ليش الكاسيكو مالي ما يغرد؟

[أوتار]

سلام عليكم

ما اادري شنو فيه الكاسيكو مالي فجاة بند تغريد ومصافر علماً كان هو يصافر نفس البلبول ومرة وحده بند ما اادري ليش؟؟

مع ان البيت ردحه وسمردحه وهدرة فوق تحت ، وكل يوم نكرر ليه الكلام مثل السلام عليكم عليكم السلام مثل الوووو مين ومرحباً واذا مشغلين التلفاز أناشيد فرقة طيور الجنة يغرد يعور راسنه واذا نخلي ليه الأناشيد أبداً ما يغرد ليش؟

اذا احد يدري شنو سالفته يخبرنه..

[فتفوته]

طيرك
يا انه مزاجي او مريض
تاكدي من نشاطه بالقفص وشكل برازه هل هو سائل او لا

[كاسكـــو]

الكاسكو مزاجي رقم واحد يوم مايسكت ويوم يكون ساكت

لكن المشكله موب واضحه يعني كم له ساكت الحين

لكن فهمت انه مع صوت التلفزيون يرجع يصفر هنا الوضع عادي وين المشكله ؟

وهو طبيعه حاله يحب الازعاج والاصوات ويتفاعل معها

ننتظر توضيح اكثر

[مجنون عويشق]

السلام عليكم

الله يهديك ..وين جالسين فيه ..كاسكو ويغرد ماتجي ..؟؟...هههههه..قصدك يقلد التغريد فقط

قد يكون في شيء وضع بجانبه مما جعله يخاف ..او تغير الجو من الدافئ الى البارد ...!!

لاحظ سلوكه ..قبل كل شيء


تحيه طيبه

[سكر]

يمكن صار مطوع

هذي تصنيفات الإفريقي كذا.

لكن ارفعه في مكان عالي تأكد من ان الاضائه قويه, لأن ضعف الاضائه تأثر في مزاجه وفي صحته بعد.

وفيه ملاحظة: احيانا الأصوات البعيده تخلي الببغاء يركز وهو ساكت.

يعني لو فيه أطفال في العمارة الثانية يلعبون, تلاقي ببغائك يسكت وينصت لأصواتهم.


تحياتي

[أوتار]

مشكووووووووورين على الردووووووود..

وصراحة حبيت اخبركم عنه وشنو الاحظه منه..

أولاً: يعض القفص والقفص حديد.
ثانياً: يحاول يبغا يطير.
ثالثاً: شكل برازه ساعات يكون سائل وساعات متماسك ولونه أخضر على أبيض الله يعزكم.
رابعاً: ما يرضى يركب على اليد.
خامساً: من واحد يقرب ليه يجعر وان اقرب يمه يجعر ويخاف.
سادساً: انا عادةً اخلي القفص مفتوح حق يغير جو يطلع بس ما يتحرك من مكانه يدخل ويطلع بس اليوم شفته نزل على الأرض.

مثل ما قلت البيت ردحه وسمردحه ومستغرب ليش ما يغرد هل هو خجل او مثل ما قلتون مزاجي..

او يمكن غيران من المتاتو الي عندي خليتهم في الصالة معاه يمكن يبغا يجذبني اليه ويعاقبني ههههههههههه..

اذا صدق مريض خبروني وشنو لازم اسويه ليه واذا ممكن تعطونه اسم فيتامينات لتجنب الأمراض..

ولكم مني جزيل الشكر..

تحياتي أخوكم أوتار..

[كاسكـــو]

لا ان شاء الله مايكون مريض

عض القفص هذا طبيعي كل الببغوات تحب تعبث وتلعب وتعض الاشياء اللي عندها

وماراح يركب على اليد وهو يجعر لأنه الجعره دليل على الخوف الببغاء يخاف

والكاسكو جمع الاثنين على فكره هو مزاجي وخجول وهذي حقيقه متعارف عليها

وفيه بعض الكاسكو فعلاً تغار تكون غيوره لدرجه انها تتغير سلوكياتها من ايجابيه الى سلبيه

وهو محتاج للترويض وشي طبيعي لو سكت ولا صفر لانه لحد الان مرتاب وغير مرتاح

حاولي تتقربين له اكثر وحطيه بغرفه فاضيه بروحكم واجلسي معه وتكلمي معاه وصفري له ولطفي الجو معاه

ان شاء الله يتحسن مع الوقت

[Madrid Spirit]

شكل برازه ساعات يكون سائل وساعات متماسك

تخافين يكون مريض

لا سمح الله

تابعي حركته داخل القفص و نشاطه

و اذا ياكل او لا

و صوت تنفسه

و برازه اعزك الله

و ردلي خبر

[أوتار]

بالنسبة للأكل ياكل برازه أخضر على أبيض اعزكم الله ويتحرك ويبغا يطير هذي السلوكيات الي اشوفها..

بالنسبة الى اليوم الصبح الفجر على 4 فتحت المصباح ومهلت اشوي عليه صفر بس الحين ما قام يصفر يمكن يكون مزاجي؟

شكراً لكم تحياتي أخوكم أوتار..

[كاسكـــو]

انا اشوف انه طبيعي الببغاء

بس محتاج وقت وتدريب وترويض

ومثل ماقلت لك اجلسو بغرفه فاضيه هاديه وتعلمينه التصفيرات والكلام على الأقل ربع ساعه

او حسب ماتكوني فاضيه خليه جنبك

والببغاء هو كذا يردد كم كلمه على كم تصفيره ويرجع يسكت

لأنه مقلد وليس مغرد كباقي الطيور