اشترك في نشرتنا البريدية ليصلك كل جديد

M 7 M 7 · 12-05-2009, 11:23 PM

السلام عليكم

شخباااركم يا اصدقائي الغالين >>>> اهااا اخلص

انا جربت تجربه >>> (( وش رايك بالتعبير ؟ )) نرجع لمحور حديثنا .......

مع الفطريات بقطوتي المهم لاعب في اذانه المسكين وديتهااااا للبيطرية الي بالملز

و وصفلي دواء رهيب واخذتها من الصيدلية وجربت و الحمد لله راح الفطريات

بس كنت اخر العصرية احطها بالحوش تحت اشعة الشمس

لان الشمس ضرورية منها تقوي العظام و تقتل الفطريات

وهاذي صور العلاج :

هذا الشامبو >>

وهذا المرهم الخاص بالفطريات ::

تحياتي للغالين اخوكم m7m7

انتظر ردودكم ...

تركوازية · 13-05-2009, 12:33 AM

هلا اخوي اشحالك؟

اشكرك على الموضوع و حبيت اضيف تجربتي والقليل من خبرتي

انت استعملت شامبو للقشره يعني بس بيشل القشره اللي على الجلد..والكريم موضعي بيعالج علاج سطحي لمكان الاصابه..

لكن المصيبه في الفطريات اللي بعدها خامله في اماكن ثانيه ويمكن تنشط في اي وقت عقب..

حتى لو تاخذ القطوة الحين لاي بيطري يكشف بضوء الفلورنست وتعكس ضوء فسفوري للفطريات..بتنصدم انه في اماكن ثانيه متواجده فيها الفطريات بس بعدها مب نشطه لدرجة انها تبين كاحمرار على جلد القطوة..وبتطلع اعراضها بعد اسبوع او اسبوعين

انا جربت هالعلاج اللي انوصف لك وجرب كذا دواء موضوعي..لكن بعد فتره اسبوعين رجعت الفطريات...في نفس المكان و اماكن ثانيه و انصعقت من انعكاس الضوء على جسم القطو انه الفطريات منتشره على ويهه وايده و ريوله بس مافي احمرار

ورحت عند بيطري ثاني و وصف لي دواء سائل ينعطى بالفم اسمه irtrafugal والحمدلله في اقل من اسبوع اختفت الفطريات بالكامل لكن بعدني في بداية العلاج و قال لي استمري لمدة شهرين اسبوع و ترك..

لانه الفطريات تعلق في الشعر و تبقى خامله حتى تحت الجلد الدم و ترجع بعدين..

انصحك بهالدواء

وبالتوفيق

آنـــــو · 13-05-2009, 02:42 PM

أيه كثير يمدحون شامبو فافو ويقولون أفضل من نيزورال

التحميم المستمر بالشامبو يجيب نتائج سريعه وحلو لأنه ينظف الجسم من الفطريات والقشور

ومرهم كانستين برضو جربته وحلوه نتائجه

يسلمووو على المشاركه ..

sisi_moon · 13-05-2009, 03:16 PM

اول مره اسمع عنه فافوو

يبي لي استخدمـه

يعطيك ربي العااااااااافيه اخوي

والله يشفي قطوتك ..

تسلم

يوضــاف للفهرس في تقسم تجارب الاعضـاء مع قططهم

قطة الأحلام · 13-05-2009, 03:22 PM

تجربة حلوة

أخي

لكن بغيت أسألك كم سؤال

هل هذه الأدوية ممكن احصلها في السعودية

و كم سعرها؟

والله يشافي قططنا

::مياو::

lady_cat · 13-05-2009, 05:16 PM

مشكور اخوي ع المعلومات المفيدة

M 7 M 7 · 13-05-2009, 11:15 PM

الله يعطيك العافية على الردود الحلوة

قطة الأحلام :: اختي موجود هذا العلاج بالصيدلية الظاهر سعرها مايتعدى 30 ريال

قطة الأحلام · 13-05-2009, 11:16 PM

أخي جزاك الله خير
طيب استخدم الكريم والشامبو ولا بس الشامبو
مياو

كوتى1 · 14-05-2009, 01:55 AM

مشكور على تجربتك ففعلا الشامبو ده ممتاز انا جبته للفطريات واستعملت معاه من موضوع اخت هنا بالمنتدى دوا اقراص وكريم اسمه ليميسيل مش فاكره الاسم بالظبط والدوا الاقراص لقيت بديله اسمه لاميفين
وبقيت بعطيها ربع قرص يوميا وبحط صبغة يود وبعدها الكريم او المرهم وبحميها بالشامبو 3 مرات بالاسبوع
وفعلا الفطريات وقفت يعنى لم تنتشر تانى يعنى فى الاول كانت كل شويه تظهر فى مكان لكن دوقتى لا الحمد لله ومازلت مستمره عالدوا لحد ما يتم العلاج شهر عشان ميرجعش ذى ما قال الزميل

! هاويه الطيور ! · 14-05-2009, 10:42 AM

[ شي حلو لما يكون هناك تجربه ناجحه وحتى تفيدنا اكثر ]

[ يعطيك العافيه يارب ]