مهم جدا لجميع اصحاب الطيور!!!

[الحمدلله]

بسم الله الرحمن الرحيم

السلام عليكم ورحمة الله وبركاته

جزاكم الله خير على القيام على مثل هذا المنتدى الطيب الي افدتو فيه الكثير مشاءالله ....اخواني انا ودي اشتري ببغاء متكلم وفعلا راغب اشتري واحد وفلوسي جاهزة لاكن اخواني انا خبرتي فيها شبه معدومة الله يجزاكم خير افيدوني عسى ربي يجعلها في مزآن حسناتكم يارب عندي كم سؤال وارجو منكم الاجابة عليها :

1- مدري وش اشتري وش رأيكم اي نوع يعتبر الافضل من جميع النواحي

2- ناوي اشتري فرخ صغير ايهم اسهل في التدريب والاسرع بالتعلم وكم العمر الانسب يعني الي تعدى مرحلة الخطر يعني اول ماينولد كم ياخذ عشان يقوى ويصير مستعد للتدريب ومعتمد على نفسه وكيف اعرف عمر الطير

3- ايهم الاكثر مقاومة للعاومل الجوية يعني اقل واحد حساسية او اقلهم امراض لاني ناوي احطه بالصالة وتعرفون احيان مكيف واحيان حر وفي تقلب اجواء

4- ايهم الاذكى والاكثر حفظ للكلمات وكم مدت التدريب على الكلام بالعادة

5- ايهم الانسب من ناحية السعر واي احد يعرف اسعار اي ببغاء يفيدنا بالله

6- اي شي تحبون تظيفونه او انا نسيته وتحسونه مهم

ادري طولت عليكم وكثرة والعذر والسموحة لاكن والله جدا محتاج المعلومات تكفون لاتبخلون جزاكم الله كل خير

[الآسطورهـ]

وعليكم السلام ورحمة الله وبركاته

حياك الله اخوي

نصيحتي كبدايه اقرا المواضيع

وشوف الردود إلي تتكلم عن تجارب الاعضاء

1- مدري وش اشتري وش رأيكم اي نوع يعتبر الافضل من جميع النواحي

افضل الطيور هي الافريقيه والامزونيـه ..

2- ناوي اشتري فرخ صغير ايهم اسهل في التدريب والاسرع بالتعلم وكم العمر الانسب يعني الي تعدى مرحلة الخطر يعني اول ماينولد كم ياخذ عشان يقوى ويصير مستعد للتدريب وكيف اعرف عمر الطير

الفرخ الصغير تقدر تشكله على راحتك ويتعود عليك اسرع من الكبير

ويفضل يكون عمره 9 شهور وحولها ..

3- ايهم الاكثر مقاومة للعاومل الجوية يعني اقل واحد حساسية او اقلهم امراض لاني ناوي احطه بالصالة وتعرفون احيان مكيف واحيان حر وفي تقلب اجواء

العوامل الجويه هذي مشكلة لكثير من الاعضاء مع الاسـف

لكن يعتبر الامزوني مناعته وتحمله اكبر من الببغاء الافريـقي ..

4- ايهم الاذكى والاكثر حفظ للكلمات وكم مدت التدريب على الكلام بالعادة

افضل ببغاء من ناحية الكلام هو اليلو ناب بـلا منازع ومن بعده الدبل يلو هيـد

لكن اسعاره غاليه جدا

وتختلف فترة التدريب من طير لطير

بعضها يومين إلي 3 ايام وبعضها اسابيـع

5- ايهم الانسب من ناحية السعر واي احد يعرف اسعار اي ببغاء يفيدنا بالله

اليلو ناب والدبل يلو هيـد غالبا 10 آلآف وفـوق للأليـف ..

الببغاء الافريقي يبدا من 1000 ريال ويوصل 2000 ريال تقريبا للأليـف

ويختلف السعر من منطقه لمنطقه

6- اي شي تحبون تظيفونه او انا نسيته وتحسونه مهم

اهـم شي الصبـر ومثل ماذكرت قبل

حاول تقرا تجارب الاعضاء ..

اي سؤال تحت أمرك ..

[الجوهر]

حياك الله وياهلا وسهلا بك بين اخوانك

وراح اجاوبك على قدر الاستطاعه وحسب الخبره المتواضعه في هذا المجال


1- مدري وش اشتري وش رأيكم اي نوع يعتبر الافضل من جميع النواحي


الامازوني يعتبر الاول بنسبة لغالبية مربي الطيور وافضلها ولافه وتكلم





2- ناوي اشتري فرخ صغير ايهم اسهل في التدريب والاسرع بالتعلم وكم العمر الانسب يعني الي تعدى مرحلة الخطر يعني اول ماينولد كم ياخذ عشان يقوى ويصير مستعد للتدريب ومعتمد على نفسه وكيف اعرف عمر الطير0


اعتقد عند عمر 6 او 7 اشهر يكون تعدى مرحلة الخطر واصبح يعتمد على نفسه ويكون تدريبه سهل

لصغر سنه


3- ايهم الاكثر مقاومة للعاومل الجوية يعني اقل واحد حساسية او اقلهم امراض لاني ناوي احطه بالصالة وتعرفون احيان مكيف واحيان حر وفي تقلب اجواء 0


برضوه الامازوني بدون منازع يليه الافريقي ولاكن ابتعد عن الهولندي مره مره فمقاومته ضعيفه


4- ايهم الاذكى والاكثر حفظ للكلمات وكم مدت التدريب على الكلام بالعادة0


الامازوني يليه الافريقي اي كما يسميه البعض الرمادي


5- ايهم الانسب من ناحية السعر واي احد يعرف اسعار اي ببغاء يفيدنا بالله0

طبعن الافريقي الانسب من ناحية السعر فأعتقد انه في متناول الجميع من الــ 1000 الى 1500


6- اي شي تحبون تظيفونه او انا نسيته وتحسونه مهم0


اخي الكريم احب اضيف لك قبل شراء اي طير

هذا المنتدى اخي يزخر بكتاب رائعين وموميزين فوق ما تتخيل اتمنى ان تقراء لهم فهم بكل أمانه مرجع ويكفيك ما يضعونه لنا من تجارب مدعمه بصور والفديو يعني ما عليك الا تطبق وتنفذ

اخيراً اتمنى لك من كل قلبي التوفيق في ايجاد الطير المناسب وفقك الله

[د. إحتـراف]

السلام عليكم ورحمة الله وبركاته

وعليكم السلام ورحمه الله وبركاته

1- مدري وش اشتري وش رأيكم اي نوع يعتبر الافضل من جميع النواحي .

بما انك مبتدء انصحك في الافريقي

2- ناوي اشتري فرخ صغير ايهم اسهل في التدريب والاسرع بالتعلم وكم العمر الانسب يعني الي تعدى مرحلة الخطر يعني اول ماينولد كم ياخذ عشان يقوى ويصير مستعد للتدريب ومعتمد على نفسه وكيف اعرف عمر الطير

احسن عمر لك 7 شهور تعدى مرحله الخطر وقابل التعليم والتوليف

3- ايهم الاكثر مقاومة للعاومل الجوية يعني اقل واحد حساسية او اقلهم امراض لاني ناوي احطه بالصالة وتعرفون احيان مكيف واحيان حر وفي تقلب اجواء جميع الطيور تتأذى من تيارات الهواء البارده والافضل عزلهم عنها

4- ايهم الاذكى والاكثر حفظ للكلمات وكم مدت التدريب على الكلام بالعادة

الافريقي بلا منازع , فهو يحفظ جمل طويله ولا ينساها مقارنه بالامزوني ويحب صاحبه جدا .

5- ايهم الانسب من ناحية السعر واي احد يعرف اسعار اي ببغاء يفيدنا بالله

الافريقي انسب لك سعر الفرخ في عمر 7 شهور تقريبا 1000 الى 1400 ريال

6- اي شي تحبون تظيفونه او انا نسيته وتحسونه مهم

انصحك في شراء طير بصحه جيده , يلعب ويصفر حاول تقرب منه وتصفر اذا لاحظته ينصت لك فأغلب الطيور الي تسوي كذا تكون ذكيه وتنصت للكلام .

ان شاءالله افدتك

تقبل مروري

[الحمدلله]

جزاكم الله خير يارب والله ماقصرتو عسى ربي يرزقكم على قد نيتكم يارب ياكريم ويحقق لكم كل ماتتمنون ويبارك لكم ويبارك فيكم ويبارك عليكم آمين يارب

[الحمدلله]

اخوي طيب وش رأيكم بالدرة النيبالي مدح لي اياه واحد يقول كلامه ممتاز واحسنهم مناعة

ياليت تفيدوننا الله يجزاكم خير+وفي انتظار ردود بقية الاعضاء جزاهم الله خير

[in my dream]

بصراحة وعن واقع تجربتي النيبالي مايجي ولا 5% من الافريقي ياخوي ان قال كلميتن هذا زين ولا تصفير زي الناس

[الحمدلله]

الله يجزاك خير اخوي يااخوان طيب قررت بفضل الله اني اشتري افريقي بس كيف اعرف انه مو مصيود ولا فيه شي ولا بلى وعل كم يجي ومن وين احسن مكان اشتري منه جزاكم الله خير

[بادجي 2009]

بالتوفيق يا اخوي انت رح وتوكل ع الله


وراح تحصل الي يعجيك ان شاء الله

[شيخة البنات]

انا انصحك بما انك مبتدى تبدى بالطيور الصغيره والرخيصه وبعد ماتكسب خبره وصبر تنتقل للكبيره

وسوق الحمام رخيص بس انتبه من النصابين انا استفتحت هوايتي بكاسكو ومات بعد عشر ايام بعدها شريت درة ومات هذا حظي اطيح على طيور مريضه

مابي اخوفك بس ابغاك تاخذ الحذر وماتتسرع
وعندك هنا بقسم البيع يبيعون طيور كويسه و ان شاء الله انهم ثقه ..