عندي كم سؤال

[rock_1001]

سلام عليكم

عطوني كاسيكو هدية وحسب قراتي كم موضوع انه عمره تقريبا 4 الى 6 اشهر حيث انه بؤبؤ العين اسود والله العالم

بس احسه متخلف عن الكاسيكو الي اشوفه

وحبيت اعرف نوعه واذا هالنوع يتكلم او لا و في اي عمر يبدا بتعلم الكلام وهو حاليا يصفر ويطلع اصوات

وهل صحيح يتم تبديل القفص في غرفة مظلمة ؟؟؟

وهذا الصور









واعتذر على عدم وضوح الصور لانه تصوير موبايل وانشاء الله اكون ما ثقلت عليكم بالاسئلة

ومشكورين

[عاشقة الطيور]

وعليكم السلام ورحمة الله وبركاته

مبرووك على الببغاء .. والبؤبؤ مايحدد العمر الي يحدد العمر الي دار مدار البؤبؤ ولعدم وضوح الصور اظن الببغاء عمره في حدود السنه

ونوعه تمنه .. وعن القفص عادي اي وقت وفي الظلمة ممكن يخوفه لانه مايجوف شسوي

واطلع على المواضيع المثبته الخاصه بالرمادي الافريقي

وبالتوفيق

[rock_1001]

مشكوره اختي

[مجنون الامازون]

عزيزي (rock_1001) اهلا وسهلا بيك ..

بالنسبة لاستفساراتك:

- نوعه: تنمة (غيني).
- عمره : من 10 اشهر الى 14 شهر والله اعلم.
- يتكلم: نعم يعتبر من الببغاوات المتكلمة بشكل ممتاز.
- العمر المناسب: يتم تعليمه الكلام من عمر 7 شهور وانت طالع.
- موضوع القفص: ما فهمت ايش قصدك ؟؟

تحياتي

[PrEsIdEnT]

واضح من الصور انه ببغاءغيني


هذا ممتاز لكن يأتي بعد الكاسكيو الافريقي


نفس الكاسكيو تقريبا يحفظ الكلام ويطيع الاوامر وحبوب مع الاطفال اكثر من الكبار

[علي بن عبدالله]

ماقصروا الاخوان ..

لكن بزود عليهم .. يجب تبديل القفص لعدة اسباب ..

اول شي المجاثم قطرها صغيره و " بلاستيك " يجب انت تكون خشب عشان يحك منقاره فيها و مايتعب من الوقوف عليها .. و غير كذا القفص مصدي و الطير دايم يعض القفص فممكن يسبب له تسمم ..

و شي ثاني حط بديل للجرائد مثل اوراق الكمبيوتر لانها تحتوي على لفظ جلاله

[مجنون فلته]

الببغاء غيني 100%100

وبخصوص الجرائد والسوالف

لاتحط له اي ورق في ارضية القفص

لأنه بيلعوزك اذا قام يقصص الورق بمنقاره

صارت عندي هالشغله

والربع ماقصرو كلشي طيب قالوه

وبالتوفيق

[سور الذكريات]

الف مبروك الطير

والله يعطيك خيره

ويكثر خير من اهداك


انا توني شاري واحد مثله بتوجيه من الاخوان وخاصه الاخت عاشقة الطيور

اخوي بالنسبه للنظافه مثل ما اسلفو الاخوان والمجاثم ضروري تغيرهم خشب لاانه ليحي يحك منقاره وينظفه في الخشب

وحاول بعد تبعد عنه المبيدات اللي حوله

واتمنى للجميع الخير والتوفيق

[زياد محمد]

صَحيح مثل مآتفضَلو آخوآني
له ثلآث آسمآء التمنة آظنه العلمي ؟
الكوري بالشرقية يسمونه
الكييني بالغربية يسمونه.
ويتَكلم لآكن مهو مثل الرمآدي الافريقي وبالتوفيق

[naasooh]

المشاركة الأصلية كتبت بواسطة مجنون الامازون

عزيزي (rock_1001) اهلا وسهلا بيك ..

بالنسبة لاستفساراتك:

- نوعه: تنمة (غيني).
- عمره : من 10 اشهر الى 14 شهر والله اعلم.
- يتكلم: نعم يعتبر من الببغاوات المتكلمة بشكل ممتاز.
- العمر المناسب: يتم تعليمه الكلام من عمر 7 شهور وانت طالع.
- موضوع القفص: ما فهمت ايش قصدك ؟؟

تحياتي

ما شاء الله مختصر مفيد رد مجنون الأمزون
وأنا نفس رأيه اما
بالنسبه للظلام
غطي القفص بأي شئ يحتاجه وقت النوم .