مستر ميمو وبرفيسور تاكو ...المشششورة

[ام محمد]

سلامي للجميع
مستر ميمو وبرفيسور تاكو أبغي المشورة والفزعة بلييييييييييز
بصراحة انا قررت ابيع ببغائي الممل لانه دمه ثقيل ولا يصفر ولا نطق حرف وله شهر عندي واعتقد عمره اكثر من سنه ونص . وكل ما اقدم له اكل يتفله بص ياكل حب شكله بيضاوي ولونه اسود وبيج ( اقصد الحب) واحط له فيتامين في المويه.
جبت له لعب بيلعب ولكن ما اقدر امسح راسه او جسمه يادوب اطراف اصابعه واحيانا كثير يعضني .
واعتقد إني إنغشيت فيه...فبالله عليكم دلوني على السبيل أبيعه يمكن طبعه كذا ما يتكلم ولاااااااااااا اصبر عليه .
ردو علي بسرعة الله يخليكم لماماتكم لاني قررت يوم الخميس ابيعه.

لي موضوع سابق بعنوان بأدعيله من قلبي إللي يجاوبني اطلعو عليه وشوفوا بقية التفاصيل.

[ام محمد]

يا هوووووووووووووووووووووو
14 يدخل ولا احد منكم يرد
والله طلبي مو مقتصر على مستر ميمو وتاكو بس هم إللي اشوف لهم مشاركات كثيرة
بليييييييييييييز جاوبوني ترى الببغاء حق ولدي عمرة 11 سنة .

[cocojude]

الأخت أم محمد نصحنا الأخ فارس مجهول بالصبر و إنشاء الله يثمر معي بالنسبه لكي إذا حاسه نفسك ما راح تهتمي فيه و راح تهمليه حرام تخليه عندك لأن الببغاء حساس جدا ممكن تعرضيه للبيع في أي مكان بيع طيور بس يكون فى علمك إنه راح تخسرى فيه كثير و الحل السليم بدل ما تضيع الفلوس وديه لمدرب طيور إذا فيه في مكه فى جده يوجد محل واحة الحيوان و الله يكون في عونك

[fan]

السلام أم محمد

ياريت تصبري على الببغاء أكثر لأنه يحتاج له صبر علشان تقدري تدربيه

وشهر يعني لسه حاولي معاه أكثر وحاولي انك تجلسي معاه وقت أكثر أنت ومحمد

لاتخليه يتغلب عليكم انتو فوزو عليه.

والله يكون بعونك

[A.j]

يا ام محمد الله يخليلك محمد هذا طير موب شغالة............

انا قلت لك في الموضوع الي قبل الافريقي طير خجووول وبعدين الطير مايولف بعد اسبوع ولا اسبوعين.... انا عندي 15 طير والاليفة منها سبعة بس

بالنسبة للاكل بعض الطيور اذا تعودت على الحبوب تصير تاكل الحبوب وتترك الباقي......انصحك

تحطيله فواكه ابتدي مثلا بالتفاح والموز لان الطيور الي ماتاكل الا حب تستيغ التفاح والموز وبعدين بالتدريج.....
شوفي انا اعطيك طريقة انا جربتها لتوليف الطيور فكي القفص وخليه يطلع ويلعب برا بس تكون الشبابيك مقفلة وشيلي الموية والاكل وخليها جنبك على الارض بحيث انه يكون شايفها.....حيكون خايف في البداية بس بعدين حينزل وياكل قدامك على الارض وهذي بدايه .......بعد كذا اعطية الاكل من يدك حتى لو حاول يعض لا تخافين....لانة لو شلتي يدك بيتعود انه العض هو الطريقه لتخويف الناس.............. وصدقيني راح تندمين انك حاولتي تبيعيه


الا على الطاري بكم راح تبيعية>>>>>>> (نذلللللللل)

طمنينا وش يصير معك

[فارس مجهول]

السلام عليكم
أعتقد أن الأخوان ماقصروا
أختي أم محمد تربية الطيور بشكل عام تحتاج لصبر والببغاوات بشكل خاص أعتقد فترة شهر قليل أنه يتعود الطير عليك وفترة التعود تختلف من طائر لآخر
أعطيه الأكل اللي يحبه من يدك الأغلب هو الفول السوداني اللي لونه بيج وأنشاء الله بيتعود عليك وإطعامه بيدك هو سبب لتحفيزه على السلوك الحسن وأرفعي الببغاء عن الأرض لكي يحس بالأمان والإطمئنان وأنا لأفضل أن تودين الطائر لمدرب الطيور الأفضل أنتي تكوني مدربته الأساسيه
وكثير مانسمع قسوة المدربين على الطيور التي تؤدي إلى نفوقها أما مشكلة التصفير والكلام عندي سؤال هل البائع قال لك أن هذا الببغاء يتكلم وبالنسبه لمشكلة التصفير فهي تختلف من طائر لآخر ممكن تكون أسبوع أوشهر أو عدة أشهر ومع أنشاء الله تطبيقك للخطوات أنشاء الله بتجدين طائر افضل من الصديق أنا صبرت مع طائري سيكو والحمدلله كانت النتائج رائعه
في الأخير اتمنى أنك تتحلي بالصبر وهو أهم شي المثل يقول مابعد الصبر إلا الفرج

أتمنى إني أفدتك وشكرا

[هيبه اسد]

شوفي اكثر الردود تقول لك اصبري لو ماادري مين يجي راح يقول لك اصبري
الببغاء يبغاله اكثر من سنه كيف تقولين شهر واحد!!!!
يعني المسأله وقت وصبر وتحمل..مو اي عضه والله بروح ابيعه؟!او ماتكلم بروح ابيعه؟!! ولا مايصفر
المهم الاخوان قالو لك اصبري عليه وراح تشوفين النتائج بعديين..

(((((((الببغاوات تحتاااااااااااااااااااااااااااااااااااااااااااااااااااااااااااج للصبر)))))))

[تركي .ي.م]

يا أم محمد إن الله مع الصابرين إصبري علية كم إسبوع(3_4 )وراح تحبينة هذه وجهي إذا ما حبيتيه

[TIGER]

أحب اوظح للجميع ان جميع الحيوانات لها شخصيات مختلفه وحتى الطيور فالصبر مو كل شي فيجب الاختيار الجيد عن الشراء للطائر الي يبان عليه ملامح المرح واللعب والتفاعل ويرجع الاختيار للشخص نفسه وملائمه الطائر لرغباته حتى تكون العناية به على الوجه المطلوب وفتره اسبوع كافيه لمعرفه اغلب صفات الحيوانات والطيور وشكرا .

[تاكو]

اهلاً ام محمد
سوف اكتب لك موضوع مستقل ليستفيد الجميع
انتظري ليوم الغد......!
ونحن اسفين لعدم الرد السريع