قطي منحرف سلوكياً!! ...فما العلاج

[زائر رقم]

أخواني/أخواتي سؤال غاية في الأهمية..

قطوي (ملهاص) و هو هجين (أمريكي/شيرازي) عنده إشكالية قذرة.. و اعتذر و الله من ذكرها.

يقوم بشم الجهاز التناسلي لقطة من الشارع ويقوم بالتزاوج معها ..

وصرت أراه -بعد ما تعرف عليها- ساحب علي و تافل على أبو وجهي..

و ما يبغى ينام بالغرفة زي أول..

صار عنده كبرياء و أنفة.. ومصلحجي بالدرجة الأولى (الحنية و الحبحبة وقت الجوع ومتى ما شبع قضب الباب )..

إضافة إلى اعتداءه على قطة أخرى صغيرة تبلغ من العمر 6 اشهر..

و اعتداءه السافر على أخرى عرجاء أيضاً!!

هل ستستمر هذه الأنفة و الكبرياء و تتطور إلى الهروب الكبير في ظل الابتزاز الذي يُمارس عليه من قِبل قطة الشوارع و الاعتداءات التي يقوم بها على القطط الأخرى !

وهل من أمراض جنسية قد تصيبه بسبب الاتصال من قطط الشوارع ؟

شكراً

[OUT]

يبغى يتزوج

وكثر الخروج من البيت بتعوده على عدم الرجعه

وممكن يصيب بمرض اذا تزاوج مع قطه شوارع

[زائر رقم]

طيب يا أخواني عطوني وجه..
ما أبي أخسره وش أسوي له علشان لا يفلت!!!

[زائر رقم]

يعني كيف أقصره و أجبسه. صار رجال!

[OUT]

واذا رجال يعني

عادي كان عندي ذكر كبير وبالبيت متعود لايخرج ولا شي

عوده على جلسه البيت

باب البيت مقفل ويتعود

[آنـــــو]

::

آخوي لاتطلعه برا بكذا يكون معرض للهرب ولـ آمراض كثيرره داخليه وخارجيه

وآنا بعد عندي ذكر وموفرتله إناث وماآطلعه آبداً برا ولا آخليه يختلط بقطط شوارع علشان ماينقلون له آمراض كثيره

وحتى مايتعود على الطلعه ويقلق لي حياتي ..

::

[اخت امل]

انا اقول ملة الا تسويلة عملية تعقيم شوف
كيف يصير بعدها راح يتادب ادب وبتشوف

[U know]

بكل بساطه يا حبيبي لا تطلعه
انت اللي لك الحكم عليه مو العكس
بس لازم توفر له اناث نظيفه بالبيت وش رايك تعرضه للتلقيح و الشخص اللي يبي يلقح قطوته يجيبها لقطوك وبكذا تنحل المشكله اول شئ مايطلع ثاني شئ يتزوج قطط بيوت واثق من سلامتها
اما انك تخليه يطلع برا ليه بايعه ؟ ممكن تصدمه سياره وتخسره بلمحة بصر ياكثر الورعان اللي معم سيارات او تجيه امراض وتعال عاد وش تعالج وش تخلي لأن قطط الشوارع ماتقدر تتنبأ بالبلاوي اللي فيها كل شوي بيطلع لك مصيبه
هذا رايي لك