علاج ممتاز للفطريات

[تركوازية]

اعزائي الاعضاء

كلنا نعرف الفطريات اللي تصيب قطاوتنا.... والفطريات من اكثر الامور الي يتعبنا علاجها..لانه سريع الانتشار في جسمهم..

انا كنت اعاني من نفس المشكله مع قطاوتي..خاصة "سبايكي" كل ما اعالج بقعه بالكريمات تطلع له بقعه ثانيه..ولين انتشرت الفطريات على ايده و ريوله..وصار شكله يكسر الخاطر شعره طايح وحالته لله..
وكنت اقول كيف انتشرت وانا اعالجه وانا ما اطلعه برع الغرفه..وهاي غلطة ارتكبتها و غيري وايدين يسوونها...نحط قطاوتنا في البيت او الغرف خوفا عليهم من اما من انهم يوصخون عمارهم او نخاف عليهم من قطاوة الفريج...وما نعرضهم للشمس...فتجيسهم الفطريات بسب قلة التعرض للشمس..

التعرض للشمس لو ربع ساعه في اليوم وايد مفيد لهم مثل ما هو مفيد لنا كبشر...

المهم ..قمت اطلعهم في الصاله و سبحان الله اشوفهم روحهم يروحون صوب الدرايش و ينسدحون على بقعة الشمس...يضحكون كانهم يسوون حمام شمس و تان...شفتوا حتى القطاو يعرفون انه الشمس مفيده لهم...

ثانيا رحت البيطري و خذت دوا للفطريات ينعطى عن طريق الفم...لانه الفطريات صح تروح لو نحط كريمات بس تبقى في الدم والجسم تحت الجلد...فتطلع بعد فترة...ومن عيوب الكريمات واذا انتشرت الفطريات في الجسم كم بنحط الكريمات في كل مكان؟...بيغدي القطو بكبره كريم وبيوصخ البيت وشكله بيستوي مب شي...والمشكله العوده انه الفطريات بتستمر في الانتشار بدون ما نحس وتبقى تحت الجلد و بترجع بعد فترة..

والحين صار لي اسبوع استخدم الدوا....واليوم فحصته في البيطري...والنتيجة كانت >>>> كل الفطريات رااااااااااااااااااااااحت من على جسمه...ما شفت ولا بقعه فسفوريه تحت الاشعه الحمدلله من بعد ما كانت منتشره بشكل فظيع على ريوله و ايده وخشمه...

صار لي 3 شهور وانا اعاني مع الكريمات في علاجه ما خليت لا كريم ولا بخاخ لاميسيل ولا نيزورال ما استخدمته حتى الكريمات مال الحيونات استخدمت ومافي فايدة..اعالج مكان و تطلع الفطريات في مكان ثاني..ليييييييييين تعبت وفقدت الامل
لكن الحمدلله اشكر الله ثم اشكر اخ عزيز نصحني اروح عند البيطري في الشارجة و عطاني هالدوا جزاهم الله خير هو والدكتور....

اسم الدوا Itrafungol وهو دواء سائل..تعطونه للقطو في الفم عن طريق ابرة تكون موجوده في العلبه مع الدوا..تعطون القطو لين عمر 4 شهور 1 سم مره وحده يوميا...والقطو فوق 4 شهور 1 سم مرتين في اليوم..تعطونه لمدة اربع اسابيع..لكن بنظام اسبوع وترك...يعني تعطونه اسبوع وعقب تريحونه اسبوع ما تعطونه..والاسبوع اللي بعده تبدون تعطونه وعقب اسبوع راحه..الخ..يصير المجموع 4 اسابيع عطيتوه الدوا و 4 اسابيع راحه....صح العلاج طويل ياخذ له قريب الشهرين....لكن قطاوتنا يستاهلون انه نعتني فيهم عشان الفطريات ما ترجع لهم

وهاي صورة الدواء



وثاني شي...طلعت القطاو برع الغرفه...ونظفت الغرفه كااامله بمخفف الكلوركس..عشان اقتل الفطريات لو موجوده في الغرفه من تساقط شعره...حتى الغنفات وسرير وكل مكان..رشيت عليهم مخفف الكرولكس حطيته في بخاخ مال الماي...وطبعا استعملت الكلوركس للملابس الملونه عشان ما يخرب لي الاثاث ويطير اللون لو استخدمت المبيض الابيض...

ادري رمست وااايد بس حبيت الافادة...

والله يشافيه ويشافي كل قطاوتكم ويبعد عنهم المرض

[mr.d7d7]

الله يجزاك خير أختي..
مجهود تشكرين عليه سراحتاً..
تقبلي مروري..

[lady_cat]

مرحبا اختي و رمستك وايد حلوة :-)

انا تفق معك ان الشمس ضروريه جدا للقطط

وكمان عمليه التعقيم مهمه
بالنسبه للدوا انا اول مرة اسمع انه ينعطى بالفم و ما ادري اذا عندنا والا لا ( بصراحه عجبني و ماشاءالله مفعوله سريع مو مثل الكريمات )

الحمدلله قططي ما تشتكي من الفطريات يمكن لانها كبيرة

ومشكورة اختي ع المعلومات المفيدة

[sisi_moon]

واااااااو .. طلع علاج منافس لحبوب نيزورال

حلوو والله

بشوف أسال عنه لو موجود عندناا

تسلمين ياقلبي عالإفااده ويعطيج العافيه والله يخلي لج سبايكي وسيلفرر ..

يــووضـاف للفهـرس

[M 7 M 7]

الله يعطيك العافية

وان شاء الله نتجنب الامراض هاذي للقطوة


انا ابنزل موضوع عن الفطريات الي جات قطوتي

مشكور اخوي

[قطة الأحلام]

يضحكون كانهم يسوون حمام شمس و تان...شفتوا حتى القطاو يعرفون انه الشمس مفيده لهم...

ماشاء الله شفتيهم وهم يضحكون

تراني أمزح لا تزعلي دمي ثقيل شوي

المهم نرجع للموضوع

أختي موضوع رائع

أنا صراحة قطي في فطريات

وراحت ورجعت

لكن اختي الدواء اللي تقولين عنه هل موجود بالسعودية وهل هو موجود بالصيدليات


موفقه خيتو



::مياو::

[تركوازية]

تسلمون على المرور
...
سيسي مون افا عليج ..ما ابخل بتجاربي ان فادت لووول...كريمة يحليلي
..
M7M7
قريت تجربتك و رديت عليك فيه
...

قطة الاحلام
خخخ يضحكون يعني هم شكلهم يضحك وانا اللي كنت اضحك عليهم لووول

والدواء بتحصلونه عند البيطري او محلات الكبيره لادوية القطط....واذا مب متوفره ي السعوديه من عيوني اللي يبا برسل له من هني فالكم طيب...مو عشانكم عشان القطاو اموووت فيهم لوووول ((شريره انا لوول))

صدق شوفوا اذا مب موجود عندكم يسعدني ارسل لكم من هني

[آنـــــو]

أول مره أشوفه أو أسمع عنه

وشكله خطيررر من كلامك .. أذا عندك صوره أوضح وأكبر تسوين خيرر

أعرف واحد رايح الأمارات هاليومين برسله الصوره يجيب له مثله ..

تسلمين حبيبتي على الأفاده الأكثر من رائعه ..

[josy]

شكرااا والله حبيبتي

امس اول مرة اشوف بقعة حمرا تحت ذقن قطي
وكتير نازل منها دم من كتر مايحكها

حطيتلو مرهم وحممتو بنيوزيرال وكنت داخلة المنتدى اشو ايشي مشانو
شكراا والله
الله يعطيكي العافية
بدوره في الصيدلية

[عاشقهـ الحيوان~]

موضوع مفييييييييد

ما ننحرمش ^^