<<". ديوانية القطاوة ".>>

[قطو_Q8te]

اول شيـ


دومنيك
وين كل هالغيبه ... عسى خير
وماشالله دومنيك طالع ايننـ .. ومثل حالتي تليفوني 24 ساعه معاي بس القط صور لوولـ
ويبيلهـ حنان دشتي

-
كاتي انتي بعد وين كل هالغيبهـ .. مكانج برز والقسم مفتقد نشاطجـ ..
احنا بانتظارج بعد العيد OK
ولووول فطريه كيوت بالبخنق وعقبال القرقيعان الثاني لي ولج وللكلـ
وماشالله سحتوته اتينن اول مره اعرف انه عندج قطوه بيضه بعيون زرق؟
بس هاللون من العيون الحيل فاتح تتميز القطط بعدم السمع .. قطوتج تسمع؟!

-

عمري وكلشي سوسي

[CaTTy]

لووووووول قطوو كويتي

اول شي كل عام وانتوا بخير وعيدكم مبارك

انا انشغلت حيل بالدراسه وبرمضان بس احاول كل مالقى وقت اني امر


وبالنسبه لسحتوته انا حاطه صورتها بالصفحات الاولى من هالموضوع اول ما شريتها

بس يمكن هالصوره طلعت اوضح عشان الاضاءه .. كان الصبح وقتها


اهي تسمع ولو اني اول ماشريتها نسيت انه العيون الزرقا الفاتحه 90% مايسمعون بس الحمدلله طلعت تسمع

بس عيبها انها خوافه حيل وماتحب الازعاج


___________


والله يخليلك سوسي عندي انه اهو احلى قطاوتك

[Dominique]

باااااااااااااااااااااااااااااك

كان في خلل فني في توقيت نومي أولا...

وثانيا وللأسف... احترق اللاب توب مالي .. فأبوي موديه يصلحه أو أشتري غيره بس آنه شابكة من Pc أختي حاليا.. وثالثا وهو الأهم إنه

رمضاااااااااااااااااااان

وكله خمول وبلعة وزوارات وتوجيبات.. بس كل ما حصلت فرصة يا أرد على أحد يا أنزل شي عن هالأثول اللي عندي ..

واليوم كان ختامها مسك مع سمو الأمير دومينيك :

كسر المراية مالتي

تخيلوا مراية بطول الباب بس مو مثبتتها بشي.. مسندتها على الطوفة لين ما تخلص قاعدتها من عند النجار .. قام الأخ ونط على ظله في المراية وكسرها وانحاش بعد الخبل فزيت من نومي مخترعة ، ولا الأخ عامل عملته ومنحاش نازل ومنخش بالديوانية ومشتح أذونه أمي زفته جان ينثبر مكانه عارف انه مسوي بلوة بس والله وقف قلبي عبالي صار فيه شي .. بس يالله فدوة لراسه يأبرني




كل عام وانتوا بخير ...

[MrLiOn]

ما شاء الله قطاوتكم تهبل .. وسحتوته في هالصووورة قمر



ما شاء الله تبارك الله .. أنا أقول تستاهل سموكي
ولا إيييه يا مزعج

يالله هذي قطوتي وأم عيالي اللي ودعتني للأبد



اسمها لولي .. الله يعوضني عنها .. معني عجزت أنساها .

[pets lover]

كيف الحال

كل قطاوتكم حلوة

وجاء دوري

قطي اسمه :ماكس

العمر:شهرين

الجنس:ذكر

[مجنونها]

هلا والله

هذي صورة قطوتي كوووتي







يااحبنيلها بس

[المسافر]

بسم الله ماشاء الله

[CaTTy]

دومنيك << المرايه تتعوض بس اهو ماراح يتعوض ... يالله تفداه

مستر ليون << لا هذي تبي تصير عانس لوووول سموكي خطيبته موجوده

مجنونها & بتز لوفر << الله يخليلكم حبايبكم وكوتي شكلها يونس تشبه فطريه

[قطقوطه]

ياهلا ياهلا ادري اني متاخره عن ديوانيتكم بس شنسوي عاد
المهم بسرعه ياقطو نبي القهوه ولا تنسى الحلى لو سمحت

عموما بنزل صوره عبوده واحد من قطاوتي
عمره بيدخل بال9 شهور قريب
امه توتا (رمادي وابيض) وابوه شمشون(مشمشي) <<والنعم والله
وهو كان اول من انولد من عيال توتا
مع انه قبيح ومرقع بس خفه دمه حببت كل البيت فيه
اهم شي بعبوده ان كل رجل من جوله لون رجل رمادي ورجل مشمشي ورجل بيضا ورجل مشكله ابيض ورمادي ومشمشي
واتركم مع الصور

لاتنسون تذكرون الله

هنا عبوده وهو صغنون


وهنا وتوه صاحي من النوم


وهذا هنا بمكانه المفضل

]

[قطقوطه]

ملاحظه:
وصلتني رسائل خاصه تقول ان عبوده هذا لي او لللبوه وحابه اوضح لهم ان اللبوه تصير اختي وهي اللي تعتني بعبوده