مساعدة يااخوان

[ابومحمد10]

السلام عليكم يااخوان
عندي دجاج في الاستراحة وعندي دجاج في السطح ابي اخلطهم مع بعض . ماهو المحلول اللي يعطى لهم وماهي الكمية ؟؟ لان كان لي تجربة سابقة خلطت دجاج جديد مع قديم راحوا فيها وماتوا . على فكرة عندي محلول لونه وردي بودرة . شريته من شهرين او ثلاثة بس مااعرف الكمية اللي اعطيهم لاني نسيت . تحياتي للجميع .

[عبدالله البراهيم]

بالنسبه للادويه استاذي الافضل استشارة طبيب بيطري وهو يفيدك باذن الله

[عقيد الحباحب]

اخوي تعطيهم الي في السطح والي في الاستراحه قبل لا تخلطهم دواء اسمنه تترسايلين ملعقة شا هي صغيره ل4لتر لمدة سبووع يذاب في الماء
اتمنا اني افدتك

[Badri]

هلا اخوي بو محمد
المحلول اللي عندك ريحته مثل القرفة؟ صحيح ما يضر انك تعطيهم لمدة 3 أيام
و لكن ان بغيت تخلط الأفضل تبدأ بالتحصين
أول شئ تشتري تيرامايسن بودرة و تعطيهم ليوم واحد و الكمية تقدر تسال راعي المحل
و تقطع عنهم لمدة يوم و اليوم الثالث تبدأ بدواء ضد النيو كاسل و انتبه لأن الدواء قوي و هو سائل
و الزجاجة تكفي الف طير و تناولهم عن طريق خلط الزجاجة اولا بماء معدني و ليس مياه اللولب او الآبار في نصف ليتر ماء و من ثم تخلطه بمياه معدنية بالنسبة لكمية الماء اتبع الارشادات
و هذا الدواء مصل ضد النيو كاسل بمجرد لمس منقار الطير للماء يأخذ التحصين و يجب كمية قليلة من الخلطة في وعاء الماء حتى تتمكن الدجاج من شرب كامل الدواء و من الأحسن ان تطعم الدجاج أولا و تجعلها تعطش و وضع الماء من بعد الأكل.
و تحياتي لك