بسرعه قبل مايموتون جوع :'(

[MoOshi]

أهلن :]

قبل شوي جتني الخدامه تعطيني بلبل صغير مايعرف يطير

ويوم طلعت برا الحوش لقيت واحد ثاني O_O

و فيه قطوتين بحوشنا كباااار يخرعون بسم الله

يعني اذا طلعتهم على طول بياكلونهم

عاد قلت اني بخليهم بالبيت واذا عرفوا يطيرون اطيرهم

بس الحين انا ماعندي اكل لهم ._.
وهم جوعانيييين احط اصبعي على منقارهم يفتحون حلقهم ويصارخون

ترا واحد منهم بلبل والثاني ما اعرف نوعه بس هو اللي كلله بنني بكل مكان نلقاه P:

والبلبل فيه جروح ._.

بس الثاني اكبر منه شوييييي ..

يعني قولوا لي وشو اعطيهم اكل ؟

و وين احطهم بقفص ولا احطهم بسله فيها فوطه ؟

ومتى تقريباً يعرفون يطيرون زين ويعتمدون على نفسهم ؟

ياهوووووووووه
رحت افتح الباب لكودو الا طار واحد صغير وراي وراح المطبخ وطاح بالسطل اللي فيه ماي وصابون
وقعد يصارخ طلعته بسرعه وحطيته بعلبه فيها ماي دافي شوي وطلعته
الحين اختي قاعده تنشفه بالفوطه

الحين انا بفطر اذا خلصت بصورهم لكم

[MoOshi]

اللي طاح بالصابون بيموت شكله :"(

الحين حطيته بالفوطه وحطيته عند الدريشه عشان يدفى وينشف

[MoOshi]

فضلات البلبل فيها شي احمر .. مدري دم ولا توت o.0

الخدامه تقول توت

بس يعني العصافير يطلع بفضلاتهم دم ? :O

[7mamah]

يااااحراااااااااااام والله

مسااكييين

اخلطي لهم بسكوت مع ماي وخليه مثل السيريلاك واعطيهم اياه بالابره ( السرنجه)

وحطيهم في كرتون كبير علشان ما يطلعون ويأذون نفسهم


هذا حاليا وان شااء الله احد يفيدك اكثر

[MoOshi]

ايه بس اللي طاح بالصابون ماياكل ! :'(

[MoOshi]

اللي طاح بالصابون رجع نفس قبل الحمدلله DDDD=

والحين وكلتهم و حطيتهم بالحوش وجوا بلابل خذوهم :]


Thnak you 7mamah :*

[هاوي ومسوي بلاوي]

كيف اخاذوهم ..؟

ومره ثانيه اذا جاك طير زي كذا اكله اي شيء خبز مع مويه والبلابل بذات تحب السليلاك او بسكوت الشاي مع مويه

والله يجزاك الف خير انك ساعدتهم تجياتي لك ولسموك ..~

[MoOshi]

اختي اللي طيرتهم ..
تقول ان اللي طاح بالصابون طار معاهم
اما الثاني انا كنت عندها
كننا حاطينه على الشجره والبلابل يطيرون جنبه ويغردون وبعدين اختفى ! P:

حنا حسبناهم خذوه .. دخلنا داخل

قعدت ساعه تقريباً يوم طلعت
لقيته موقف بالارض ماخذوه ._.

عاد انا باخذه عندي بربيه .. و بشوف بعدين شيصير .

شكراً ^ ^

[MoOshi]

O_O
فضلاته لونها ابيض وفيه شي بنفسجي فاتح O_O
وفيه سهال على ما اظن لان فضلاته واجد :X

مافيه شي يوقف السهال ؟

لاعت كبدي وانا امسح :XX

[كوكتيل الرياض]

اختي لاتخافين ..

جيبي علبه حطي فيها نشارة خشب لو مو متوفره حطي فيها منادل مقطعه عشان يدفون

واشتري سيرلاك وحطي مع السيرلاك صفار البيض بس لازم تسلقونه قبل وطلعي صفار البيض اخلطيه مع السيرلاك وعطيهم بالسرنجه الي هي الابره ..

البلبل اذا كبر على يدك يكون وليف ويطير يجيك ويلعب معك و تقدرين تبيعينه لو انفطم و صار يعتمد على نفسه ..

بالتوفيق اختي اتمنى اني افدتك ^_^