زعـــلان منـكم

[عنـــــاد]

الســـــــلام عليكم ورحمة الله وبركاتــه



اخـواني اتمنى انكـم تكـونون بخيـــر وصيــف ممتعـ برحلاته بآذن الله


اخواني الاعضاء انـا طرحـت موضوعـ 4 مـر1ت وحاولت اخلي احد يرد علي وللآسف الموضوع ينشال


بالموت نزلـت صور ببغاتي عشان اعرضها لكم وتشوفون لي المشكله وللاسف ينشـال موضوعـي مع الصور


مع العلـم انا يعنـي مو عارف شنو السبب

[جوسلين]

اخي اكيد في سبب و اظن ان الادارة حترد عليك

[د. إحتـراف]

افاا اخوي عناد

عطني الرابط وابشر بعزك طال عمرك اذا كنت اعرف مشكلت طيورك


تقبل مروري

[عنـــــاد]

تسلمون لي والله ماتقصرون وفيكم الخير


الحقيقــه انا المشكله ماعرف شي بالمنتدى خويي نزل الصور مرتين ومادري ليه ماشوفها لا هي ولا الموضوع


ومشكلتي عويصه لها شهريــن بقولها لك بختصار وياريـت تساعدوني الله يرضى عليكم



انا عندي ببغاء افريقي لـه 7 شهور عنـدي عيــونه رصاصيــه لسه


المهم الطير الان صار له اكثــر من شهر تعبان مايتحرك ابد ولا يقـدر يفتح جنـحانه ولا يصفر ولا يآكل شبه تعطل بالكامل


ومن بعد الشهر الى الان صرت اعطيه سريلاك وديته اكثر من بيطري لاكنهم يقولون سهال ولي يقولي دود في بطنه ولي يقولي مرض السل


انا نزلت الصور وماشفت رد المشكلـه وفوق هذ1 البيطريين بالحسا الله يهديهم مايسوون فحص لا بس يناظر فيه ويقولك فيه كذ1 وكذ1 وهو ماكشـف ولا شي



السـؤال الطير شنو يعاني منه مع العلم انه صابه سهال وفوق هذ1 كله لي اسبوع اعطيه جرعات اخذتها من الجامعه


السؤال الثـاني الببغاء الرمادي متــى يقطع السريلاك يعني الى متى وانا اعطيه سريلاك


السؤال الثالث الببغاء حقي مايآكل الا حب شمسي بشرط يكون مغلي اما الي اشتريـه الخاص له مايـآكله من بعد المرض ومايآكل الا شوي



السؤال الرابع وسامحوني على الاطاله مافيه ريش تحت جنحانـه ابد بس صدره ورقبته من ورى مافيها شعر مع العلـم انه ماينتـف ريشه اصلا مافي شي ينتفـه ابي اعرف السبب والحلول




ولو اعرف انزل الصور نزلتها لكم وبحاول بس تقريبا شنو فيه المرض وتعب وغير هذ1 الريش مايطلع له بس بدايه ويطيح وبعض الاماكن مايطلع ابد مقرع

[سنايديه]

السلام عليكم

هذا رابط موضوعك اخوي اهو نقل الى قسم سؤال وجواب

تفضل مع الصور


http://www.2zoo.com/vb/showthread.php?t=165901

[عنـــــاد]

الله يكثر خيرك وماقصرتو طيب بروح له بس وشلون الاقيه لازم هالرابط يعني

[عنـــــاد]

سنايديه طيـب ليــه ماحـد رد علي غير د احتراف الله يجزاه خير هل عشان مكانه مو مناسب ولا مافي سبب

[د. إحتـراف]

السـؤال الطير شنو يعاني منه مع العلم انه صابه سهال وفوق هذ1 كله لي اسبوع اعطيه جرعات اخذتها من الجامعه

والله اخوي مسأله العلاج صعبه اني اعطيك حل فيها يمكن اقولك حل او اسم دواء ويموت الطير


السؤال الثـاني الببغاء الرمادي متــى يقطع السريلاك يعني الى متى وانا اعطيه سريلاك

طيرك عمره 7 أشهر يعني يقدر يعتمد على نفسه عطه حب شمسي وفول سوداني وابعد عنه الفواكه تماما لانه الى الان مريض

السؤال الثالث الببغاء حقي مايآكل الا حب شمسي بشرط يكون مغلي اما الي اشتريـه الخاص له مايـآكله من بعد المرض ومايآكل الا شوي

اذا تأكدت ان طيرك تعافى بأذن الله , حط الحب الشمسي بدون ماتغليه وخله عنده وهو راح ياكله من الجوع



السؤال الرابع وسامحوني على الاطاله مافيه ريش تحت جنحانـه ابد بس صدره ورقبته من ورى مافيها شعر مع العلـم انه ماينتـف ريشه اصلا مافي شي ينتفـه ابي اعرف السبب والحلول

مشكله الريش تحتاج لـ الكالسيوم , عط الطير بليله مطبوخه ورز أبيض وكالسيوم تشتريه من العياده البيطريه , واذا تبي تختصر المشوار هذا كله في علاج واحد عظمه االحبار

[عنـــــاد]

ماقصــرت ياطويل العمـــر وماقصرت بصراحه افدتني صدقت انك مو ممكن تعرف حالة المرض بس على الاقل نورتني



سؤال اخر وبطلع هههههههههه متى يتكلم الببغاء في اي عمر اكلمه او اعلمه الكلام هل الان ولا قبل ولا بعدين

وهذي بوسه على خشمك ><

[سنايديه]

المشاركة الأصلية كتبت بواسطة عنـــــاد

سنايديه طيـب ليــه ماحـد رد علي غير د احتراف الله يجزاه خير هل عشان مكانه مو مناسب ولا مافي سبب

هلا اخوي

لالا يا خوي ما في سبب ولا شي بس انت تعرف الموضوع يروح مع زحمة المواضيع وينزل

وانت عارف ما شا الله المنتدى عامر باالاعضاء

واذا فقدت اي موضوع ومنت عارف مكانه تروح على طول لملفك الشخصي بعدين الاحصائيات

بعدين المواضيع المكتوبه بواسطتك وما في اسهل منها تلقا جميع مواضيعك المكتوبه بواسطتك


على فكره الرابط الاول موشغال معليه هذا رابط موضوعك

http://www.2zoo.com/vb/showthread.php?t=165901