ودي اتعلم الخيل .. بسسس !!!

[صاحبه الفلافل]

اختي انا مرره ابي اركب بس اهلي هم الي مانعيني >> احد سالك ودك ولالا

المهم اذا كنتي تحبين الخيل اركبي واذا مو مره يعني مو بتجنين لا تركبين

وبالنسبه للطيحات عادي اذا كانت بالتراب
الخوف لو طحتي على ارض خشنه

والله يختار الي فيه الخيره

[Dr.on Board]

المشاركة الأصلية كتبت بواسطة صاحبه الفلافل

اختي انا مرره ابي اركب بس اهلي هم الي مانعيني >> احد سالك ودك ولالا

المهم اذا كنتي تحبين الخيل اركبي واذا مو مره يعني مو بتجنين لا تركبين

وبالنسبه للطيحات عادي اذا كانت بالتراب
الخوف لو طحتي على ارض خشنه

والله يختار الي فيه الخيره

يعني اتوقعين اذا طحت عالتراب مراح اصير فيني شي ؟؟؟؟
وايد احاتي هالشي والله ...

و يعطيج العافيه اختي

[horse power]

اهلين اختي

الحين انتي فارسة وقاعدة تتدربين وجذي تفكيرج؟؟!!؟

انا لما كنت مبتدئه ماكان عندي هالخوف كنت احب المغامرة وعادي لو اطيح
بس انتي غيييييير يعني الي يحب هالرياضة بالذات يكون عنده روح المغامرة ومايخاف من هالاشياء لانها بسيطة بالنسبة لمتعة ركوب الخيل نفسة؟
انتي الحين جم صارلج تتدربين؟؟؟
لان هالشي يمكن يحدد
انا لما كنت مبتدئة تدرين جم طحت ؟؟!!
الله لا يوريج وكل مره اتعلم من الطيحه سواء من التوازن او من الاستقامه او من اي شي وهالشي هذا خلاني اتعلم اكثر الي ان اتقنت الركوب بشكل صحيح وانتقل من مرحلة الي مرحلة اصعب بالتدريبات بس صدقيني فيها متعه مو طبيعية الي ان اصبحت مدمنه على التدريب حتي لو تعبانه ابتدرب الي ان الله فرجها وشريت لي خيل ويوميا اتدرب معاها بالساعات ولله الحمد
خلي عندج اصرار وعزيمة وانت اقوي من جذي وانت فارسة لازم تكونين قوية
وحبيت انقلج تجربتي علشان تستفييدين منها ووعلشان ماتضيعن فرصة التدريب بالخوف الي يشغل بالج
اساسا عمري بحياتي ما خطر ببالي هالشي على كثر ما تدربت من سنين

وفي شي انتي ماتعرفينه ان الطيحات الي تسمعين عنها هذول الي يقعدون بالمستشفيات على قولتج هذول اغلبهم يصتدمون بالحاجز عند قفز الحواجز يعني لو تركضين ركض فيه وتطيحين ماراح يصير فيج غير الرضوض وشوية كدمات فقط اما الي يصير فيهم اعوذ بلله السوالف الي تسمعينها من الحاجز لما يقفزون
استمتعي بالتدريب ولا تفكرين بالطيحات
موفقه يارب
واي شي تبينه انا بالخدمه
لا تستحين من اختج

تحياتي
هوورس باور