ممكن المساعدة من اهل البحرين

[عاشق بروت فيش]

السلام عليكم ........................................................................................

انا كنت ناوي اشتري هامستر بس ريفيجي قالي انا الهامستر صعب تربيتة و انا كنت مبرز له مكان و شاريله قفص وحاط فيه ماي وكل شي يحتاجه الهمستر

وانا من جم يوم قلت يلا خل ناخذه ولي بصير صير .... عاد عقب مادشيت المحل الي في جد علي عرش الطيور سألته الهندي قال في واحد داخل رحت السيارة ويبت بيزات من بوكي و كنت ناوي اشتريه ولا الهندي قالي خلاص ما في همستر اقول رجال ايجي اخذه احين .........


ممكن اقولون لي وين صير محل عزام وكم رقم تلفون المحل ..................
انا ناوي اخذ روسي قزم جوز عند حمل انثى لاز نفصل ذكر عنه ولا نخيل معاهه و بعد صغار من اطعمهم انثى او انا

اتمنى تردون على مضوعي اكون شاكر لكم سامحوني ثقلت عليكم وايد

مع سلامة

[Bahrain2day]

لا تاخذ من عزام

كلهم امرضا ومايعجبونك

اصبر باشوف لك مكان زين خلال ايام او احد من الشباب وبارد عليك

[بو راشد]

السلام عليكم ..

حيا الله اهل ديرتي .. لو عن جلاب ساعدتك ازيد

الشيخ تحصل هامسترز زينين في محل في الرفاع عند بوكواره .. ورا صوب مشتان على الشارع

[بحريني رومنسي]

والله مادري ابروحي صارلي فتره ادور وبعدين تمللت كنسلت الهامستر
تميت افكر في جلب و شرياس

والله يعطيك الف عافيه والاخوان ماقصرو وتحياتي العنيفه لكم وسلملمــــــــــــ،،،

[misca]

انا مو من البحرين بس اذا حملت الانثى افصلها عن الذكر وعن الصغار هي راح توكلهم الين ما تفطمهم وبعدين راح تبدى بضربهم ولازم تبعدهم عنها واتركها ترتاح يومين وحط معاها الذكر

[Miss lexus girl]

.. أنا قبل جم يوم رحت محل في شارع البديع

سألتها عن الهمسترات قالتلي حالياً مخلصين.. بس تقريبا عقب شهر بيجيبون..

وأنا ألتها عن الأنواع لأني أنا بعد ناوية آخذ روسي قزم،، وقالتلي موجودين

وحدود 5 - 6 دنانير الواحد

وبعد هامحل عندهم أدوات وأغراض همستر رووعة

والأقفاص بلاستيكية عجيبة صراحة... وأسعارها حلووة وأحجام الأقفاص مختلفة بعد

المحل يصير في شارع البديع.. على اليمين

عند العجينة الذهبية مبشارة

إسمه حديقة الأسماك..

وإذا تبي أخووي رقم المحل تراه عندي.. أخذته علشان أتصل إذا وصلت الهمسترات أو لا ^_^ ..

[ولد_البحرين]

هلا اخوي ارجع عرش الطيور توني قبل 5 ايام بايع عليه 5 همسترات روسية من انتاجي الخاص وباع منهم اثنين وبقوا ثلاثة الحق عليهم او تقدر تنتظر لانه بنزل 6 همسترات للبيع تقريبا بعد شهر ،،

[قلب للبيع]

على العكس... للي في عزام مو كلهم مرضه

في منهم الزين وفي منهم الشين

بس انت تقدر تتأكد اذا كان الهمستر مريض او صاحي من عينه اذا كانت تلمع

ومن خشمه اذا كان وردي وجاف ونظيف.. ومن الفرو او الشعر او اللي يسمونه .. ان مايكون منتوف وغيره

وعن الولادة .. تقدر تخلي النثية مع الذكر لان الروسي يساعدون بعض في بناء العش.. والام هي اللي تأكل العيال..

واذا ماتبي تاخذ من عزام.. في في مجمع الدانه بس الواحد بـ 5 دينار..
ومثل ماقالوا اللي قبلي.. في عرش الطيور.. انا اول امس رحت وجفت..
وفي محل في سوق واقف .. مكان اللي يبيعون سمج وهالخرابيط..

[Miss lexus girl]

.. أنا بسأل الحين ^_^

ممكن تقولون لي عرش الطيور يصير في وين؟؟

والروسي القزم بكم تقريباً؟؟ في فرق ايد؟

وعنده أقفاص بلاستيك وأغراض؟؟ ..

[Mr. MeMo]

اخواني و خواتي البحرينين

انا كنت في البحرين قبل كم يوم و شفت همسترات روسيه و سوريه
في محل خلف مجمع الدانه اسمه الحيوانات المنزليه

حبيت اني اعطيكم خبر و اسف علي المداخله