مشكله قاهرتني وفاقعة مرارتي..

[لولي11]

السلام عليكم
اتمنى الاجابه
عندي قطة انثى عمرها سنتين تقريبا
مشكلتها ما تشرب مويه وشعرها يطيح بشكل مو طبيعي
وفي مشكله ثانيه مضحكة وهي انو لو راحت معانا وركبت السيارة تتحول كلب تلهث وتفتح فمها وتدلي لسانها وبس تنوي نفسي اعرف ليش
وسلامتكم

[zErOkA]

اختي وديها للبيطري يمكن يكون معاها شي
مشكورررررررر

[لولي11]

وش معاها يعني
المشكله وديتها قبل شهرين علشان التطعيم وفحصها بس ما قال فيها شي بس اداها كريم ودوا حبوب تنخلط مع الحلبيب بس المسكله ما شربت الحليب وبعدها كرهت الحليب والمويه

[genan]

هااايوو لولي..........ع الاقل اذا هيه مااتشرب موويه حااولي تحطيلها الاكل يكوون فيه مرق مثل الوسكاس بالحلم والمرق تعووض شووي وخليها تاكل زبادي قليل الدسم ولازم توديهاا للبيطيري وربي يخليهاا لك......وطمنيني بااايووو

[genan]

عفووا باللحم

[pomme]

السلام عليكم لولي11
سوري إذا راح أقصر معاج
إن شاء الله أفيدج بلي أعرفه
مشكلة تساقط الشعر عادة تكون بسبب
كثرة السمك
فلا توكلينها بكثرة
أما إذا كنتي منتظمة معاها بالتغذية
فيمكن تساقط شعرها بسبب
نوع الشامبو
أما على تصرفاتها وسلوكياتها
فما أدري شقولج
يمكن لقافة مؤقته
لووووول
ما تدرين ؟
على العموم دايما الملجأ الأخير الطبيب البيطري
سوري إذا قصرت

[josy]

مرحبااا

مشكلة انها ماتشرب ماي مابعرف بس البسس بطبيعتها تحب تشرب بس اوقات تشرب من اماكن ماتنتبهيلها

او تشرب وانتي ماتشوفيها...!

الحليب مو كل البسس تحبه انا عندي بسة تحبه وبسة ماتقدر تطلع فيه.

ومنيح ماتشرب حليب مشان لايجيلها اسهال.!

انه شعرها يتساقط..بيكون بدها فيتامين بالاكل او نوعية الاكل بدها تغير.!


او بفترة تزاوج او حمل.!

حطيلها نقطتين زيت زيتون في الاكل تبعها وان شاءالله بتتحسن..

يالي تقولي انها تساويه لما تطلع معكم بالسيارة هيدا بيكون خوف

لانه بسسي هيك

الافضل ماتاخديها وتعوديها شوي شوي انها تطلع لبرة معكم.!

الله معك

[did]

اختي وديها للبيطري واعطيها ابره حق ( الحشرات والامراض المعديه وتساقط الشعر ) كلها بابره وحده (مره بالشهر)
انا قطتي كانت تعاني زي كذا تقريباا ... والحين الحمد لله بكامل قواها ونشاطها
واذا تبين تعرفي المحل ( جده _ حلقه الانعام والاغنام الجديده )
الدكتور مره مزبوط والتكلفه مو بغاليه ابد

[فراشة الرّبيع]

المشكلة حقت انها ماتشرب موية فضروري ولازم انها تشرب موية وضرر انها ماتشرب موية

امكن ماتشرب عشان الموية فيها شي زي مادري فين قريت انو البسة ماتشرب موية الصنبور عشان فيها رائحة الكلور
لازم الموية تكون صافية عذبة ونقية وخالية من اي شي
طعم نكهة رائحة عشان تشربها

والباقي ماعرف
والله يشفيها يارب

[sisi_moon]

هـــلا لـولي

إذا انها ماتشرب مـاي معناتة إن أكلها يا معلبـات او دجاج مسلوق مــو؟ ؟

لان القطط اذا لقت حاجتهاا من المـاي في الأكل يقــل شربــها للمـاي

انا أول قطاوتي . . اذا أعطيهم دراي فــود بس ( أكل مجفف )

كانوا يشربون ماي كثييييييرررر ..

بس الحين أكلهم كله دجاج مسلوق وخضار ومع ماي السلق حقــهم

فـ قل شربهم للمــاي .. انا بطبعي يوميا قبل لا أنام أغسل لهم صحن الماي وأعبيه من جديد

قبــل على أيام الدراي فود .. أجي أشوف الصحن نــــــــــــاشف ولا قطــره .. بس الحين مايتحرك منه الا شي بسيـــــــــط

وزي مـاقالت جوسي يمكن تشرب بوقت انتي ماتلاحظينه وتشرب بكميه بسيطه فـ عشان كذا ماتبين بالصحن

بس عالعمـوم إذا انتي مره تحــــاتين زودي كميه الماي في الأكل حقها لو كنتي تعطينها معلباات أو أكل منـزلي

وتساقط الشعر له كذا سبب .. ممكن بسبب حاله نفسيـه ( حمل _ طلب تزاوج _ رضاعه ) ... حاله الجــو .. التغذيـه .. نوعيه الشامبــو .. قله الأهتمام بالشعر والتمشيط ..

فـ شوفي إيش المشكله وعالجيــهاا

اما عن اللهــث في السياره لاتخافين طبيعي جدا .. بسبب تغير المكان والخوف أو ارتفاع درجه الحراره بالجسم .. او الجو يكون مشمس وحـار كثيـــر

وبالتــوفيق