استفسارات بخصوص الدجـآج الي عنده جواب يدخل الله لا يهينه

[هزار]

الـسـلام عليكم ورحمة الله وبركاتـه

اخواني انا جديد في تربيـة الدجـآج البلدي وعندي بعض الاستفسارات واتمنى احصل الجواب عندكم ..

انا اشتريت دجاج صغير يجي عمره تقريباً شهر واليوم الثاني لهم انا مو عارف انا اوكلهم او هم

هم ياكلون من حالهم ؟

وكيف اميز هل هم انثى ام ذكر ؟

وماهو افضل انواع الاكل لهم وهم بهالعمر ؟

[حسون الزيبرا]

المشاركة الأصلية كتبت بواسطة هزار

الـسـلام عليكم ورحمة الله وبركاتـه

اخواني انا جديد في تربيـة الدجـآج البلدي وعندي بعض الاستفسارات واتمنى احصل الجواب عندكم ..

انا اشتريت دجاج صغير يجي عمره تقريباً شهر واليوم الثاني لهم انا مو عارف انا اوكلهم او هم

هم ياكلون من حالهم ؟

يب يب يب

وكيف اميز هل هم انثى ام ذكر ؟

الكتاكيت : شوف اللغد حقتهم الي باين شي خفيف يعني ديك والي مو باين ولا شي يعني دجاجه

وماهو افضل انواع الاكل لهم وهم بهالعمر ؟

الاكل حق الدجاج الي زي البودره بس والله مو داكر اسمه

[صمت الأمل]

وعليكم السلام ورحمة اللهـ وبركاتهـ ..



أهلا وسهلا فيكـ أخوي هزار ,



الصيصان تاكل لحالها .. مايحناج تطعمها بنفسكـ لأنها تعتمد على نفسها .. بس جلس الأكل عندها وراح تاكل .



أفضل أنواع الأكل هو اللي تقدر تعطيها من البيت .. يعني أي شيء تقريبا ياكلونهـ مثل :



بقايا أكل البيت _ الرز _ الذرة المطحونهـ _ الخضار والفواكة المقطعهـ تقطيع صغير _ الورقيات مثل الخس والبقدونس _ البطيخ بيفرحهم جدا خصوصا وقت الصيف والحر _ البقوليات اذا عندكـ فائض منها مثل العدس والماش والجريش وغيرها ,



ولا تنسى الماء النظيف لأنه ضروري جدا خصوصا وقت الصيف ,



وبالنسبهـ للتمييز بينهم مثل ماقال لكـ حسون الزيبرا .



وأيضا اذا تبي تقوي المناعه عندهم عطهم شرائح قليله من البصل الطازج أو الكراث ..



بس ماقلت لنا وين أنت محتفظ فيهم ؟؟ في كرتون أو في قفص صغير أو عندكـ في الحوش ؟؟؟

[فرّي]

يا حسون الزيبرا وش معنى كلمة : اللغد ؟؟؟؟؟

هل تقصد العرف ؟؟

[حسون الزيبرا]

**** لالالالالالا ****

العرف الي فوق

واللغد الي تحت تكون ع يمين و يسار المنقار

شوف هدي الصوره بتوضحلك اكثر



عرفت اللغد الحين

[فرّي]

أهاا ما شاء الله صورة رائعة في وقت يؤذن فيه الديك

بس اخونا صاحب الموضوع يقول عمرهم شهر يعني توهم ما اتوقع يطلع لهم عرف اصلاً في هالعمر فكيف باللغد

[هزار]

اشـكر الجميع على الردود الرائعه


والله يعطيكم العافيه ..

[حسون الزيبرا]

المشاركة الأصلية كتبت بواسطة فرّي

أهاا ما شاء الله صورة رائعة في وقت يؤذن فيه الديك

بس اخونا صاحب الموضوع يقول عمرهم شهر يعني توهم ما اتوقع يطلع لهم عرف اصلاً في هالعمر فكيف باللغد

**** هههههههههههههههههههههههههههههههههههههه ****

اللغد هي اول شي يطلع في الدجاج وبعدين العرف

بس الصوص الي عمره شهر او شهر ونص بالدات شهرين يصير عند الديك بااين واضح جدا جدا

والدجاجه مايطلع لها الا يمكن لما يصير عمرها 3 او 4 او 5 شهور بس يكون خفيف جدا


العفو ياهزاز