اشترك في نشرتنا البريدية ليصلك كل جديد

~~عروس الجليل~~ · 31-05-2008, 01:09 AM

في عندي صاحبي بتحب السلاحف البريه كتيير, شوي هي بتحب الخراريف وعندها ايمان انو اللي بيربي سلاحف بريه ببيتو خير عليه واهل بيتو وكمان بتجيبلو الرزقه..

وبلاب بلاب بلاب من هادا الحكي...

المهم انو في مره اجت ئالتلي انو في عندها سلحفاه بريه كبيره شوي -انثى- صرلها مربيتها شي سنتين وحاططتها بالحديقه ئدام بيتهن, بيوم اجت لائت السلحفاه كانت بايضه اربع بيضات بحفره وعم بتغطيهن برجليها, هي استغربت كتييييييييييير انو من وين اجا هادا البيض والانثى بالسنتين اللي عندها ما شافت ذكر ليزاوجها

؟؟؟

كتار يلي بيربو حيوان وشغلات كتيره بتغيب عنهن.. ممكن انو بيستنو كلشي يجي بوئتو بعدين بيسألو وبيعرفو عنو...

عالم الحيوان مهما فكرنا انو منعرف عنو اشيا منضلنا منجهل اشيا تانيه كتيره.. وكل واحد فينا اكيد بيجذبو اشي بهادا العالم.. انا شخصيا بحكيلو عن حالي, كتير بحب اعرف واشوف وارائب التزاوج عند فئه من الحيوانات- الزواحف... لانو كل زاحف عندو طريئتو الخاصه المختلفه والغريبه اللي بتميزو عن الزاحف التاني,, ومن اكتر طرء التزاوج اللي الواحد بيوئف كتير ليفكر فيها وبحكمة ربنا وئدرتو هي عند السلاحف..

التزاوج عند السلاحف بيكون بوسط مائي - السلاحف المائيه- او بوسط ارضي -السلاحف البريه- فيو بيعتلي الذكر درع الانثى, واللي بيسهلو هايا العمليه درعو السفلي -بطنو- المقعر, وبعد ميطلع عليها بيرفعو ذيلهن لتخلص عملية الاخصاب اللي بتضلها شي دئيئه, بعد ميخصبو منويات الذكر البويضات تبعون الانثى البيض بتبيضو بشهر ايار وفي بحزيران,,, بس ربنا بيحط حكمتو باضعف خلئو, الانثى بتئدر ما تحط بيض بعد ميخصبها الذكر, لانها بتئدر تحافظ عمنويات الذكر جوات جسمها اربع سنين -سبحان الله- وهادا بيعطيها الئدره على انو تضع البيع متى شاءت خلال هايا الفتره من دون متكون بحاجه مره تانيه لذكر..

بالاخر بس منئول سببحان الله
ولله في خلقه شؤون..

تخيلو هيكا ربنا اعطانا الئدره احنا الاناث على انو نحتفظ بالحيوانات المنويه بجسمنا لفتره, كان ما بعود دور للرجال

ادا ئريتو كمان بيهم اشوف ردودكو ورايكو انتو, ما تطلعو من دون رد