متى يطلع ريش الببغاء

[شبزي]

السلام عليكم
ندخل في الموضوع مباشره
قبل شهرين شريت ببغاء وبعد يوم قصيت ريشه عند محل في الرياض عند دكتور سوداني
وانا قبل ما أروح الى الدكتور قرايت عن قص الجناح في المنتدى وعرفت انك لازم تقص ثلاث الى خمس ريش الاولى فقط؟؟؟
ويوم رحت الى الدكتور الله يهديه قص كل الريش ؟؟؟؟؟
ودي استفسر كم يبغاله شهر ويرجع زي اول ؟؟؟؟؟؟

[كاسكـــو]

اذا مقصوص بمقص لا مايطلع ابد

لازم تنتف الريش المقصوص عشان يطلع

[شبزي]

حياك الله ياكاسكو
هو مقصوص بمقص
اكيد ماراح يطلع ابد؟؟؟؟ الصراحه خوفتني لان الدكتور قال سته اشهر؟؟؟؟؟كلامه صحيح

[درتي الجميله]

انتف المقصوص يطلع

[زياد محمد]

اذ1 الطير والف عليك تمام .. ممكن تنتفه آنت لكن نصَيحة لاتنتفه انت يمكن يتغير عليك الطير >>>> وده للي تفلسف وخله ينتفه بفلسفة ههههههه

[كاجو]

والله ياخوي يوم قريت موضوعك كني شايف السوداني قدامي

لانه فيه دكتور سوداني خرب لي جنحان ببغاء عندي ..

لاكن أسمع عمر الجناح المقصوص بالمقص مايرجع ويطول..

الريش مو مثل الشعر لما تقصه يطول بعد فتره الريش مختلف

وعلشان ترجع جنحانه مثل أول وأحسن لازم تنتف الريشه

الي تكون مقصوصه بالمقص من جذورها وصعب تنتف كل الجناح لاكن

ممكن تسويه على مراحل كل فتره ريشتين أو ثلاث لين يكتمل الجناح

ويرجع مثل أول وما أنصحك أنت تنتفه لازم يكون واحد مختص غيرك علشان

مايحقد عليك الببغاء أو تأذيه بعدم خبرتك..

.

[كاسكـــو]

المشاركة الأصلية كتبت بواسطة شبزي

حياك الله ياكاسكو
هو مقصوص بمقص
اكيد ماراح يطلع ابد؟؟؟؟ الصراحه خوفتني لان الدكتور قال سته اشهر؟؟؟؟؟كلامه صحيح

ايه اكيد ونص ماراح يطلع الريش المقصوص

والسوداني ماعنده سالفه

تبي يطلع من جديد انتف ريشه

[شبزي]

شكرا على مرور الجميع وشكلي ابنتفه على ل

[شبزي]

على مراحل

[CongoGrey]

من قال ان الريش المقصوص بمقص ما يطلع ؟ وليش نتف الريش يخلي الريش يطلع وقصه بمقص ما يخليه يطلع ؟ واذا بدل الببغاء ريشه هل يبدل كل الريش ويبقى الريش اللي تم قصه بالمقص ما يطلع ؟ يا ليت الخبراء يفيدونا .....