سؤال عن مادة ( بودرة ) تطلع من ريش الكاسكو

[Walter505]

تو زوو .. مسائكم فل .. و كيف أحوالكم

أمس كنت جالس مع الكاسكو نسولف .. المهم أبو الشباب قام نفض ريشه .. وكان وجهي قريب من عنده .. و كأني لمحت شئ زي البودره ( أو ماده غباريه نقدر نقول ) .. طلعت من ريشه ... طبعا أنا بعدها بديت أمشي و أعطس .. علما أني ما فيني حساسيه من أي نوع .. بس ما أدري .. لا يكون سوى فيني شئ هالمهستر !!

السؤال .. هل في بودره تطلع من الكاسكو ... أنا خبري الكوكاتو بس هو الي تطلع منه هالاشياء .. وش رايكم ؟

ملاحظه :- طبعا أنا أروشه من اخذته كل 6 ايام تقريبا و اليوم اشتريت بخاخ .. و حطيت فيه مويه حلوه .. وبديت أبخ في الكاسكو .. احتياطا عن الغبار ولا بودره

أتمنى أسمع أرائكم ... و منورين

[شاهيـن]

عادي أخوي هي مثل البودرة الموجوده في الكوكاتو لكنها بنسبة أقل في الكاسيكو و هذي المادة تقوم بعمل عازل عن الماء

[مجنون الامازون]

هذه المادة طبيعية .. لا تشيل هم ..

[عبدالعزيز1]

المشاركة الأصلية كتبت بواسطة مجنون الامازون

هذه المادة طبيعية .. لا تشيل هم ..

وش حلّها طيب ؟؟

اروشه يوميا ؟؟

قسم بالله انواع العطاس في البيت

[نادر المكاوي]

وانا مثلك قلت شكلو هذا بينفض نفسه بعد ما كان يحك ومدري ايش بس ما اتوقعها خطيرة

وان شاء الله الخبراء يفيدنا في اسرع وقت

[naasooh]

طبيعيه
و
للتقليل منها اتغسله بأنتظام

http://www.2zoo.com/vb/showthread.php?t=152358

وخليه يتشمس ((( بوقت اشمس مااهي حاره ))) وبمراقبتك له

[S7R]

انا لي 7 ايام . الطير عندي .. ماسبحته .. يحك جلده باستمرار ... الضيف توه جديد ماودنا نروعه

مع اني حاولت عدة مرات لترويشه .. لاكن ينحاش .. ولا ابي يكون الترويش زي الجحيم بالنسبه له


واشوف على ريشه لما اقرب زي القشره ... هاذي اللي تقصد ؟؟؟؟؟؟؟؟؟؟

وانا مالاحظت اي عطاس ولا شي الحمدالله

[طير الهوى]

،،

يروح بالترويش ..

بخاخ المويه حق الكوي بالعادة يفي بالغرض



وانا افضل واستخدم هذا :



ومميزاته هي :

1/ التحكم بكمية الماء أفضل من العادي .
2/ الراحة بالاستخدام .. فهو مثل المقبض تكون ضاغط عليه والماء يرش من حاله .. مو مثل العادي رايح جاي ويتعب يدك .
3/ ماله صوت يخوّف الطير مثل الرشاش العادي .
4/ مخزن الماء أكبر ويتسع لكميات أكثر .


وانا بصراحه اضيف ملعقة زيت زيتون داخل الرشاش وهو مليان ماء .. علشان تعطي للطير لمعه حلوة على الريش ^.^ واحرص كل الحرص انك ماتوجه الماء بشكل مباشر لوجه الطير .. ولا تنسى رجلينه .. ترى مهمه مهمه مهمه ..

وبالتوفيق

،،

[Walter505]

شاهيـن
مجنون الامازون
فكتور
نادر المكاوي
naasooh
S7R
طير الهوى
يعطيكم العافيه على تفاعلكم و أجوبتكم ...و أعذروني على تجاوبي المتأخر والسبب مشاكل الاتصال <=شركة الاتصالات حابه تمزح معاي شوي

أنا كنت أفكر هذه المادة بس في الكوكاتو ... عموما ما أتوقع انها تأثر على الاشخاص الي ماعندهم حساسيه
طبعا بالنسبة للتقليل منها عن طريق تروش الطير ... يمكن تكون شوي صعبة بالنسبة للطيور الجديده .. بس من أفضل الطرق الي حددها الاخ " طير الهوى " عن طريق البخاخات .. لاحظت أن الببغاء يستانس عليها وهي تفي بالغرض .. أنا ابخ عليه يوميا و ان شالله ما يضره هالشئ

تحياتي لكم

[Walter505]

شاهيـن
مجنون الامازون
فكتور
نادر المكاوي
naasooh
S7R
طير الهوى
يعطيكم العافيه على تفاعلكم و أجوبتكم ...و أعذروني على تجاوبي المتأخر والسبب مشاكل الاتصال <=شركة الاتصالات حابه تمزح معاي شوي

أنا كنت أفكر هذه المادة بس في الكوكاتو ... عموما ما أتوقع انها تأثر على الاشخاص الي ماعندهم حساسيه
طبعا بالنسبة للتقليل منها عن طريق تروش الطير ... يمكن تكون شوي صعبة بالنسبة للطيور الجديده .. بس من أفضل الطرق الي حددها الاخ " طير الهوى " عن طريق البخاخات .. لاحظت أن الببغاء يستانس عليها وهي تفي بالغرض .. أنا ابخ عليه يوميا و ان شالله ما يضره هالشئ

تحياتي لكم