سااعدوووني في الرمادي :( .. والله خايفه عليه

[اتعبني غلاه]

السلام عليكم ورحمة الله وبركاته

اخواني الاعضاء


عندي مشكله


انا قبل امس وديت ببغائي الغيني لمحل طيور عشان يقص اظافيرو ومنقارو ويروشو وكلو


المهم كان موعد الاستلام امس

رحت عندو المحل واللي قهرني لقييييييت ببغائي مبلول ((لسى مانشف بعد الترويش -- مبلول يعني فيلو موويه--))


انا مرررررا زعللللللللللت بس ماما ماخلتنيي اهرج قالتلي خدي بغبغانك بدون ولا كلمه وامشي

اضطريت اخدو وانا خلاص بنفجر ..


بس وجبتو البيت وانا خايفه ومن كتر خوفي وربي لحفتو ببطانيتي الخاصه



وكان مبلول ولا اللي يقهر قلك قلك مرويشينو و حاطين شي على اظافيرو ورجولو


شي ريحتو معفففففففففنه قلت معليش


شوفتو من والى الطير سليم ماعدا جرح بسيط جنب عينو ..


يعني كلو تمام والاظافير مقصوصه


بس منقارو كمااااااااان مقصوص بزييييييييياده .. الى حد اني احط اصباعي جوت فمو مايقدر يعمل شي


عضتو ماحس فيها ولا اكل شي من امس


والقفص كانو مغسلينو والاطباق قالبينها


مادولو لاكل ولا مويه

وشوفت منقارو وخشمو مافي اشياء منها دا الشي طمني


بس عندو اسهال .. وماأكل اكلو

بس انا اليوم قعدت احط عسل ف اصباعي واديلو غصب ..


وجلس ياكل مني ....


حتى الحب حقو اديتو هو اكل حبتين ووقف بس لازم انا اقشرلو ..


وبس حابه اعرف


ايش اعمل مع الاسهال؟؟؟؟؟؟؟؟


وايش اعمل مع منقارو .... ابغا بس ع الاقل ياكل انا رااضيه يكون شرس ويعض بس يااكل على الاقل .......؟؟؟؟؟؟


وتالتن ايش الشي اللي يحطوه دول اللي يقصو الاظافير بعد مايخلصو

لانو حاجا ريحتها معفنه وكانها زيت

والطير يحاول ينظف رجولو مو قاادر يمكن مضايق من الريحه.

وبس

اتمنى تساعدوني .. وماتطنشوني

[مجنون فلته]

السلام عليكم

باين على المحل الي وديتي لهم الطير معذبينهم

روشي ارجل الطير

وخليه يرتاح على الأقل 10 ساعات وان شاء الله يرجع مثل قبل

وحطي له الأكل الي يحبه

وبالتوفيق ان شاء الله

[اتعبني غلاه]

وعليكم السلام

شكرن خيو لمرورك


وطيري اليف صح بس رجولو المكان الوحيد اللي ماقدر اوصلو


فما اقدر اروشو ابدن ولا امسحها ........


والاكل ماكل الا يمكن حبتين تلاته من الحب

حاولت اديه خضار وفواكه رفض

واديتو شوية عسل عشان ينشطو


باصباعيي دخلتو غصب ففمو ..


بس انا طيري يحب الصفير


يصفر ماشاء الله في اي مكان حتى لو غريب


بس من امس لليوم ماسمعتو يقول شي بس يجعر على اخواني


وبس يرمي نفسو فحضني ويتخبى فملابسي كانو احد يجري وراه .....


مني عارفا ايش الحكايه .....


بليز ساعدوني

[د. إحتـراف]

بسم الله الرحمن الرحيم

السلام عليكم

اختي العزيزه انصحك اولا ان يرتاح الطير اقل شي 12 ساعه

عشان يروح التوتر ويرتاح شوي

ثانيا الاكل حطي له فواكه او الاكل الي يحبه من الفواكه والخضار عشان منقاره لسه مبرود

هاتي لك رشاش حق المويه حطي فيه مويه وشوي صابون { لا تكثررين كم نقطه }

ورشي على رجول الطير ويكون معاك فرشه او اي شي يصلح انك تفركين رجول الطير بس بدون مايعوره

بالنسبه للاسهال الله يستر لا يكون المحل حطوه في مكان وانتقلت العدوى له

وخلي الطير في حضنك اهو عندك يحس بالامان ويمكن عملو في الطير شي

لا تطور حاله الطير وتوصل نتف لريش ومثل ماقلت لك العبي معاك وكثري له الالعاب اشغلي ويومه كله لا يتخلينه يتذكر الي صار له تكلمي معاه وخلي يصفر

ان شاءالله تعدي هالمررحله على خير واسف لاطاله

تقبلي مروري

[اتعبني غلاه]

يمكن صفر مرا ومرتين بس


خلال اليومين دي لانو انا معاه 24 ساعه ماعاد وقت المدرسه


بس ماخلاني ارش عليه بالمويه لما بدأت سار يصرخ بطريقه مو طبيعيه انا انفجعت

لانو كان يعشق المويه ويعشق الترويش


وايمن العب معاه


هو عشقو يكسر المراسم والتلاوين لانها خشب

واديلو هي راافضها .......


بس نتف ريشتين وكل ماشوفتو شلتو وماخليتو ف حالو


بس الين دحين بقي القرف اللي ف رجلو مو راضي يخليني حتى ابخللللللللو

[د. إحتـراف]

يا أختي العزيز هذا معناه ان الطير حالته النفسيه في الحضيض

واهم شي انك اخذتي درس من الي صار ماتودينه مره ثانيه لاي مكان انتي ابردي اظافره وانتهينا

الان طيرك يبغا عنايه فائقه لازم ماتتركينه لوحده ولو تلاحظين في كلامي السابق قلت لك لو زادت حالته النفسيه راح يبدا في نتف الريش

انتي ابدي في اللعب معاه اذا شفتي انه رافض العب اتركيه نص ساعه وارجعي حاولي معاه مره مرتين وراح يبدا في العب معاك

انسي هالايام انك تغسلين رجول الطير حتى يهدأ كل الي تسوينه تحاولين تنسينه الي صار له بأي طريقه

لان لو حاولتي تغسلينها وهو رافض راح تزود حالته النفسيه

ركزي على طيرك اكثر واكثر

تقبلي مروري

[اتعبني غلاه]

طيب مرا شكرن على المساعده وراح انفذ اللي قلتو ........




وراح ارجع للموضوع ان شاء الله لما يتحسن طيري ......



شكرن مرا تانيه لكم الاتنين..

[اتعبني غلاه]

وانا ماسويتها بنفسي لاني خفت يكرهني ولا يزعل مني


وانا مابغاه كدا


هادا السبب الي خلاني اوديه لمحل

[كوالا]

ان شاء الله يرجع زي اول واحسن

انا ببغائي اذا بوديه للمحل يبردو اضافره ولا شي زي كذا اكون واقف فوق روسهم واقولهم من هنا ومن هنا وبشويش عليه

يعني ما اسيبه لحاله معاهم

اذا بتوديه مره ثانيه خليكي واقفه معاه

وان شاء الله تتحسن حالته ويرجع زي اول واحسن وتشوفيه يتكلم كمان