الكاسكو مجنني ما يبي يتعلم الكلام

[nawaf686]

السلام عليكم

والله يا ناس الكاسكو حقي مو راضي يتعلم الكلام كل ما اجي اجلس احاول اردد الكلمه عليه

يمشي ويخلني او يلف ويطنشني واذا جلست ما لي منه اجلس اعيد في الكلمه حتى لو مطنشني

يقوم ينزل ولا يرمي نفسه من الستاند ويخلني ويروح

عمره 7- 9 شهور الف يرفا على اليد وما يعض ولا شي وش الحل معاه انا يقهرني اذا رما نفسه
تحسه يقول وش ذا النشبه هههه

[د. إحتـراف]

بسم الله الرحمن الرحيم

اخي العزيز يكمن يكون فيه غلط في التلقين او يكون الغلط في اختيار الوقت في التلقين

اولا التلقين يكون بصوت عالي وبشكل واضح تردد الكلمه 5 مرات وتسكت ربع ساعه وتردها له مره ثانيه

ثانيا اختيار الوقت اما ان يكون الصباح وهذا الوقت الانسب لطيور في التعليم اما التدريب او الكلام

او قبل صلاه المغرب لنه بعدها يكون الطير في حاله نعاس وصعب انه يتعلم

أسال الله لك التوفيق

تقبل مروري

[nawaf686]

مشكور اخوي وما قصرت الله يعطيك العافيه انشاء الله ابجرب ماه اليوم المغرب
ونشوف يبي يطنشني ولا لا

[روجيادا]

توتو عسل ^^ اتخيله وهو يرمي نفسه من الستاند
موفق اخوي

[عش الببغاء]

لا تبدأ بل الكلمات على طول.... لا ابدأ تدريجياً اولاً التصفير .... ثانياً الكلمات ذات المد من 3 حروف ..... ثالثاً الكلمات او الاسماء ( بدون مد او بمد ).... رابعاً الكلمات الطويلةاو حتى الاسماء .....خامساً لاناشي أو سور قصيرة أو جزع من اغنية

وارجو اني افدتك

تحياتي

[in my dream]

فية اشرطه تباع تعليم كلام مدري تنفع ولالا بصراحة ماجربتها

[جداااوي]

اخوي هيئ الجو المناسب للتعليم ولا تخلي عندك اي شي ملفت لنظر الطير ويلهيه عنك
المهم انت كلمه كلمه وكل ما يغفل عنك صفر له او طقطق له
ولازم انو تردد له الكلمه كل شوي وكل يوم وبنفس النبره وزي ما قال دكتور احتراف الله يزجاه خير
اختيار الوقت اما ان يكون الصباح وهذا الوقت الانسب لطيور في التعليم اما التدريب او الكلام
او قبل صلاه المغرب لنه بعدها يكون الطير في حاله نعاس وصعب انه يتعلم

الله يوفقك

[mr . bahman]

التلقين لاااااااازم يكون في القفص عشان يركز معاك الطير

وفي طريقة أنا جربتها وجابت نتيجة
انك تغطي القفص قبل التلقين بعشرة دقايق
وبعدين تكشفه من الجهة الأمامية فقط وتبدأ تلقنه الكلمات

هذي الطريقة تنفع للطير اللي ما يركز
بس لازم يكون الطير متعود على الغطا عشان ما يخاف منه وما يركز معاك

[nawaf686]

مشكورين وما قصرتو والله يعطيكم الف عافيه
وانشاء الله عاد يركز هو كان يركز اول وحتى عيونه كانت تصغر وتكبر وانا اكلمه بعدها صار يطنشني
انا ما قهرني الى اذا طب من الستاند ههههه