ممكن مساعده

[vresea]

هاي
بنت عمي شترت بسه وتزنن مساء الله عليها
بس مدري احسه مو نظيفه
وفي بطنه مكان شعرو خفيييف
انا قلت يمكن فطريات
وعنده اسهال
ابغاكم تساعدوني عشان هي ماتعرف شي

[sisi_moon]

هلا والله

مبروووك عليكم القطوه

امم اذا انتوا حاسينها مو نظيفه حمموها بشامبو خاص بالقطط بس انتبهوا يصيب الماي راسها

وعقب نشفوها بفوط .. وخلوها لين تنشف تمام ومشطوها وبتصير وولا احلى

وبخصوص الشعر الخفيف في بطنها .. لااا مو شرط فطريات

كثير من القطط خاصه الي شعرهم اساسا مو كثييف وهم لسا بعمر صغير يصير عند البطن الشعر خفيييف

اما لو فيه قشور او نتوءات سوده او بنيه او احمرار واااضح وتساقط بأماكن معينه .. ذيك الساعه تعتبر فطريات

و بخصوص الاسهال

لازم اول تعرفون من وين جاها الاسهال

هل المكان بارررد كثير كثير عليها ؟

او تعطونها حليب او معلبات او تونه ؟؟

المهم انتوا شوفوا السبب إيش وتفادوه

وفيه دواء اسمه كابتين هو للأطفال بس روعه لاسهال القطط

يعطى للقطط مررتين .. بجرعه نص ملم تقريبا .. لمده خمس ايام

وبالتوفيق يارب

ولو عندكم اي استفسار ثاني تفضــلوا ..

[vresea]

شكرا قلبي ماتقصري امم انا حشوف بس مو راضي ياكل دراي فود

[Luis]

عادي اختي..

انا قطوتي ماكانت تاكله..

وخليته قدامها لمن جاعت..

و بعدها انهبلت عليه..صارت

تاكله بالكميات اسم الله عليها

فأنتو خلوه قدامها ساعات..وهي بتجي

لحالها وبتاكله..

[sisi_moon]

زي ماقالج لويس

بس في البدايه

لانه توه جديد عالبيت .. اغلب القطط لما تكون لساتها جديده عالبيت ماتاكل وولا تلعب وولا تروح للحمام

لين ياخذ عالبيت وتشوفينه يااكل

وبعد جربوا معه الدجاج المسلوق مع الخضار .. مره حلوه هالاكله ومفيييييده لهم ..

[أبيــ قطـوـوهـ ..^^]

..

عطيهـ بطآطس مسلوق .. وكثروآ من الخضروآت اللي تفيدهـ ..^^
والدرآي فوود خليهـ عندهـ شووي ومع الوقت بيآكل .. لإن مثل مآقآلوآ لكـ جديد ع البيت وبيستنكر المكآن .. فــ إصبروآ عليهـ شووي .. ويطلع زي العسسل ..^^

وحطوآ لهـ مويهـ وحليب يمكن يشربهــم .. ولاتلآحقونهـ .. ولآغصب تلعبون معهـ .. كذآ بيخآف منــكم .. وبقوهـ بعد ..^^

اللهـ يخليهـ لكووم .. ونبغىـآ نشوف صوورتهـ ..!! ^^

سلآلآموو

[vresea]

شكرا لكم جميعا بس هو ياكل تونه معلبه خاصه بلافال وحليب

[sisi_moon]

تونه وحليب وماتبون يجيه اسهال .!.!

الاثنين يسببون اسهال ..

التونه اقطعوووها لاتعطونه منه

والحليب اعطوه بس كل فتره يعني مره بالاسبوع بس لو حبيتوا ويكون قليل الدسم ومخفف بمااي بعد

بس هو كم عمره بالضبط ؟

[آنـــــو]

ماشاءالله ماقصروا الأخوان ..

التونه تسبب أسهال أقطعوها ،، والحليب أذا هو عمره فوق الشهرين

مايحتاجه وغير ضروري ..

ولو حبيتوا أعطوه جبنه أو زبادي قليل الدسم ..

أعطوه لدجاج مسلوق مع بطاط أو رز مفيددين للأسهال

وشوفوا الأسهال كيف بيروح لأنه من نوعية الأكل

يعني أن شاءالله بسيطه ..