طائر غريب اول مرة اشوفة في الرياض

[.: الأسيف :.]

اليوم الظهر شفت في حديقة بيتي طائر غريب كانه بطريق

لما قربت منه مد رقبته

وبدا يهز راسه فوق وتحت

كانه يبغا يخوفني

قربت منه مره وما هرب

اصدته وحطيته بقفص

ما طلع ولا صوت وما حاول يهجم إلا مرة واحدة

شكله كان مهاجر بالعاصفة الرملية امس وانفصل عن سربه

حطيتله مويه وشريحة توست وما اكل شي

والطير لون ظهره اسود وبطنه ورقبته ذهبيتين

اترككم مع الفيديو

http://www.youtube.com/watch?v=j0I-5...e=channel_page

http://www.youtube.com/watch?v=ET-pb...e=channel_page

http://www.youtube.com/watch?v=gduSf...e=channel_page

وياليت احد يعلمني عن نوعه

[رعوود]

اخوي .: الأسيف :.

سبحان الله

بالفعل طائر غريب

وغالبا انه مثل ما قلت انفصل عن سربه

وهو طائر مهاجر

ومن طريقة مشية وشكلة الكلي

اعتقد والله اعلم انه طائر مائي

يعيش بالقرب من المستنقعات والمياه

مثل الفلمنغور وابو ملعقة

والله اعلم

[MR.MAJED]

مثل ما قلت اتوقع انه طائر مهاجر ...

بس انا اتوقع انه مريض !! لانه ما طار يوم قربت منه .!

بس نصيحتي لك , تفحصه عند طبيب بيطري . او تبيعه في سوق الحمام !! لاني ما اتوقع انه بيعيش معك ,,

&* تحياتي *&

[.: الأسيف :.]

انا اطلقته بعد ساعه

خفت يصيرله شي

[MR.MAJED]

لا ياخوي ..

يمكن يجيه قطو !!

[! هاويه الطيور !]

[ بإختصار شديد هذا الطير مهاجر وثآنيا طائر مائي يعيش في المستنقعات ]


[ اظن مرهق او مصاب من العاصفه الرمليه ]


[ والتغذيه هالطائر على الضفادع والاسماك والحشرات الماء ]


[ وهو قريب من عائله الطيور الطائر الحزين نفسه لكن باختلاف الحجم واللون وهذي صوره الطائر الحزين ]





[ حاول تحطه في احدى المستنقعات لاتتركه لانها لقطط تاكله ]

[سندباد]

ما في شك انه طائر مهاجر

لكن انتبه لا يكون مصاب الانفلونزا

[رعوود]

اخوي

دورت كثير بموسوعات الطيور

وكل الي عرفته

وغالبا انه ينتمى لعائلة

طيور الـ Heron

لان الشبه بينهم جدا كبير

حتى مرات شفت صور وحسبالي نفسه

لكن يختلف بسيط باللون والا حاجه ثانيه

ونصيحتي لك لو لسا موجود الطير وما تبي تحتفظ فيه

وديه حق حديقة حيوان الرياض

وسلمهم اهو قولهم حصلته طايح بعد العاصفة الرملية

واهم راح يتعاملو معاه

وبالتوفيق

[.: الأسيف :.]

شكرا لكم اخواني على تفاعلكم معي

ان شاء الله ابوديه لحديقة الحيوان

واستفسر عن نوعه

[كاسكـــو]

طيرك اسمه المالك الحزين وهو مهاجر

انا بحياتي صادفت هذا الطائر مرتين ومسكته

سبحان الله اذا وقع على الارض ماعاد يطير مدري ليش

ويأكل اسماك صغيره يعني مكلف بعض الشي اذا ربيته لازم تجيب له سمك صغير

وهذي صورته في طبيعته