ابروح للبحرين باكر ان شاء الله

[شيروكي]

السلام عليكم ورحمة الله

بكره ان شاء الله تعالى ابروح للبحرين الحبيبه وبمر سوق واقف اشتري لي ببغاء لانه جاي على بالي اجيب صديق لتيمور لنك (ببغائي) لكن ياجماعه الجمارك بيقولون لي شي مع العلم اني بروح مع عايله وان صادوني وش يسوون ؟
اللي يامر شي من هناك لايرده شي حاضر للطيبين

[لوتيه]

احلف انته مصدق عمرك..
بيزخونك و بيشلونه عنك مابيطوفونه حقك
حرام تاخذ و ياخذونه عنك قهر
ماعليك امر صورلنا الطيور لي هناك و ياليت بعد لو كل طير و سعره و يوم ترجع بأذن الله حطلنا موضوع روحتك للبحرين

[شيروكي]

لا وشو له احلف
ياما دخلت طيور بس كانت صغيره زيبرا وبادجي احطهم بكرتون صغير واحطهم تحت رجلين الراكب اللي قدام
لكن ببغاء كبير وش السواة فيه

[لوتيه]

والله اذا قد دخلت معاك و مشى الحال
ماتفرق صغير ولا كبير
حتى الكبير حطه في كرتون
و نفس الحركه لي قلت عنها
و ان شاء الله تتيسر الامور و محد ينتبه له
لاكن اذا شافوه لاسمح الله و ان شاء الله مايشوفونه و يطوف
لو شافوه طلعه و خله يطير لا تسلمه حقهم بياخذونه لعياهم أحسن يطير ولا ياخذونه

[الآسطورهـ]

رايي من راي لوتيه ..

اذا كنت مع عايلتك ,, ماعتقد بيفتشون السياره من داخل ,, يمكن يفتحون الشنطه الي ورا بس

ولا تنسى تصور اذا قدرت

[طرطعان]

تــروح و ترجـع بالسلامــه يا رب.ِ

[شيروكي]

الله يسمع منكم ولا ينتبهون

وابشرو بالصور عن سوق واقف بمدينة حمد مع الاسعار

واللي له حاجة لايستحي

[يوفاوي الكويت]

انا مره رفيجي جاب واحد معاه من البحرين للكويت
كل الي سواه ان عطا الكاسكو ابره تخدير عند بيطري وبنجه وحاه بشنطت زوجته ودخل السعوديه ومن صحى الكاسكو حطة في كرتون وبالكويت محد فتشه ودخل الكويت
وهالحركه سواه اكثر من مره

[بندولة حب]

ترجع باالسلامه

والمساله سهله

اشتريلك طير

وخليه مع اهلك لحد ماتعدي الحدود لان اللي معه عائله مايفتشونه

ولو تغطي الطير بقماش يكون افضل لانه مايطلع صوت

وان شاء الله موفق

[lll_o]

و ياريت تنزل تقرير عن السوق هناك

ولا تنسى الاسعار

وسعر الجمله لا تنساه هع