؟؟) الله يوفقك ..
انتوا بعد والمنتدى كله وحشني ..بالنسبة للديكور القديم خلاص رميت كل اللي كان عندي من القهر والحرة إهئ إهئ .. كان يوم مأساوي الله لا يبلي احد .. وفكرة الكلور حلوة بسسسسس الله لا يحوجني لها ههههههههه مابي طحالب تعقدت منهم .. والله يبارك فيك انشالله

انا هالمرة حبيت اني أغير كل شي من الديكور ولونه .. وحتى نوعية السمك اللي عندي خذيت انواع ما كانت عندي من قبل .. بس طبعا الجورامي والانجل مالي غنى عنهم ابدااااا..

وشكرا على الاهتمام بموضوعي ..

[usama_brhm3]

حمد اله علي السلامه يا نياز ونورت بيتك من جديد
المهم هند سفرك مره اخري بلخني احضر علشان اراعي السمك بنفسي
وتعرف اللي يراعي الاسماك لا يكثر من الطعام
وأذا كان مدة السفر قصيره يفضل اطعام اسماكك قبل السفر
ومبروك علي الاسماك الجديده
وربنا يكفينا شر السلايف

[نياز]

الله يسلمك انشاء الله .. لا والله سفرتي كانت 15 يوم شهر عسل .. واول ما رديت وانا فرحانة انصدمت بهذا الخبر
وانشالله هالمرة راح اتأكد اكثر ان الاسماك بتكون في ايدي امينة
وانا والله اكدت عليها لا تكثر من الاكل ولا تكري من الاكل للمطار وانا احن ازن على راسها .. مافي فايدة
معلومة .. هي كمان عندها حوض متوسط يعني اكيد تعرف كمية الاكل المطلوبة .. ودايما آخذها معاي لما ابي اشتري سماكي >>>>>>>>>>وش فيها قالت قصة حياتها>>>>>شكلها نست روحها >>>>>>خخخخخخخخ
بس والله من القهر >>>يلا على قولتك ربنا يكفينا شر السلايف ههههههههه ومشكور